¹ Jesus lɔ xo na e mɛ xwe di lɛ fe go e devi lɛ fan: ² « Essɛn kplɔn e mɛ tɔ lɛ fe gɔ do Falizyɛn, lɛ eyi eɖee ido Moyizi esɛn lɛ mɛ na mɛ lɛ. ³ Hun mi bo se otonu nɛ mɔ bayi e nu éxé ezɔn mi lɛ mi ma nɔ bayi nu ɖi eyɛ te lɛ ha e ɖo ni éxé e nɔ kpɔn mi lɛ ɔ, eye tété lɛ go bayi de ji e. ⁴ Esɛn susu ɖe ye e mɔ yi do kɔ ji na mɛ lɛ fan eɖo la nyi dandan. Vɔ ɔ e yɛ tete lɛ go kpego lo bayi do esɛn lɔ lɛ ti ji nɛ mɛ lɛ nɛ lo mɔ bayi de ji e. ⁵ O mɔ ɔ enu éyé e bayi, mɔ bla tila do wutu mɔ bla nu awu mɛ. Mɔ do nu lɛ. ⁶ E mɔ din la sin la wan ɖe tɛn xwe lɛ ɖe mɛ jlo yi tɛn xwe lɛ. E mɔ gɔ din nɛ sin na wan ɖe azi kpe tantɛn éxé ɖe jwifu e nu kplɔn tɛn xwe lɛ. ⁷ E mɔ din fan nɛ do gbe nɛ ɖe xi exè mɛ lɛ su ɖe ɔ. E mɔ din fan mɛ lɛ nɛ ylɛ ɛ fn: cica. ⁸ Myɛ ɛ lɛ mi ma yigbe nɛ mɛti ni ylɔ mi fan cica e. Ɖo nɔvi -nɔvi e yɔ mi nyi ɖe nu ɖiɖi mɛ, mi mɔ ɖo cica lokpo gè. ⁹ Mi ma ylɔ mɛti ɖe hwanglo exé tɔji fan itɔ e. ¹⁰ Ɖo Mawu eye ɖo jihwle lokpo nɔ gée eye nyi mitɔ. Mi ma yi gbe nɛ mɛti nyi ylɔ mi fan iga e, ɖo Yesu lokpo nɔ gè eyɔ e nyi mi ga. ¹¹ E mɛ éxé nyi mi ga ɔ, ɖo la nyi mi mɛ sɛntɔ. ¹² E mɛ éxé ze e ɖee do ji hwle ɔ, Mawu la ze edo do e mɛ éxé ze eɖee hwe lɛ Mawu la zee do ji. ¹³ Uesu mɔ gɔ lɔ fan: Ahee lu mi esɛn kplɔn mɛ tɔ lɛ fe Falizɛn lɛɛ, gɔ yɛmɛ nu wa tɔ lɛ. Ɖo mi su kɔ su ɖu to sɛxwɛ tɔn émɔ do mɛ lɛɛ, gbɛ myɛ te lɛ fe go byɛ mɛ e. Gbɛ mi go na tɛnxwe wu e mɛ exe jlo la byɛ mɛ fee. ¹⁴ Ahee lu na mi, esɛnkplɔn e mɛ tɔ lɛ gɔdo Falizyɛn lɛɛ gɔ yɛmɛnu wa tɔ lɛɛ mi! Ɖo mi kla jɛ i nu éxé nyi sukusi lɛ tɔn nu gbɛn mɔ we bɛ eɖɛ dindɛn xixo, lo ṣe xlɛ gbɛtɔ lɛ emɛ mɛmɛ yi ewa eyɛ. E nɛ wutu Mawu la dɔn oto na mi é mɔ syɛn takun. ¹⁵ Ahee lu ni esɛnkplɔn emɛ tɔ lɛ, Falizɛn lɛ, fe gɔ ye mɛ nu watɔ lɛ mi! Mi do egé nɛ mɛ lokpo gee ni lo byɛ sinsɛn xɔmɛ. Vɔ ɔ nɛ mi la mɔ mɛ lele ɔ, mi bayi gbɔn e mɔ zun zomɛ vi. ¹⁶ Ahee lu na mi, myɛ mɛ i mɔ xlɛ mɛtɔ nyinyla okun gbigba lɛ. mi lɔ fan: E mɛ éxé le cɔci xɔ Mawu etɔn lodo kpa ɔ, fan nu e nɛ go nyi nuti e. Vɔ ɔ, e mɛ éxé xwle sika lo do kpa ɔ, ɖo la ɖe. ¹⁷ Xixi nɔ okun gbigba nɔ lɛmi! E lo unkɔ e ɖe taji ɖe owe lɔ lɛ mɛ? Sika ee ɖe xɔ lɔ lɛ mɛ nɛ? Alo cɔci xɔ ee na sika la nyi i un kinkɔn ɔ? ¹⁸ Mi gɔ lɔ fan: E mɛ eewe ovɔsakpɛn lo do kpa ɔ, go na ɖe kpa lɔ dandan é. Vɔ ɔ e mɛ ee xwleovɔsa nu ee ɖe ovɔsa kpɛn ɔ ɖo la ɖe kpa e xe edoɔ ¹⁹ Okun gbigban ɔ lɛ mi lɛ lo un kɔ e ɖe taji ɖe owe lɛ mɛ? Ovɔsa nu lɛ nɛ? Alo ovɔsakpɛn exé na ovɔsanu lɔ lo nyi i nu kinkɔn ɔ? ²⁰ E mɛ éxé xwle ovɔsakpɛn ɔ, mɔ xwle ovɔsakpɛn gɔ nu ee ɖeji lɛ tɛtɛ. ²¹ E mɛ ee xwle sinsɛn xɔ Mawu etɔn ɔ, mɔ xwle sinsɛn lɔ gɔ Mawu ee nɔ e mɛ ɔ. ²² E mɛ ee xwle jihwle ɔ, mɔ xwle iga zikpeMawu étɔn, fegɔ do Mawu ee sin na wan ɖé ji ɔ. ²³ Ahee lu na esɛnkplɔn e mɛ tɔ lɛ, gɔ do Falizyɛn lɛ, gɔ do yɛ mɛ nu watɔ lɛ mi! Mi na mado owe mi jinukun lɛɛ tɔn wu Mawu mɔ jo enu ee ɖe taji ɖe Mawu sɛn lɛ mɛ do. E yɛ lɛ e nyi: Ehwɛ jijɔ, e mɛnuɖu odɔnu na e mɛ, gbejininɔ i nu ee nɛ lɛ éyé ɖe taji mi wa bayi. Vɔ ɔ mi go kpego wajo nu ɖe hwlɛn lɛ do etɔ nɛ e. ²⁴ I mɔ xwlɛ e mɛtɔ okun gbigba nɔ lɛ mi! Ɖo mi xwi nuvi nuvi vɔ mɔ mi isɔ. ²⁵ Ahee lu esɛn kplɔn e mɛ tɔ lɛ gɔ Falizyɛn lɛ, gɔ do yɛ mɛ nu watɔ lɛ mi! Mi klɔ ika gɔ kannu mɔ klɔ godo na. Vɔ ɔ, inu ee mi fin lɛɛ gɔdo ee mi flu emɛ lo yi, eyé lɛ mi bɛ de mɛ. ²⁶ Falizyn okun gbigba nɔ! klɔ ika lɔ odɔ mɛ gba fe to e godo fe ni lo kɔn. ²⁷ Ahee lu esɛn kplɔn e mɛ tɔ lɛ gɔ Falizyɛn lɛ, fe do yɛ mɛ nu watɔ lɛ mi! Do mi ci di yodo éxé esa owɔn wewe yi do ha, e mɔ nyɔkpɔ de okun ta mɔ de. Vɔ ɔ ee dɔmɛ mɔ jwɔ gɔ do oxu gɔ nu nyinyɔ lɛ. ²⁸ Myɛ lɛ fe ɔ kɛn mi de we nɛ Do mi nɔ dikɛn gbɛtɔ ganji mɔ de de mɛlɛ okun mɛ. Vɔ ɔ, mi ayi mɛ mɔ jwɔ gɔdo yɛmɛnuwa gɔ nu nyinyla wiwa. ²⁹ Ahee lu esɛn kplɔn e mɛ tɔ lɛ gɔ Falizyɛn lɛ, gɔ do yɛ mɛ nu watɔ lɛ mi! Mi yi ekpɛn mɛmɛnyi lɛ do Mawu enywɛ ɔ do t lɛ ee yɔdo ji, mɔ do ocɛ na ehwɛ jijɔnɔ lɛ e yɔdo. ³⁰ Mɔ lɔ fan: nɛ mi tɔgbo lɛ ee gan mɛ eyɔ mi jɔ de ɔ, mi go na lun wɔn lo hu awu ee nyɛdotɔ lɛ fe gɔ de e ³¹ Myɛ tété lɛ e nɔ de klunnu mi de lɛ fan: mi hu Mawu ee wɛn do tɔ lɛ vivu lɛ. ³² Mi bo gbɛn okan do okan éxé mitɔgbo lɛ gbɛn d'awan na mi lɛ nu gbɛn mɔ fo. ³³ I dan jɔwe mɔ lɛ mi jakpata kunkan lɛ mi amu mi la kpe go. ³⁴ Enɛ wutu ɔ, mi ɖoto mɔ se: "la ɖo gbeyilɔ lɛ lo xlan mi, mɔ ɖo inu nyɔtɔ lɛ gɔ esɛ kplɔn emɛ tɔ lɛ loxlan mi. Mi la hu emɛ nɛhwlɛ ma ka emɛnɛhwlɛn do otinsoga ji, ma yi lanba lo xo emɛnɛhwlɛn lɛ ɖe mi kplɔn xɔ mitɔn lɛ mɛ. Mi la do aya nɛ zɔn toxo gbogbo lɛ mɛ. ³⁵ Mi la bayi etɔnɛ odɔmɛ kinkɔn lɛ ehwɛ mɔ jɛkɔ na mi, bɛɖe Abɛli ehwɛ jijɔnɔ ɔ ji kaka lo jɛ Zakali, Bɛlɛkyavi exemi hu de sinsɛnxɔmɛ ɖe tnexwe kinkɔnmɛ gɔ vɔsakpe ɔ e cɛncɛn. ³⁶ Na lɔ xonugbo na mi oto dɔn na emɛ éxé jɛ gɔ emɛ huhu enɛ lɛ tɛtɛ ɔ, gbɛtɔ tɛntɔn lɛ ji ewa kɔndo ³⁷ Jeluzalɛmutɔlɛ e mi, myɛlɛ emɛ exe nɔ hu gbɛyilɔ Mawu etɔn lɛ mɔ dun ekpɛn lo hu mɛ éxé Mawu yi loxlan mi lɛ. Jɔnɛmulele imɔjlo wa kpli mi do un abɔ lɛ gun ɖikɛn koklon kpli e vikpɛlɛ do e abɔgun mɔɖe, vɔɔ ego jlo mi e. ³⁸ Tɛn ɔ, ela ɖe olɔ sɛ ɖe mi sinsɛnxo go e mɔ ci vɔvɔ. ³⁹ Alɔ xonugbo na mi, bɛ ɖe tɛn ɔ, mi go na gɔ mɔ miɖe gbɔɔn lo jɛ azan exe gbe mi la kpa gigo na emɛ éxé zwan ɖe Aklunɔ e nyikɔ mɛɔ.