¹ Biiya gá, que chi gunu guenda nacha'hui nezalú si binni ti gucha sica guendanaro' xtitu, paca que zapadiou gasti xti Bixhose nu ni nuu guibá'. ² Ne ora gudilu ti guna la?, que guniditu ridxi nezalútu casi runi ca ni rudxiba laca laa ndani yu'du ne lu neza, ti gusisaca binni laca. Gabeca lii, lacabe ma biaxha cabe. ³ Peru ora gudilú ti guna la?, que gudidiou lugar que naalu ladu viga ca ganna xhi cayuni naalu ladu ndiga. ⁴ ne zaca guna xtiu bidini naga'chi'. Ne Bixhose lu ni ruya ra naga'chi' zaguixhe lii pur ni bini lu que.

⁵ Ne ora guini' ne lu Diuxi la? que gacadiou casi ca binni ni rudxiba laca laa. Pur ti laaca nadxica guzuhuaca ne guinineca Diuxi ndani yu'du o lu neza, ti zaca guya ca binni ca laca. De dxandi gabeli, lacabe ma biaxha cabe pur ni bini cabe. ⁶ Peru li, ora guinine lu Diuxi, guyu ndani yoo. Bitegu puerta, ne gunine Bixhoso ni nu ra naga'chi. Ne bixhoso ni ruya ra naga'chi zaguixhebe li. ⁷ Ne ora guinine lu Diuxi, cadi guinilu laca ngueca casi runi ca ni cadi judiu, pur ti lacabe rini iquecabe de que siudiaga cabe laca pur ti rini cabe xtale. ⁸ Nga runi, que gacadiou casi lacabe, pur ti Bixhozo runi bia' ni li caquiñe luu ante que lii guinabadidxalu Labe. ⁹ Nga runi, gunine Diuxi sicarí: "Bixhozedu ni nu guibá', tobi lucha ne nandxo' nga La'lu. Gueda guenda runi mandar Xtilu, ¹⁴ Pa lii guxhialu xtondá ca binni la?, Bixhozo ni nu guibá' laca suxhia' xtondá luu. ¹⁵ Peru pa lii que guxhialu xtondá ca ni ruche ne lii, Bixhozo laca que suxhiadi ca xtondá lu.

¹⁶ Ne ora, guianu que goolo, que guluidiu de que nagundulú, cani rinni si' ne que runica, pur ti laca ruchaca luuca ti guya binni que cayoca. De dxandi gabe lii, que lacabe ma biaxha cabe pur ni binicabe. ¹⁷ Peru lii, ora guianu que goolo, guluu za iqué lu ne gudibi luluu. ¹⁸ Saca que suluilu binni que cayolo, si nu que Bixhozo siou ni nuu ra nagachi'. Ne Bixhozo, ni ruya ra nagachi', saguixhe lii pur ni biniluu.

¹⁹ Que cuchahui diou ni risaca ndani guidxilayú di para lii, ra polilla ne be' ruxhuxhe, ra ca gubana' ma rasi riuca ne riba'naca. ²⁰ Laaga, bitopalu ni risaca guibá' para lii, ra polilla ne moho que suxhuxhe, ne ra ca gubana que siudica ne cuana ca. ²¹ Pur ti ra nu ni risaca xtilu, racaca siu ladxidolo.

²² Guielucabe nga biani ruza'ni xti cuerpu ca. Huaxha, pa guielulu lu ca nachahuini la?, guidubi naca cuerpu xtiu ca dxa tipani de biani. ²³ Peru pa guielulu ca que nachahuini ni la?, guidubi naca cuerpu xtiu ca dxa tipani de guendanacahui. Huaxha, pa biani nu luguialu ca de guendanacahuini la? ¿Pabia naroba guendanacahui ca ya?.

²⁴ Guiruti zanda gusisaca chupa señor, pur ti zandaca gaca nanaladxi tobi ca ne ganadxibe xtobi ca, o susisacabe tobi ne xtobi ca co'. Lii que zanda di gusisaca lu Diuxi ne ca bixhichi' risaca ca.

²⁵ Huaxha naa rabe lí, que guica' iqué lu pur guenda'nabani xtiu, xhi goolo o xhi gueelu o de cuerpu xtiu, xhi gaculú. ¿Pur ti cadi jma nga guenda'nabani que guendaroo la?, ne cuerpu ca jma que larii la?. ²⁶ Biiya ca mani ripapa lu bi' ca. Qué riguu ca biní ne que ribee ca guela, nin'ca qué ruchá ca troja, peru Bixhoze lu ni nuu guibá' rudii ni gooca. ¿Ñe cadi jma risaca tu que laaca'me la? ²⁷ ¿Tu de laatu runi nuu ca xizaa zanda uguu ca xti xhupa late gande nu xcayu iza jma lu guendanabani xti ya?

²⁸ ¿Ne xiñee nuu tu xizaa de ni gacu tu ya? Laguiní ique tu de ca liriu ndani ca layú ca, ximodo rigaa cani. Laacani que runi cani dxiiña, ne que riguiba ca xhaba ca. ²⁹ Ne necape za cá naa zabe lii, nin Salomón de lu biá bisaca la? que nuzuchahui casi ca laca ni. ³⁰ Pa Diuxi ruzuchahui ca yaga guixhi, ni nuu yanna dxi ne guixhi ma biruugu ca ne ri lá ca luu beele ¿Caxape laatu jma ru que guzuchaui Diuxi, ca ni huaxhie runi cre ca?. ³¹ Ne cadi chuu tu xizaa ne guiinitu: '¿xhi goodo?' o, '¿xi guidee du?' o, '¿xi gacu du?' ³² Purti guiraa ndi ruyubi ca binni ni que runicree ca; pur ti Bixhozo ni nuu guibá' la? naana de que caquiñe cabe cani. ³³ Peru niru biyubi guenda runi mandar ne guenda nachahui xti Diuxi ne de guiraa ndi la? zeda ni para lii. ³⁴ Xisi la?, cadi chuu diou xizaa de ni chi gaca ixí', purti ixí' ru nga chi guihuini xi chi gaca. Guiraa ca dxi ca napa cani guenda nagaana xti cani.