¹ Amafarisayo na Amasadukayo bhakamwizila no kumulengesa Yesu abhaleke olumanyi so elikuruga ahaiguru.

² Chonka Yesu akabhaholola no uku bhagambila kubha ``Kelikubha ni byaigoro nimugamba ingu ehali yo bhuyaga ni nzima, olwokubha iguru ni litukula. ³ Nenchakale ningamba obuyaga hewa lelotuibhuzima olwokubhaiguru nilitukula na magonzi gagifundikila iguru lyona Nimumanya tikusobhola kumanya olumaniso lyo bhukilo. ⁴ Ekizaile kibhi na necho bhusihani nikironda olumanyiso, chonka tihaliho olumanyiso lwonalwona ekilahabwa, hamwe Eliya eya Yona kisha Yesu akabhaleka na akagenda olwawenini.

⁵ Abhgega bhakaiza olubhazu lwa kabhili chonka bhakabha bhebhilwe kutwala emikate. ⁶ Yesu akabhagambila `Mwelinde nokwehangalila no bhusankalazi bya Amafarisayo na Amasadukayo.

⁷ Abhega bhabhazangana omubhandi bha bho no kugamba. Nensonga titutwaile emikate.

⁸ Yesu akamanya elyo nokugamba, IMwe abhaine eimani nkeya, ahanki mwatekeleza no kugambisana omulimwe no kugamba kubha nensonga timwsalatwaile emikate? ⁹ Isi mchali kuymanya wala kwizuka kilinya emikate etanu ahabhantu ebhuhumbi bhitanu, ne bhikapu bhingahi ebyomwalonda? ¹⁰ Anga emikate musanzu aha bhantu ebhihumnbi bhina ne bhikapu bhingahi mukatwala? ¹¹ Yabheta akubha timukumanya nkubha nlkabha tikugamba naimwe ahaiguru ye mikate? mwetunze nokwelinda no bhusankalazi bya Amafarisayo na Amasadukayo. ¹² Kibhamazile bhakamanya kubha akabhaataikubhagambila aha iguru yo kwelinda ne emikate eine bhusankalazi, Chonka nokwelinda myegeso ya Amafarisayo na Amasadukayo.

¹³ Obhukilo Yesu nahika owa Kaisari ya Filipi, akabhaza abhega bhawenini, akagamba Abhantu nibhamba omwana wo omuntu nohi?

¹⁴ Bhakagamba, abhandi ingo Yohana abhatiza, abhandi, Eliya na abhandi ni Yeremia anga omwe wa bharangi.

¹⁵ Akabhagambila, imwe nimugamba inye ndyohi?

¹⁶ Kubhaholola, Simoni Petro akagamba, iwe nikristo omwana wa Mungu aikulebha.

¹⁷ Yesu akaholola nokumugambila, ahabhailwe omugisa owe, Simioni Bar Yona, olwokubha obhuwambane nyama tibhakingulile eli, hakili Tata wange olyo mwiguru. ¹⁸ Nainye ninkugambila kubha iwe oli Petro na haiguru yo rukiri olu nilyombeka ekerezia lyange, emilyango ya kuzimu telikulilema. ¹⁹ Ninkuha iwe enfunguruzo zo bhukama obhyo mwiguru. Chonka echolakoma omunsi kila komwa no mwiguru. ²⁰ Kiyamazile Yesu akabhadambila abhega bhatamugambila omuntu wenawena kubha wenini akabha ni kisto.

²¹ Kubhandizaho Yesu akabhanza kubhagambila abhega nilazima agende Yerusalemu, okuteseswa aha bhintu bhingi aha mikono ya bhazehe na bhikuru bha bhaherezi ana bhahandiki, okufa no kuhimbuka ekilo chasatu. ²² Kiyamazile Petro akamtwala Yesu ahalubhazu no kumsabhila, ekintu eki kibhe hale naiwe, omukama, eli litabhonekana owawe.

²³ Chonka Yesu akahindukila no kumugambila Petro, Garuka enyuma yange iwe Mubhisa. Iwe olye kihambizo change, ensonga tolikuhondela ebhintu bha Mungu, no hondela abhantu.

²⁴ Aho Yesu akabhagambila abhega bhawenini, omuntu wenawena kalayenda kunkulatila inye, nilazima eyange wenini nka wenini atwale omusalabha gwe male ankulatile. ²⁵ Okubha aikwenda kugarokala amaishage alaganaga, nawenawena aikunaga amaisha ge ahanso yange alagarokola. Insi ne faida ki eyalabhona omuntu kalabhona ensi yona chonka akanaga amaisha ge? ²⁶ insi nekintuki nyabhaki echalaihamu omuntu kuhindulana amaisha ga wenini? ²⁷ Olwokubha omwana wa Adamu alaiza aha kwesingiza owa Tata waitu na abhamalaika bhawenini. Nawew alamuliha kila muntyu kwingana ne bhikolwa byawenini. ²⁸ Ahamazima nimbagambila haliho omulimwe mwemelile aha bhalibhonza orufu mpaka hibhatalimubhona omwana wa Adamu naiza aha bhukama bwa wenini.