¹ Mu mansu maso mana, Jean - Batiste ya yi ya yu muy nsomu ngia e nziame ebara nsio Jidée ya yu mulie; ² « Liyilu mikuo me biene, kuobu bo mfumu nziame boyu akua akua. » ³ Mulibu, lita nde we ebiu ntumu nziame Esaie: « Ndo muru a kara nsio ebu miti mo we mpe madia mo we (desert): liyilu nzi e mfumu ngiame lisa misuno mibue. » ⁴ Ta Jean abu buari Kazaka ebi bana bi mpunu mpe ya likia lilibue lengu mukere le nde. bilo bende biodia eko bangasu mpe biu bo nsio. ⁵ Muli bara Yerusaleme, bara ba Jidée bobaso mpe mala makuakua nzia e Jourdain baye ku a la nde. ⁶ Nde ba buero munzia Jourdain, ba fukiu mando mabo mabi. ⁷ Mu ndobu nde ya muene ba Pharisiens baya tsée mpe ya ba Sadducéens baya ku bula mbonde mundo obuero, nde ya balie. « Biene ba embuiri bante babi ba tsu tsua, na tumi obara nkene ye ya? ⁸ Liburu bie ye yana ye oyilu mukuo. ⁹ Mpe lika fumu mundo biene ba nganko: " biene lika funu ebu Abraham tara biu: " mundoki me ya lilie nziame ake wu ku wa wiu bana nsa makuano masomane. ¹⁰ Mundoki ebu basi ingia mumu mi muti ndeso emene buru mbie embue ba mu nsuri mpe batibi umba. ¹¹ Me li buero mu madia ndo oyilu mikuo. We eya angweme eme aka animfu tsée oburu me, mpe okume obiu mande, nde ali buero mukara ensui nziame ya mba. ¹² Mussa amio mando mpe ya ba osa bitiri be nvinu ya mbie, mu libu nde ya nsunu bitiri omba we oku ndimi nde we.» ¹³ Mu libu Yesu yayi ku Galilée ku nzia Jourdain ndo obu Jean a mubuero. ¹⁴ Muli Jean aku kuini we, yalie: « Me kuini nze mbuero a la me, nze yayi a la me?» ¹⁵ Yesu ya ^mu firi mpe ya mulie: « Me ya owi nzi lisa ma oku malie nziame maka kobumu. » muli Jean ya kiu. ¹⁶ Angwele ya ba mubuero ofi, Yesu ya tuiu mbala mudia, mpe ta, yu ya liniao. amuene nsui nziame ya yi musuri aka iku mpe ya suiri ngiande. ¹⁷ Ta, ndo ya tuiu okara yu ya elie: « Ta mwana me wu kiuni me tsée nde wesa ise kioso.»