1 Иисус Христосин төрлһн, Давида Көвүнə, Авраамин Көвүнə. 2 Авраамас Исаак төрв, Исаакас Иаков төрв, Иаковас Иуда ахнр дүүнртəһəн төрв. 3 Иуда Фаресиг болн Зараг Фамариас төрв. Фарес Есромиг төрв, Есром Арамиг төрв. 4 Арам Аминадавиг төрв, Аминодав Нассониг төрв, Нассон Салмониг төрв. 5 Салмон Раавас Воозиг төрв. Вооз Руфиас Овидиг төрв. Овид Иессиг төрв. 6 Иессей Давид хааг төрв. Давид хан Уринас өмн бəəсн гергнəсн Соломониг төрв. 7 Соломон Ровоамиг төрв, Ровоамас Авий төрв, Авияс Асу төрв. 8 Аса Иосафатиг төрв, Иофамас Иорам төрв, Иорамас Озия төрв. 9 Озияс Иофам төрв, Иофамас Ахаз төрв, Ахазас Езекия төрв. 10 Езекияс Манассия төрв, Манассиас Амон төрв. Амонас Иосия төрв . 11 Иосияс Иоаким төрв , Иоаким Вавилонур нүүхиннь өмн Иехония ахнр дүүнртəһəн төрв. 12 Вавилонд нүүһəд ирснə хөөн Иехонияс Салафиил төрв. Салафииляс Зоровавель төрв. 13 Зоровавеляс Авиуд төрв, Авиудас Елиаким төрв.Елиакимас Азор төрв. 14 Азорас Садок төрв, Садокас Ахим төрв, Ахимас Елеуд төрв. 15 Елеудас Елеазар төрв, Елеазарас Матфан төрв. Матфанас Иаков төрв. 16 Иаков Иосифиг төрв, Мариян аваль, Марияс Иисус төрв, Христос гидг нертə. 17 Тегəд, цуг төрлһн иим билə: Авраамас Давид күртл 14 төрл, Давидас Вавилонд күртлнь 14 төрл, Вавилонд нүүһəд ирхлəнь — 14 төрл. 18 Иисус Христосин төрлһн иим билə. Иисусин эк Мария Иосифин келсн күүкн, Əрүн Сəкүснəс күндрснь Иосифтə ниилəд угаднь медгдв. 19 Терүнə залунь Иосиф чиктəн бəəдг Бурхна күн, му нер зүүх санан уга билə, күүнд медүллго келсн күүкəн Марияг хəрү йовулх саната билə. 20 Терүнə тускар санад бəəхлəнь, зүүднднь Деед Эзнə элч ирəд келв: «Иосиф, Давида Көвүн! Марияг гертəн орулхдан бичə ə, юңгад гихлə терүнд бəəсн Көвүн Əрүн Сəкүснəс. 21 Мария Көвү һарһх, чи Терүнд Иисус гидг нер өгхч, яһад гиихлə Тер эврəннь улсиг килнцəс аврах.» 22 Бурхна Сəкүснə келсəр болв, юңгад гихлə Бурхна келсиг əəлдəч медүлв: 23 «Күүкн күндрəд, Көвү һарһх, нернь Эммануил болх, нернə чинрнь «Бурхн маднла.» 24-25 Өрүн серчкəд, Иосиф Бурхна эльчин келсəр кев. Эн Марияг гертəн орулв. Мария эврəннь ууһн Көвүһəн эс һартл, авальтаһан унтсн уга, Иосиф ууһн көвүндəн Иисус гидг нер өгв.