¹ Yesu akataha omubwato, akasabhuka na no kuhika omu miji ahakabha natula. ² Lebha bhakamuletela omuntu asalile obhubhili adyamikizwe bhile okwiliza kwabho, Yesu akabhagambila omuntu asalaile. Mwanage obhu ne byela ebhibhi byawe byaganyilewa.

³ Lebha, omulyabho bhalimu abhe kilagilo bhaka fomola bhonini ahalibhonini, omuntu ogu nasobya. ⁴ Yesu kamanya ebhitekelezo byabho no kugamba, insi nechimukutekeleza ebhibhi omumwoyo gwanyu? ⁵ Insi nikiha echolobhile kugamba, Ebhibhi byawe bhiganyirwe au kugamba, imellela olibhate? ⁶ Naho, mumanye ahakibha omwana wa Adamu aine ensobhola eyo kuganyila ebhibhi... akagamba aga ahalyogwo aya salaile, imelela otoleebhidyamilo byawe male ogende omuka owawe. ⁷ Niho, wa muntu akaimelela no kugenda omuka owa wenini. ⁸ Abhatelaine kibhabwaine ebhyo bhakasobhelwa nokumsingiza aya bhabhaile obhusobhola obwo abhantu.

⁹ Nawe Yesu akabha nahingula kuluga aho, akalebha omuntu alikwetwa izina lya Mathayo, akabha atekamile olubhazu lwa abhahoza. Nawe akabhagambila, mnkulatile inye nawe akaimelela yamukulatila. ¹⁰ Nawe Yesu ahiyatekamile obhone kulya nomunzu bhakaiza abhahoza na naabhantu bhabhi bhakalya hamwe nayesu nane entumwaze.

¹¹ Niho abhafarisayo bhabweine ebhyo bhakabhaga mbila entumwa insi ahabwenki omwalimu wanyu nalya ebhyokulya hamwe na abhahoza na abhantu bhabhi?

¹² Yesu ahiyahulile ebyo nawwe akagamba abhantu abhatalikudwala tibhali kwendelwa omuganya chonka nihendwa bhalinya abhadwaile. ¹³ Nimwendelwa mugende mzokwega ensonga yaho ninyenda abhuganyizi empelwa olwokubha nkaiza to bwe ehakikusabha kuganyilwa naho ahabhaine bhibhi

^14-15 Niho entumwa za Yohana bhakaiza owawenini no kugamba isi ahanki itwe na abhafarisayo ntufunga naho entumwa zawe tizilikufung? Yesu akabhagambila isi abhasensekeleza bho bwenga bhakasobhola kuibha ne ntimba akanya omusaiza wimule halikubha nabho? Naho bhilaiza osaiza lwimula alatwalwa kuluga wa

¹⁶ Tihaine omuntu alikutaho ekinogoka cho mwenda mishansha aha mwenda gwa kale, ekilema kilatamulwa kuluga ahamwenda obhutamuke bhuhango bhulugililaho. ¹⁷ Tihaine abhantu abhalikutuma, omuviringo omu omshasha ahachombo cho omwuviringo gwa kale kihalabha nibhakola, oluhu lulatamuka, omwviringo gulabha na no oluhu luasisikara. Akahinduro kaho nibhatamu omuviringo mushasha aha luhu lushasha nabyona nibhikala ahabhusalama

¹⁸ Akanya Yesu nabhagambila ebhintu ebhyo, lebha akaiza omukulu yainama omumaiso ge nawew yagamba, Mhara wange yafya ako kanya naho iza oteho omukono gwawe olugulu ya wenini na himbuka kandi. ¹⁹ Niho Yesu akaimelela na no kumukulatila nane entamwaye nawe. ²⁰ Lebha omukazi akabha nazwa obamba emyaka ikumi na ibhili akaiza haihi na Yesu no kukwata ahifundo lya mwendagwe.

²¹ Olwokubha akagamba, Ahindakwata omwendagwe nainye nimbona kukizwa.

²² Yesu akahinduka no kumulebha na kuugambila mwisiki ohe omwoyo okwiikiliza kwawe kukukozile okile, nakanya ako niniu omukazi akabhona kukizwa akangaako.

²³ Nawe Yesu hiyahikile omunzu ya mukulu, nawe akabhabhona abhalikuleta emilele na ne embaga ya bhantu bhakabha nibhatela enduru. ²⁴ Nawe akagamba, muluge aha, olwokubha omwisiki takafire. Chonka adyamile Naho bhonini bhaka seka bhamkinika. ²⁵ Nabhabhantu hibhasohoile ahelu nawe akataha omukisenge no kumukwata omukono na no omwisiki achainamuka. ²⁶ Nane empola enzi zikasambala aha muji gwona.

²⁷ Naho Yesu ahakabha nahingula kuluga haliya abhasaiza bhabhili bhahumile bhakamukulatila. Bhakagendelela kusohoza iraka. Nitusabha obhuganyilwa omwana wa Daudi. ²⁸ Akanya Yesu nahika ahanzu bhabhandi abhahumile bhaiza owa wenini Yesu ya bhagambila insi Nimwikiliza kubha ninsobhola kukola? Nabho bhamugambila, Nikwo mkama

²⁹ Niho Yesu akakwata amaiso gagwo no kugamba, na ekole otyo owanyu nkaha kwikiliza kwanyu kwikuli. ³⁰ Na amaiso gabho galebha. Niho Yesu akakomentekeleza, Yalagila no kugamba, Mulebhe omuntu wena wena atalikumanya ekintu enki. ³¹ Naho abhantu abha bhabhili bhakagenda no kulanga empola enzi omumuji gwona.

³² Niho bhabhasaiza bhabhili bhakabha nibhegendela lebha omuntu omwe omuntu aine amasinga akaletwa owa Yesu. ³³ Namasinga hiyamulugileho wa mtita yabhanza kufumola. Embaga ekasobhelwa no kugamba, elitikabhonwa ahali Israeli.

³⁴ Niho abhafarisayo bhakabha nibhagamba, aha bhakulu bha amasinga, nabhinga amasinga.

³⁵ Yesu akagenda aha miji nane ebhijijin Nawe akagenda kwegesa omukelezia, nalanga obhukama, no kukiza obhudwaile bwe namna zona nabha mani make. ³⁶ Akanya kiyalebhile embaga nawe akabhaganyila olwokubha bhakagalala, nokufa emnywoyo. Bhkabha nke ntama zitaine omulisa. ³⁷ Nwe akagamb aentumwa ze, Ebhilikuhulwa ni bhingi naho abhalikuhulula ni bhake. ³⁸ Otyo mbwenu bwangu mumusabhe mkama owe Ebhihulilwe, aha alagile abhokukola omu bhihulilwe bye.