¹ Yesu ashonera omu bwarho buguma, ayicira enyanja, aja omu murhundu gwage. ² Sinzagya, bamulerhere owolihozire ebirumbu agweshire oku nshingo. Yesu, erhi abona obwemere bwarho, abwira oyu wali hozire ebirumbu: ocihe omurhima, mwana wani, ebyaha byawe okola obibabalirwe.

³ Kulibyo, baguma omu bandisi babwirana bone: oyu muntu amajacira Nnamahanga. ⁴ Na Yezu amanya entanya zabo, aderha: bici birhumire mugwerhe entanya mbi omu mirhima yinyu? ⁵ Bulya, gurhi kuli kulembu, okuderha: ebyaha byawe bibabalirwe, erhi okuderha: yimuka ogende? ⁶ Ntya, lyo mumanya oku mwene omuntu agwerhe obuhashe bw'okubabalira ebyaha muno igulu: yimuka, kwabwizire owalihozire ebirumbu, rhola encingo yawe ogende emwawe. ⁷ Anayimuka, anaja emwage. ⁸ Erhi olubaga lubon'ebyo, bagwarhwa n'ecobà, baharamya Nnamahanga, wahaga abantu obuhashe buli nkobwo.

⁹ Kurhenga aho anagenda kuli bwenene, Yezu abona muntu muguma atamire aha bakahogeza, ye waderhagwa Matayo. Amubwira: nshimbà. Oyo muntu ayimuka amushimba.

¹⁰ Erhi Yesu okola alialya omunyumpa, ala, abavurhisa banji n'abantu bakalamu kabi bayisha bakalya bonaye n'abaganda bage.

¹¹ Abafarisayo erhi babona ntyo, babwira abaganda bage: cirhumire mwalimu winyu alira baguma n'abandisi n'abantu b'akalamu kabî?

¹² Erhi Yesu ayunva, aderha: arhali abayosire bwinja bobakabà n'obulagirire bw'omufumu, ci abalwazire. ¹³ Mugende mujiciyigiriza kwo kuderha gurhi okwo: lukogo nonzize ci erhali nterekero. Bulya ntayishaga ndi hamagala abashinganya, ci banabyaha.

¹⁴ Ntyo abigirizibwa ba yohana bagenda bayegera hofi na Yezu, bamubwira: cirhuma rhwe n'abafarisayo rhuka cishalisa, erhi n'abaganda bawe bohe barha ci shalisizi?

¹⁵ Yezu abashuza: k'abira b'omuhya mulume banalake amango omuhya mulume aciri boshi? Ensiku zayisha omuhya mulume abarhenga mwo, gomango bacishalisa.

¹⁶ Ntaye wanka hangira eciraga cihyahya oku cikulukulu; bulya cana berula kw'ecihande n'obubere bucilugire. ¹⁷ Barhaka jira idivai lihyahya omucibikiro cikulukulu; ago mango ecibikiro canabereka, iidivai lyana bulajika, n'ebikiro byanahwa, ci banakaheba idivai lihyahya omu cibikiro cihyahya, ago mango idivai n'ebibikiro byombi erhi hobinali.

¹⁸ Okwali ababwira eyo myanzi, Lola, murhambo muguma ayisha, afukama emalanga gage, aderha: mwali wani omafà bona buno; ci oyishe, omuhumekwo, anacilama. ¹⁹ Yesu ayimuka amushimbulira bon'abaganda bage.

²⁰ Lola, mukazi muguma waligwerhwe n'omududu myaka ikumi n'ibiri amuyegera amuyisha enyuma, ahuma oku cishumiro c'omushangi gwage.

²¹ Bulya akagicibwira yene: erhi nakahuma kwone oku mwambalo gwage, erhi nanfumire.

²² Yesu ahindamuka, aderha, erhi amubona: ocihangane munyere wani, obwemere bwawe bwa kufumize. Oyo mukazi anafuma honaho.

²³ Erhi Yesu ahika aha mw'olya murhambo, abona abali baziha efirimbi n'abantu bali balaka. ²⁴ Ababwira: rhengi, bulya ogu musole munyere gurha firi, ci guhunire, bamushekera. ²⁵ Erhi olubaga luba lwama hulusibwa, aja omu nyumpa agwarhira olya w'omusole munyere oku kuboko, olya musole munyere azuka. ²⁶ Eyo myanzi yalumira eyo munda yoshi.

²⁷ Erhi arhenga eyo munda, mihurha ibiri ya kulikira Yesu, yaja yakuza: orhubere obwonjo, mwene Daudi!

²⁸ Erhi aba amahika omunyumpa, erya mihurha yamuyegera hofi, Yesu ababwira: kamuyemire oku nanajirantyo? Neci Nnahamwirhu, kwo bamushuzize.

²⁹ Abahuma oku masu, anaderha: bikubere nkokwo obwemere bwinyu buli. ³⁰ N'amasu gabo ganayiguka. Yesu abakomereza bwenene: erhi ntaye wamanyaga ogu mwanzi. ³¹ Erhi barhenga aho bayalagaza irenge lyage omu cihugo coshi.

³² Okubagenda, ala, balerhera Yesu owundi walimw'omuzimu w'akaduma. ³³ Erhi aba amahinva oyo muzimu, akaduma kaderha. N'olubaga lwa somerwa: rhurhasagibona bindi bya mwen'ebi muno israeli.

³⁴ Ci abafarisayo bederha mpu: Misi ya bazimu e murhabire okuhinva abazimu.

³⁵ Yesu agera emirhundu yoshi n'omu bishagala, ajayigiriza emyanzi y'obwami, n'okuja afumya ngasi ndwala, na ngasi buzamba bwa ngasi lubero. ³⁶ Erhi abona olubaga, abayunviza obwonjo, bulya bali shandire n'okurhama nka bibuzi birhagwerhi mungere. ³⁷ Lero abwira abaganda bage: Ebihumbulwa biri binene, ci abakozi bali bagerwa. ³⁸ Hunagi Nnahano w'ebihumbulwa, arhume abakozi omu nyumpa yage.