¹ Ěne godoɔ, oye lɔ klàn yesu lo sɔn zogboji nè awovi la tɛ̌n kpɔn. ² Yesu blanugben na kèkle kanlé, azan kanlé (40), one gode ɔ, xove we ci, ³ koun eme dokpɔn tɔɔ, mɔ gogowi, mɔ lɔ ni fan: " ne mawu vi éwë lo trɔzun nuɖuɖu." ⁴ yesu nɔ yigbè ni fan: "è mɔ wlàn do mawuxo èwema me fan: Nuɖuɖu keɖe gone gbetɔ ɖu mɔ nɔ ogbe e; vɔ̌, ixo exe mɔ tɔn ɖo mawu é kome ɔ tete oyi e hen eme do egbe ". ⁵ Ěne godoɔ, a wovi kplàn yesu losɔn jeluzalemu, ito kinkɔnɔ mɔ, mɔ kwɔe do sin senxɔ takun ɖo Jihwle, ⁶ mɔ lɔni fan: ne mawuvi onyi xonugbo ɔ, zrɔn la je dodo mɛ; ɖo emɔ wlàn do mawuxo ewema me fan " mawu la zɔn è wen angun le, kéun emɔ hɛ̌n do olɔme, nɔ̌ malo kl"n ofɔ do èkpen lele go è". ⁷ yesu mɔ yigbe mi fan étɔne é gɔ wlan fan Mà do Aklunɔ ǐ mawu kpɔn é." ⁸ Awou gɔ kplén lo sɔn iso nehwien ji, iso lɔ sɔn jihwlo tete; è xlě kɔsuɖuto gbeme xio ytɔn le, go e dɔkun le wi, ⁹ mɔ lɔ ni fan "ne o jeklo, mɔ ɖokɔ nàɔ, là na ihu ěne le tete wi". ¹⁰ yesu mɔ lɔni fan:"awovi, bùdoun! do e mɔ wan fan do mawuxo e wema mɛ fan: Aklunɔ kawu iton oyi awà ɖokɔ nà, mɔ sen eyɔ lokponɔ gě." ¹¹ Awovi mɔ jwoe do mɔ lɛ; kéun wenzàn gun mawu etɔn lɛ mɔ wa yesu ke, mɔ we gɔ olɔ ki. ¹² éxé yesu se fan e wi jǎn do gankpà mɛ ɔ, e le ɖe xin nɛ, mɔ sɔn galile gboji. ¹³ Exe é lɛ ɖe nawalɛti ɔ, e là cǐ kafanna wùmu, ito exe ɖe Galile è xuto ɔ, ɛ, ɖe zabulɔn gɔ nɛfutali è gbeji. ¹⁴ inu nyi etɔnɛ, nɛ̀ e ixo éxé gbeyiɖɔ mawu ètɔn ezayi lɔ ɔ là lo jɔ. Eyi enyi fan: ¹⁵ "Togun éxé ɖe zabulɔn gɔ nefutali è awlàngo ji, mɔde xuto, ɖo judɛ̌ étɔ éada ɖéɔ, ɖo Galile gbeji, xi éxé eme éxé go nyi jwifu elɛ ɖeɔ; ¹⁶ Togun ěne éxé ɖo zinvlu mɛ ɔ mɔ kinklɛn bgo nɛhwlɛn, kéun eyemɛ éxé ɖé kuyeme lɛ ɔ, kinklɛn kɔn do eji". ¹⁷ Dɛ ɖe gan eneɛ mɛ ɔ, yesu jɛ ewɛn d'agbe ɔ jlà ji, mɔ lɔ fan:"milekɔ de mi ehwe lɛ godo, ɖo kɔsududu sexwe etɔn mɔ gogo". ¹⁸ Exe yesu nɔ zɔn galile é xutà ɔ lǒ sɔn émeɔ nɔvi nɔvi owe nehwlen le, simɔ éxé eylɔ fan piye ɔ, gɔ ènɔvi Andle, kéun émɔ nɔ d'aɖɔ dé xuji, sdo dɔdatɔ oyi éwa yé. ¹⁹ yesu lɔ ne fan:"mi xwodo un; la kplɔn mi, kéun mi mɔ nɔ dɔn gbetɔ lɛ, kɛn mi da dɔ lo wli ehwè hà ɔ." ²⁰ Èmɔ jo è dɔ le do jlokpoé mɔ jɛ ogùn ²¹ yesu là gɔ sɛ losɔn ezunlɔn vite ɔ, è mɔ zebeɖe vi owe, jaki gɔ jǎn, kéun ele gɔ ětɔ mɔ de aklomɛ, mɔ nɔ è ɖɔ lɛ ɖo. Eylɔ ɛ̌. ²² Jlokpoe ɔ, è jo aklo lɔ gɔ ětɔ do, mɔ je ègun. ²³ yesu zɔn galile gbèɔ tɛtɛ ji, mɔ nɔ inu kplɔn emɛ lɛ tɔn, zɔn kpɔn kpatamɛ jwifu lɛ étɔn, mɔ nɔ kusu ɖuɖu mawu etɔn é wen dagbɛ jlà tɔn, mɔ nɔ ozɔn hamè hamɛ lɛ tɛtɛ gbɔ tɔn, gɔ sékunɔ lɛ tɛtɛ nà emɛ lɛ ɖe togun lɔ mɛ. ²⁴ E nyikɔ kpe sili toɔ tɛtɛ mɛ kéun mɛlɛ mɔ hɛn ozɔntɔ lɛ tɛtɛ lowa ni, emɛ éxé jieyɛ nyinylan ɖe lɛ, adigbekutɔ lɛ, kplibɔ nɔ lɛ, kéun é mo gbɔ ozɔn nɛ̌ ²⁵ Ahwan sùsù nɛhulɛn lɛ jɛ ogun ni; ě lɛ ɖe jeluzalɛmu, mɔ le ɖe galile gbèji, mɔ lɛ ɖe judè gbeji, mɔ lɛɖe totakun owoé (10) lɛ gbeji, gɔ ito éxe ɖè juděn tɔ lɔ godo lɛ fe mɛ.