(Kembalri Detelro Tena A Yeko) ¹ Metlrena detlro kembalri detlro mena se te tuwauna, nena blrengka tena poi telrete menonaiye ntnate mang walri kena eupo e nepelre a kilranemelrna peko tena mekoipai. ² Nekaye kembalri detlro nena 0blengka tleplrena te nekaina detlro. (Mendo Sisi Nepelre Doi Kena) ³ Nena delre atena tutipainya nepelre neyo telreplrena do keka. Bulrunaye kembalri detlro nena btrengka te poi tlete mekonaye plre kena te klrounaye, da a te nete sanembonde nepelre kilrimbonde. Nepelre detlro mendo sisi te kilraina ena Tuhan Yesus Kristus lrna tlreplre a ambai nepelre poi kilraina. ⁴ Ne aupeuna ne mendo doi panya kalro nemeina a kalrone nenei eute doku yowe nepelre nemeina nimei-nimei kalro ne, ⁵ Nepelre nemena mote detlro mendo peko dupukona nelrone nepelre tlreplrena te baite selrai pukona nei mendo tlreplre kalronalre sa te yatenaimelre. ⁶ Nemna kalro tenate tlreplrena nekeuna elrimepekona kalrone nena eu doplre te yatenemlre menasa doupai ipai. ⁷ Neplrenaye e dayo bulrate memalrena mena sa doipai mipai, nemandlrati da yo bulra di temalre menasa dolpai ipai. ⁸ Neplrenaye emblruna sa pelre, mayong pelre nekenaina tena tepeye elrimepeko. ⁹ Sa doplre na kenate denenelrna detlro, wapi-wapi kalrone nepelre e'te teme yenembone, nepelre eusa wepaina kalrore plro-plro kalrolre nete detlro te peko ei te tunumbone. ¹⁰ Neplrenaye doi kenate danyena, peko kena yenso ye talripiyaina detlro doi kalrote bisisyouna nenei tlreplre na nipilre tapenatuku, nepelre nenei eute peko te mekoupuko neplrenaye poi nena'na nikipai. (A Kalro-kalro Te Mendo Ei Ne Nekenaye) ¹¹ Netenapote weye Mang Walri kena detelro mane nekauna wei eute, metelrnalre baite dowe, tlreplrena te besesuna mlro-mlro te, telreplre, kenabisye, nepelre kena malru-malru. ¹² Noulrena tlreplre eine wake ye siwe neplrena walri tiki te kelrowe nena tena wete simipuko a te poi telre Detlro doplre kena bekoune saukawe ¹³ Mang walri kena bekoune metlrena sate walri te yatumulre nepelre Yesus Kristus kena bekouna, Pontius Pilatus kena be eine a te poite saukunane, De wete meke senamalre. ¹⁴ Da a mekalrna te mekombombe peko pelre ambai nende ena Tuhan Yesus Kristus date mende. ¹⁵ Nenei ya saukuna selreine nenei eute kyanemepode nenei mbeikana delre bulrate yo blrengka nekaine bulrane, andewa metelrena andewa. ¹⁶ Ne mbeika moye nembeimo walritou, Ne nekeuna kiya, detlro si plre yelrikoipai. Ne mote metlrena poi plre delre bulralre nemenambeite! Tlreplre. ¹⁷ Nemena kalrote wsa doplre na detlro te qsanemapone nenei eu tena delre tena elripanya ambai nena kena te sasiasi noumbainya bulrate kelroipanya. Wena kenate Mang Walri kena bulrate kelrombonde, neplre sasiasi te kaso plre e ye tape malrenate kelroume. ¹⁸ Ne te sanumulre poi te mekonaiyena kaye poi walrolre sa doplrena detlro mane dunaipone, neplrena kaye kena tepa-tepana, detlto mane nepelre sa te kaye wasemulre. ¹⁹ Nemnatente sa te nenei eute koplrinaye nenenate nou te poye yeko te mekonaye dina ya selrei tenate, nemna tenate nenei eu te yelreu poi bulrane kelraunai tepaye. ²⁰ Timotius, wena bulrana senaimpekona te sema te nekewe, da yo bulrana aupeu kalrolrna a te baite salrewe, nepelre yeko nalrekeko na kalrotena nei mendo walro tena. ²¹ Nena tlreplrete elraipukona detlro si ye tlreplre na kalrolre sukaisiki kalropoi wena ne nekembe.