¹ "Mi ka ɖo kojo na mɛ ɖe kpo mɛ ɖe ni ka mɔ ɖo kojo na mi. ² Ɖo ye na ɖo kojo na mi sɔn gbɔn kojo ke mi ɖo nɔ, kpo do jrɛgban ke mi zan wɛ ye na sɔ ado jrɛ na min ye can. ³ E ni jɔ okpɔn oyokuin ke jɛ ŋkunsi mɛ na nɔ vuwe, vɔ oko do josi tɛnkpo ke le ŋkunsi mɛ na we?. ⁴ Na ɖe o n a lo na nɔ vuwe:" Jodo ma ɖe oyokuin le ŋkunsi tɔ we mɛ," vo tɛnkpo wɛ bo le ŋkunsi mɛ na we. ⁵ Ɛyɛ mɛ nu watɔ, ɖe tɛnkpo ke le ŋkunsi ji na we gbɔ xwe, gan xlon mɛ o na kpon nu ŋyɔ ɖe abo do ɖe oyokuin ke jɛ ŋkunsi mɛ na we ɔ. ⁶ Mi ka mo sɔ, nu ke ɖo kpinkpɛn mɛ na ovu yee kpo do mi ka mo sɔ jɛnu mia tɔn yee na oxa yee, yi we tin mɛ wɛ ŋyi, e na dɔ fɔfɔgblamɛ na m*, a bo kpan ŋkɔn mi a bo do fɔku mi. ⁷ Mi, byɔ, ye nɔ sɔ na mi, mi kan ye na kpɔn-ɛn na mi, mi xuxu ye mɔ xwin na mi. ⁸ Ɖo, mɛ ɖe kpokpo-e byɔ e na va e mɛ ni, mɛ ɖe kpokpo-e kan, e na kpɛn-ɛn, na mɛ ke xuxu ohɔn e na nyi hun hun. ⁹ Mɛ ɖe le mia mɛ ke na ovyɔ byɔkpɔnnɔ e bo so ɛkpɛn ni? ¹⁰ A lo e byɔoxwe, e mɔ sɔ lanvi ni?" ¹¹ Yi wɛ dɔn, ɛmɛ nyanylan ke mi nyi, mi nyɔ onu nywɛn ni na vikpɛ mia tɔn yee, le xojɔ xo mɛ, zɔn nɛ mu lɛ mia tɔ kɛn tɔn hɔn na sɔ na mɛ ke byɛ? ¹² Yi wɛ dɔn nu ke mi kan na ɛmɛye a wasi nami, mi ye can mio wasi na ɛmɛ, ɖo o osɛn kpo oho lo ɖe nyi wɛ. ¹³ Mi gbɔn xɔmɔnu vitwe, ɖo mɔnu vitwe -ɔ, wɛ nyi ɔmɔnu nywɛn vɔ ɖaho-ɔ, nɔ hɛn ɛmɛ diyi cincrɔn mɛ. Yi wɛ ɛmɛ susu nɔ gbɔn blɛ. ¹⁴ Yi wɛ dɔn vitu we wɛ nyi ohɔn e bo nɔ kplɔ ɛmɛ do yi ɛgbɛ ma vɔ yi wɛ dɔn ɛmɛ susu yɔn nɔ do mɔnu kpɛnkpɔn le e mɛ. ¹⁵ Mi kpɔn mia ɖe ji le oxolɔtɔ jokantɔ yee ke na va a bo sɔ mi do wasi nɛgbovi, vɔ le xojoxomɛ ohla ɔdɔnɔ wɛ yee nyi. ¹⁶ Mi na nyɔ yee sɔ gbɔn do yee we nuwiwaye mɛ. Ye nɔ gbɛn hlɛnzɛn l, e oxɛntin ji wɛɛ? A lo ye nɔ gbɛn figi ɛŋuja mɛ wɛɛ? ¹⁷ Yi wɛ dɔn; otin nywɛ nɔ sɛn tinkunsinsɛn onywɛ, vɔ otin nyanyla nɔ sɛn tinkun nyanyla. Otin nywe hɔn kpo na sɛn tinkun nyanyla, e mɔ ke otin nyanyla hɔn kpe na sɛn otin kun onywɛ. ¹⁸ Otin nywe hɔn kpo na sɛn tinkun nyanyla, e mɔ ke otin nyanyla hɔn kpe na sɛn otin kun onywɛ. ¹⁹ Otin ke hɔn nɔ sɛn tinkun onywɛ ye na gbo-e a bo sɔ do zo. ²⁰ Yi wɛ dɔn mi na nywɛ sɔ gbɔn tinkun mɛ. ²¹ Ɔn nyi bi-o mɛ ke lɔ nɔ xwetɔ-xwetɔ, hɛn na yi jiƴkunsi oga ɖuxwe. ²² Mɛ susu na lɔ le azanxin gbe xwetɔ-xwetɔ, mi ye hwɛn lo xoɖe nyi sɔ gbɔn yi we ŋykɔ mɛ, bo nya gbi gbɔ nyla kan yee bo wasi ŋdan do nu susu sɔ gbɔn yi we ŋykɔ mɛ? ²³ Ko na lo na ye zɔndokpo " Kɔn nyɔ mi! Mi tɛyi le wu yee, jokantɔ yee." ²⁴ Yi wɛ dɔn, mɛ ɖe kpokpo-e ke na ɖoto oho tɛ ye bo sɔ do danwiwamɛ na le ɖi ŋsunglo nunyɔtɔ ke tun oxɔ yi tɔn do ɛkpɛn gba ja ji. ²⁵ Oju na ja, otɔ sisa na va kpo do jɛhɔn ɖaxo na xo do xweyɔ gbe, vɔ ɔn hɔnɔ, ɖo yetwin do ɛkpɛn gba ja ji. ²⁶ Vɔ, mɛ ɖe kpokpo-e ke na ɖoto oxo tɛye e e ko na sɔ do odan wiwa mɛ na le ɖi ɛmɛ onu ma nyɔtɔ ke gba oxɔ yi tɔn do kɔ gudumɛ.