¹ Kena gbɔjwɛ zan va yi vɔ, le azan tatyɛn kwɛsila tɔn gbe-ɔ, Mali Madala tɔn kpo Mali ɖe ɔ ye va a do kpɔn Yesu we yɔdo. ² Wɛ, nyikudan huhu ɖaxoɖe, ɖo Mawu we ɛwɛndotɔ ɖe jɛ te sɔn jiŋukusin, bo va ɖe ɛkpɛn-ɔ tɛ, bo xinnɔyi do e ji. ³ Ebo klɛnɔn onu dido itɔn ye bo we pepepe leɖi glaci kpɛn ha. ⁴ ɛmɛ cɔtɔye bo voo bo titɔ nɔn bo ɛmɛ kuku ha. ⁵ Mawu we ɛwɛndotɔ lɔ na nyɔnnusi yee bio:<< Vivo ni ka mɔ hu mi, ɖo ko nyɛn bio yesu ke ye kan do atisoga ji wɛ mi kan nɔ. ⁶ E ɔn mɔn le bwɛ ɖo e fɔn sɔn oku le ɖi ke e lɔ-ɛ ɖo na mi ha. Miva kpɔn ofi kena ye so-ɛ sɔ hlɔn onyi do. ⁷ Mi yawu sɔn bleŋu a bo lɔ na onukplanvi itɔn ye bio:< sɔn ɛmɛ kuku ye mɛ; Mikpɔn e jɛ ŋukɔn na mi bo sin Galile nɔn. Blɛ wɛ mi na kpɔn-ɛ le.>> ⁸ Zɔn ɖokpo nyɔnnusi-ɛ ye lɛ le yɔgun ɔ kɔn. Jikan so ye-oji bo va jɔ ye. ⁹ Kpoŋ-ɔ, Yesu kpe ye bo lɔ na ye bio:< na mi.>>Nyɔnnusi-ɛ ye va ikɔn, bo wle ɔfɔ ye ni bo sin. ¹⁰ Iwɛ Yesu lɔ nan ye bio:< mɔn vo. Mi ve lɔ na nɔnvye bio ye mɔn yi Galile; blɛ mɛ ye mɔn na kpɔn le.>> ¹¹ Gan ke mɛ na nyɔnnusi-ɛ le omɔn ji bo sɔn nɔ, wɛ, ɛmɛ cɔtɔ ɖe ye dyɛ toxo-ɔ mɛ bo lɔ nu ke na jo e bi na vɔxantɔye we oga. ¹² Ke na vɔxantɔ ye kpe kpo ɛmɛ xixóye bo lɔ oxo sɔn onu xlɔn ke jɔ wu, yee sɔ oho susu gbagba gba sɔ na sɔja ye. ¹³ Bo lɔ na ye bio:< ¹⁴ Na oxo xin va ɛcɛkpikpa kɔn ɖo e mɔn, mi ye na tɛ ogbe do eji na ye ɔn mɔ na do dɔn otó mi.>> ¹⁵ Wɛ sɔja yee yi oxo-ɔ bo wa si di ke ye lɔ ɖo na ye ha. Hwinya-hwinya xin le jwifutɔ ye mɛ gun do jɛ egbe. ¹⁶ Vɔ onukplanvi weɖokpo ye sɔn yi Galile, le otó ke Yesu o sɔ xlɛ ye. ¹⁷ Ke ye kpɔn-ɛ, ye sin, vɔ ɛmɛ ɖe ye bo xo onu kpɔn nɔn. ¹⁸ Yesu tɛyi ye kɔn, bo lɔ xo na ye ɖo ele ha:< ɛcɛ kpikpa bi sɔ le jiŋkunsi kpo nyixɔ ji. ¹⁹ Mi yi, mi sɔ otogun ye xeɖeɖe sɔ wasi onukplanvi, a bo yrɔn ye le Otɔ, Ovi kpo Gbigbɔkinkwɛn we nyi kɔ mɛ. ²⁰ Mi kpla ye na ye awasi do nuke ko lɔ na miji. Mikpɔn, ko le kpo mi tɛgbɛ gbun doyi xixe ɔ we vivɔnu>>