¹ Furu, yesu ya yu mulie a la ibiu ebara mpe ya a la bansu nde. ² Ya balie: « Ba scribes ya pharisiens ba sisiwu mu bi ba kuraku be Moïse. ³ Muli nsa bo balitumu lisa, lisa mando masomana mpe lisa mu bisia. Likawu ma sisia boo, ndoke boo kabalie mando, muli bo ba basasa we mu bisia. ⁴ Ibini, bo bawuwa bara bilo biluru bie bu bike buluru tsée bara esa ba biri we, bo ba basisa angia bisamu be bara bo bongako baku kuomuwe nsa mulie mumo mu obiri. ⁵ Bakikiri mabu bara ba mono. basisa mabu bara ba bakiu baka ngu ebo, biko bebo bika bibile. ⁶ Bo baku kumu baka mbu ye nku basiwu mu bilama, mpe bikuraku bibue mu ma nzo nziame, ⁷ Mpe mambuero mamabue ma likunu akara bara, ba mobiu" Mfumu" bara. ⁸ Muli biene ka kunu ebu ba libiu « Mfumu», kuobu biene like ya Mfumu mumo, mpe biene babaso, biene like bana ba boo. ⁹ Mpe biene lika biu muru tara munsimu mundoki biene like ya tara mumo, nde ake okara ngia yu. ¹⁰ Biene lika biu bara baso « Mukuru », mundoki biene like ya mfumu mumo, klisto. ¹¹ Muli webe ake mukuru mukara biene aka we ya sia biene. ¹² Ndeso we ku kunu ebu enga kaka nde, nde ba musuisuiru, mpe we misuiru nde ba munenemo. ¹³ Muli mawa biene ba scribes ya ba pharisiens bara ba mampia! biene lema ebu bara bakasomo mu bonfumu bo nziame. ndobu biene bangako lesomo we, biene le bansu we ba baki ya nga osomo mu banfumu nziame. ¹⁴ [Mawa ba biene be scribes ya pharisiens, banga mpia biene lesa mando mabi a la ba nfi ba luimi.»] ¹⁵ Mawa tsée a la biene, scribes ya ba pharisiens, bara ba mampia ndo ebu biene lewe anzia manzia mpe yabu nde mukoo nde buani, biene a la nde yayu anka bama bue bawe ku mba, ka buliko biene ba ngako. ¹⁶ Mawa ma biene, a la bara ba bibiri binfa miu, biene ba lilie:« ndeso we kiu munzo nziame ebu kia asiwe. Muli ndeso we kiu ungoe tepelo nde ya isi awe mu okiu onde.» ¹⁷ Biene, biwu binfa miu! ki kiluiri bunene, ongoe, mpe mukari nzo nziame me we yilu ongoe oka onsieme? ¹⁸ Mpe « ndeso we ekiu onzi asi we. Muli ndeso we kiu muwa mafuru munzo nziame ebu kia wi we asisue muma akiu nde.» ¹⁹ Biene balike bi mfamiu, ki ke kinene, mafuru to mbu mansunsunu mafuru mafunu mansunsunu a la na? ²⁰ Muli ndeso we kikiu bu ba ba nsunsunu mafaru akiu bu ba nsunsunu mafuru ya biebeso afu bo nde akiana. ²¹ Wu kiu munzo nziame akiu mukara nzo nziame ya biebeso afu bonde mukara nzo nziame. ²² Wu kiu oyu akiu mu bonfumu bo nziame mpe ya we siu mukara bo mfumu bo nziame. ²³ Mawa ma biene, scribes ya ba pharisiens bara ba mampia! biene le lewa muskubu embue Menthe, ya l'aneth mpe ya Cumin, muli biene le mono mpama mando mabue ma ibini mamake mukara miki (ibini, ngebe, mpe ya okiu). Mamana, make mando mabini likuiu biene osa lomono mpama we nsa ndomo. ²⁴ Biene, ba le luiri ya binfamiu, biene leluiru bilo bikeke anka mwana iyi muli biene lemine mpunu. ²⁵ Mawa ma biene, ba scribes ya ba pharisiens, banga mampia! biene le susua kobo unzi mpe alie lesusuao onzi, muli mukara kopo ya die mbimi tsée. ²⁶ Pharisiens nfamiu, nku suo makura kobo ya mukara die, kuobu onzi kobo ya die oka onsieme. ²⁷ Mawa mabiene, scribes ya ba pharisiens, bara mampia! kuobu biene like anka mampieme basi mukubu bie, manganga yana omiu muli mukari ayo mbue maanfa tsée ma bara banfi mpe ya bilo tse bi bibi. ²⁸ Mutini mumo, ya biene mpe 'lingenge babu a la bara ba onzi, muli mukara biene mampia tse mpe ya mando mabi. ²⁹ Mawa mu biene, scribes ya ba pharisiens, bara ba mampia! ndo ebu biene letutu mampieme ma bara ba babue. ³⁰ Biene lilie:« kirebu biu lekeke mu ina kiba tara biu, biu eka wiri maki ma batumu ba nziame ya boo.» ³¹ Akiana, biene ya likikiu biene bangako yibu biu like bana ba diu ba tumu ba nziame. ³² Akiana, biene bi luwu liye li batara biene. ³³ Ba tée like biene, ifa bampi, kimotini biene le bara osama mudiu mba? ³⁴ Mu kutunu sowunu, ta, me liwio ba ntumu ba nziame, banga makani mpe ya scribes. biene ya libadiu mpe ya libasi mu ekulusu ba bake. mpe ba bake ya li biri fimi mu nzo ma nziame ma biene, mpe ya linama mu mala manene bibuke ya bu buke. ³⁵ Male mono biene mukara biene mawuru maki momaso ma bara babu ki bayiabi we ma wiru mu mana, oba muki na Abel we ke yana, ti mu maki ma, Zacharie, mwana Barachie, ba lediu biene ankari mbu basisa mafuru ya mbu mansunsunu mafuru. ³⁶ Mu ibini, me ya lilie a la biene, mando momaso mokubu mu ina ebiene. ³⁷ Yerusaleme, Yerusaleme, nzo we duu ba ntumu ba nziame mpe ya libari makuano ba tumi a la nze! mbala ue ye kuini me ebu nvu bana banze, mutini ebu envunu nsu mukara bana asasa onsi mayao, muli biene leyabi we mamana. ³⁸ Lita, manzo biene lebari: ³⁹ Muli me ya lilie a la biene, biene le kumono a la me, tu ya lekunu biene:« limutuono wu yiyi munkumu emfumu nziame.»