¹ Jesus bire be de ndani yu'du ne zeebe lu neza xtibe. Ca discipulu xtibe bidxiñaca para gului ca laabe ca yoo ro' xti tu'du'. ² Peru laabe bicabi be ne gudxi be laaca: "¿Laatu que ruya tu guira ca ndi? Dxandipe zaabe laatu, nin ti guie' que ziana luguia xti guie' sin que guzaaba cabe laa."

³ Laga laabe guri be lu dáni xti ca Olivu, ca discipulu bidxiña ca ra nu' be ra nu' cabe laasi cabe ne gudxi cabe laabe: "Gudxi laadu ¿Pa dxi nga chi gaca ca ndi? ¿xhinga chi gaca seña dxi lii guedu ne xti ra guiluxhe guidxilayu'?"

⁴ Jesus bicabi laacabe ne gudxi laacabe: "Lagapaga laatu de que guiruti quite laatu. ⁵ Ti purti xtale zeeda ca lu la'ya. Laacabe zani' cabe: "Naa nga cristu" ne zine cabe xtale lu guenda riguite. ⁶ Laatu zunadiagatu de ra cadinde cabe, ne zani binni de ra nu' de tinde cabe. Laguuya de que cadi guchibi cabe laatu, ti purti naquiiñe gaa ca ndi', peru caaru di guiluxhe guidxilayu. ⁷ Ti purti ti guidxi ro' siaza luguia xti guidxi ro', ne ti reinu siaza luguia xti reinu. Ziu gubiña ne zaca xhu' xtale ladu. ⁸ Peru guira ndi naca sí ni ra cuzulu yuuba ba'du.

⁹ Oraca zudii cabe laatu para tiidi tu ra nana ne zuti cabe laatu. Saca nanaladxi cabe laatu lade guira guidx ro' pur la'ya. ¹⁰ Oraca xtale satende ñee ne zudxi deche liasa ca, ne saca nanaladxi lisa ca. ¹¹ Xtale profeta ni cadi dxandi siaza ca ne zine ca xtale lu guenda riguite. ¹² purti guenda runi ni nadxaba sadale, guenda nananda zaniizi ndani ladxido' xtale. ¹³ Peru ni laa guzuhua dxichi dede ra guiluxhe, nga zala'. ¹⁴ Ca didxa xti guenda runi mandar xti Diuxi di' zui' cabe ni interu naca guidxilayu' para gaca ni ni guzihuini para guira ca guidxi ro'. Ne oraca zeeda ra guiluxhe Guidxilayu'.

¹⁵ Nga runi, ora laatu guya tu guenda nayuudxu xti pabia' xhaguete ma bisaba guenda nana di', de ni guni' profeta daniel, suhua ra lugar nandxo, (ni gu'nda la? guiene), ¹⁶ Lagudi de que ca ni nu' ca Judea guxhoñe lu ca lu ca dáni, ¹⁷ Cadi gudi tu ni dxiba ique yoo guiete chi guyubi xiixha ndani lidxi, ¹⁸ Ne cadi gudii tu ni nu ra ñaa guibigueta chi guyubi laari dxaa xti. ¹⁹ Peru ¡Pobre si de ca ni nu' ne xcuidi, ne ca ni cugadxi baduhuini ca dxi que! ²⁰ Laguini' ne Diuxhi para ora guxhoñelu tu ca' cadi gacani ca dxi nananda, ninca dxi guenda riziiladxi. ²¹ Ti purti ziu ti naro'ba guendanana, casi ca que huayu ndani guidxilayu' dede dxi guya' dede nagasi, co', ne que zui dxi chu'. ²² Pa cadi ca dxi que guirúgu lu' ca, ninti binni que zala, peru pur ca ni ma bibii', ca dxi que sarúgu lu ca.

²³ Oraque pa tuuxa gabi laatu: "Biiya ¡Rari nu Cristu! o ¡Rarica nu' cristu! cadi guni cre' tu. ²⁴ Ti purti xtale Cristu ni cadi dxandi, ne xtale profeta ni cadi dxandi zeeda ca ne zului ca xtale seña ne xtale guenda ridxagaya, para quiiteca, ne pa ganda, dede ca ni ma bibii'. ²⁵ Laguuya naa ma bizayanirua ndi luutu. ²⁶ Nga runi pa gabi cabe lii: "biiya, cristu nu' lu yude ndá, cadi guirelu che' lu lu yude' ndá. O biiya laabe nu'be ndani ca cuartu dentru ca', cadi guni cre' lu. ²⁷ Ti purti casi biani rayu ruzaani ladu riaazi gubidxa, saca saca dxi gueeda xhiiñi binni guidxilayu'. ²⁸ Ra tiicasi chu' ti mani ma guti, raca zadxiña zo'pe.

²⁹ Peru naguenda pe tiidi si guira guendanana de ca dxi que, gubidxa sacahui, ne beu' ma que suzaani, ne ca belegui siaba ca de guiba', ne xa xtipa xti guiba' sanibidxacha ca'. ³⁰ Oraca seña xti Xhiiñi binni guidxilayu sahuini guiba', ne guira ca tribu xti guidxilayu sagapa ca xpechu ca. laacabe suuya cabe xhiiñi bini guidxilayu' zeeda lade ca zaa xti guiba' ne xtale guenda nandxo, ne xtale guenda naro'. ³¹ Laabe suzeendabe ca angel xtibe ne ti ridxi naro'ba xti trompeta, ne laacabe sada'gu cabe ca ni ma guli'be dede guidapa ladu rigapa bi', de ti ladu guiba dede xti ladu.

³² laguiziidi xhiixha de yaga du'ga. casi pee na' yaga ca gaca nari'ni ne cue ni bandaga, laatu ma nanatu de que ma chizulu chi gaca nandá. ³³ Sacaca ora guya tu ca ndi laatu naquiñe gana tu de que laabe ma nu'be gaxha, gaxha de ca puerta. ³⁴ Dxandipe naa cayabe laatu, de que ca binni de yana que sadii'di ca, dede ora ma bizaaca guira ca ndi'. ³⁵ Guiba' ne guidxilayu' sadiidi ca, peru ca didxa xtine que ziu dxi tiidi ca.

³⁶ Peru de xti dxi ca', ne xhigaba xti ni, guiruti gaana, nin pe ca angel ni nu guiba', ninca Xhiiñi Diuxhi, bixhoze si nu. ³⁷ Casi guca ca dxi xti Noe, saca saca dxi gueeda xhiiñi binni guidxilayu'. ³⁸ Purti casi ca dxi biaba dxacha nisaguie dede bilahua que, laacabe cayo'cabe ne caye' cabe, cachagana cabe ne cudi cabe guendaxheela dede dxi Noe guyu ndani arca que, ³⁹ ne que ñana cabe gaxti dede ora guendarilahua que beeda ne sine guiracabe zitu, saca saca dxi gueeda xhiiñi binni guidxilayu' ⁴⁰ Oraque chupa hombre ziu ca lu ti rañaa, tobi ca saca Diuxhi laa, ne tobi ca siaana atra. ⁴¹ Chupa guna ziu ca cayutu ca ne ti molinu; tobi ca saca Diuxhi laa, ne xtobi ca siaana. ⁴² Nga runi lagatana, ti purti lii que ganu diou pa dxi señor gueeda. ⁴³ Peru lagana ndi' pa xpixhuana yoo que' gana xhi xhigaba gubana que gueeda, laabe satana be ne que nudi' be lugar chu' ndani lidxi be. ⁴⁴ Nga runi laatu laaca naquiiñe chu' chaui tu, ti purti xhiiñi binni guidxilayu' seeda lu ti xhigaba ni laatu cadi cabeza tu.

⁴⁵ Nga runi ¿tu laa nga ruzhua lu xtidxa, ni runi xhiiña xtobi ne guenda nu xpiani, ni xpixhuana bica'bi laabe lidxi, para guzuhua be xquendaro' ora pe jneza? ⁴⁶ Nu' ndaya luguia ni runi xhiiña xtobi ca, que ora xpixhuana be gueeda ne guidxela laabe cayuni be nga. ⁴⁷ Dxandipe naa cayabe laatu de que xpixhuana ca' zugu laabe gapa be guira ni napa. ⁴⁸ Peru pa ti ni runi xhiiña xtobi rini' ndani ladxido': "xpixhuana ma binda" ⁴⁹ Ne laabe guzulu quiñe ca ni runi ne dxiña, ne go' be ne gue' be ne ca binigüe. ⁵⁰ Xpixhuana ni runi dxiña di sedanda ti dxi ni ni runi dxiña di cadi cabeeza, ne ti xhigaba ni laabe que gana be. ⁵¹ Xpixhuana be suga ca bicuini na be, Ne suzeenda laabe laaca rie' ca ni rini' ti cosa ne runi xtbi, ra ziu guenda runa ne guenda rixhidxi laya.