A TEI TE SENAMAR APEPEU PERNA BARNAI MENAINA ¹ Aru mero mero meke sanumuna wambeya tena ya tutena ya detelro yei mane nekandena ena terpere baite da yaro meponde e peda ona onunate da kapemanre wapi wapina ete kirimnere yatenemere. ² Neye a yuyu wapi yameeu oyo meipai apeupeu nena kena mero mero peko oru namu tikembuko. ³ Neye detelro aye pero na mere mire pe do pere meterna yatikopainya neperna ate saniyame Mang Walri kena waro na satena yanipainya nekaina mang terperete erapuko nena asena terpertere eraupeko. ⁴ Mang Walri kena sa mukowena nekaro poi nekaro ne nekewe baite sareyena sa mendote nekombone. ⁵ Neperna meterna Mang Walri metetampumpuku ⁶ Neperna wete poi ate kiritemere dokeka ne kena bai mote werandena wete kiritemere. ⁷ Yansina a bumensu a kemeng kiriyomu. ⁸ Eu kanipotena soute kiriyame yeko betena eyei poi tena ⁹ Dena a eune poitere sanenponde terpere tere eruponde kena adune. ¹⁰ Ne karotena kembari nepete mekade ¹¹ A te sanumuru asena da waro waro te kiri nemane. ¹² Detro wetena ona titipainya we do sekaro wena yeko dero site kirimure kenabei ne a bei te einaiye ayeko. ¹³ Deye nekote metere kenare ketembombe asna eine nekembe ate ¹⁴ Da a waro sau tena ei dipainya wena yambu wete ikinerena penatua kena tepai pekona. ¹⁵ Da a waro tena kena tere keteponde eueu pere karonunu neperna da detero yei terpere einaiponde. ¹⁶ Dou poitere poitere tewe wena eu nekeyenanaina beya a waro te kirime kenate duskonde wena warore deterosi betaina terpere te saunai.