Uvwandulilo 10
1
Vala vano vakaviika amatavua ghave mukalata jino jilyakupikue, veva avai u Nehemia umwana ghwa Hakalia um'baha ghwa kighavo, navatekesi vana vakavikua u Sedekia,
2
U Seraya, u Azaria, u Yeremia,
3
U Pashuri, u Amaria, u Malkiya,
4
U Hamshi, u Shekania, u Maluki,
5
U Harimu, u Meremothi, u Obadia,
6
U Danieli, u Ginethoni, u Baruki,
7
U Meshulamu, u Abiya, u Miyamini,
8
U Maazia, u Bilgai nu Shemaya. Ava vakava vatekesi.
9
Avalevi vakava u Yeshua umwana ghwa Azania, u Binui ghwa Henadadi, u Kadmieli,
10
na Valevi avanine, u Shebania, u Hodia, u Kelita, u Pelaya, u Hanani,
11
U Mika, u Rehobu, u Hashabia,
12
U Zakuri, u Sherebia, u Shebania,
13
U Hodiya, u Bani nu Beninu.
14
Avalongosi va vanhu vakava u Paroshi, u Pahath-Moabu, u Elamu, u Zatu, u Bani,
15
U Buni, u Azgadi, u Bebai,
16
U Adoniya, u Bigwai, u Adini,
17
U Ateri, u Hezekia, u Azuri,
18
U Hodia, u Hashumu, u Besai,
19
U Harifu, u Anathothi, u Nobai,
20
U Magpiashi, u Meshulamu, u Heziri,
21
U Meshezabeli, u Sadoki, u Yadua,
22
U Pelatia, u Hanani, u AnaYA,
23
U Hoshea, u Hanania, u Hashubu,
24
U Haloheshi, u Pilha, u Shobeki,
25
U Rehumu, u Hashabna, u Maaseya,
26
U Ahia, u Hanani, u Anani,
27
U Maluki, u Harimu nu Baana.
28
Na vanhu avange vano vakava vatekesi nava Levi navaloleeli va mulyango, vano vikuimba, na vavombi va nyumba imbaha ja kufunyila na vange vooni vano vakava pajo ni fikolo ifinge ku ndaghilo sa Nguluve, na vadala vaave, na vaana vaave na valivanavo na vooni vakava nuvukagusi,
29
uswetu vakava palikimo na vanyalukolo viitu vaave, avavaha vaave viitu kujiigha kuuti natukusileka indaghilo sa Nguluve ghwitu, sina salisile kukilila uluvoko lwa Mose um'bombi ghwake kugadilila na kukusivombela andaghilo saake.
30
Tulyafingile kuuti natunoghile kukuvapeela avaliviitu ifikolo ifinge kange najusue natutola avalivanavo vaave vadala va vaana viitu.
31
Kange tulyafingile kuti nave avanhu vuvule vangalete ifiinu fya kughusia ikighono kya Sabati, natunoghile kughula kuveene ikighono kya Sabati nambe ikighono ikimike. Umwaka ughwa lekela lubale tukughaleka amaghunda ghapuume kulimua kange tukuvasaghila vano valyokopile, mu Vayahudi avajiitu.
32
Tukiting'hine ululaghilo ulwa kutavula ihela ja shekeli kila mwaka vwimila imbombo mu nyumba ja Nguluve ghwitu,
33
amakate amimike ni litekelo lya fiinu fya mumaghunda, ilitekelo lya kukyanya ikighono kya Sabati, ikikulukulu kya mwesi umpia, ni kulukulu ifya kukyanya ilitekelo ilimike, ilitekelo lya kuvusia amakole na kuvelelela kwa Nguluve na vaana Isilaheli.
34
Avatekesi nava Levi, vakasalulagha vwimila ilitekelo lya sanjala. Uvusaluli vukalolaghe kuti, ghweveeni munyumba siitu kyaileta isanjala nkate munyumba ja Nguluve ghwitu, munsiki ghuno ghuvikilwe mu mwaka. Isanjala isio zikapembuagha pakyanya pakitekelelo kya Mutwa Unguluve ghwitu, ndavule lilembilue mundaghilo.
35
Tulyafingile kuleta ifipeke ifya kwanda, mumaghunda ghiitu, kange kulela ifipeke ifya kwanda fya nipiki ghumoghumo kila mwaka.
36
Ndavule lilembilua mundaghilo tulyafingile kuleta munyumba, avaholua ava kwanda va vaana viitu ni fidimua fiitu.
37
Tuletaghe uvutine uvwa kwanda mufinu fya maghunda live litekelo nifipeke ghweni, nuluhuuje na mafuta tuletaghe kuvatekesi, mufihenge fya nyumba ja Nguluve ghwitu, tukuvatwalilagha ava Levi ikinu kimo mu finu kijigho mulihanga litu vino tulima, ulwakuva ava Levi veveene vikong'hania ikinu kimo mufinu kijigho mumakaaja ghoni muno tuvomba imbombo.
38
Untekesi, umolua mukikolo kya Haruni, avisaghe palikimo na Valevi pano vikupila ikinu kimo mufinu kijigho. Avalevi vanoghile kutwala ikinu kimo mufinu kijigho munyumba ja Nguluve ghwitu mufihenge ifyakuvikila.
39
Ulwa kuva avaana va Isilaheli na vaana va Levi vitwalagha ilitekelo lya fiinuu fya mumaghwanda nu luhunje ulupia, na mafuta, mufihenge pano, ifinu fya pavwimike fivikilue na pavuvo vwa vatekesi na vavombi, na valoleeli va malyango, na vana vavikilue kukwimba. Natunoghiile kukujileka inyumba ja Nguluve ghwitu.