¹ Ke Yesu lɔ oxo hin ye vo, e lo na i we onukplanvi ye bio: ² "mi nyɔ-ɛ bio e drɔn unkɔn ɖiɖe ɔwe na vivayi we oxwe ɖuɖu, ye na so ɛgbɛtɔweviɔ so na na ye mɔ kan-ɛ do otin so oga ji." ³ I wɛ dɔ na Mawu we ɔvɔ santɔ ɖaxo ye kpo do oto mɛhyɔn ye, yi okpli le Mawu we ɔvɔsantɔ ye we oga ke ye nɔ yɔ bio Kayifu we gaji. ⁴ Ye bla ogbe do Yesu u bio hiye a mɔ wle le onu gɔ a bo hu-i! ⁵ Ɖo ye lo nɔ bio: "' ɔn ɖo na nyi oxwe we ganmɛ nɔ, na otyo vi ye hɔ ba va cite do ye u nɔ. ⁶ Yesu le Betini otoxomɛ le Simɔ ke jɛ okpo we ɔdɔn nɔ we oxwegbe; ⁷ ke e le ɔkplɔn kɔn, nyɔnusi ɖe va e kɔn kpo do celu oho sugu tɔn do ogo mɛ, e bo sɔ kɔndo ota na Yesu. ⁸ Vo, ke i we onukplan vi ye kpɔn-ɔ, ye da ɖi bo bio:; "ŋunijɔ e so oho sɔ dɛ ɛgbe nɔ? ⁹ E hɛn ye na sa celu ke oho vivɛ a bo so oho-ɔ a so ma na wamamɔnɔ ye." ¹⁰ Vɔ e le nywɛ mɛ na Yesu, e bo lɔ na ye bio: " ŋuni jɔ mi do se vivɛ na nyɔnusi ke nɔ?. ¹¹ Onu nywɛ wɛ e wasi na. Mi ye kpo wama mɔnɔ yee wɛ le tɛgbɛ, vo blɔ ho le kpo mi tɛgbɛ. ¹² Gan ke mɛ e kɔn celuɔ do gbaza wu na, e wasi onywɛ na bo we ocɔɖidi. ¹³ Le oxo jɔxo mɛ ɔ na ɛwɛn ke nyi liilo le ɛgbɛɔ mɛɔ, ye na lɔ nawe ke we oxo a do flin nɔ. ¹⁴ Ɛmɛ ɖokpo le Yesu we onu kplanvi yee mɛ ke ye nɔ yɔ bio Juda Isikaliɔtu, e yi Mawu we ɔvɔsantɔ ye kɔn, ¹⁵ bo bio:" ŋuni mi ba na nɔ na ma do sa Yesu na mi?"' Ye jrɛ oho gan ogban bo sɔ ni-i. ¹⁶ Bɛ sɔn ogan hin mɛɔ Juda Isikaliɔtu o kan omɔ dɛ e wu nɔ a do se. ¹⁷ Le kpɔnnɔ ma ɖo dokɔ tinkɛn we oxwe zan we onyihinhɔn tantyin gbeɔ, onukplanvi ye tɛ bɔ wu Yesu bo lo ni bio: " fielɛ mi jro na mia jjlaɖo na pako we oxwe? ¹⁸ Yesu o ɖe wu: " Mi yi oto ɖaxo-ɔ min le dahwe ɖe kɔn a bo lo ni bio "Cica lo bio " bo we ogan kpɔ. Ko jro na ɖu pako we oxwe kpo bo we onukplanvi ye le kɔnwe." ¹⁹ Yee wasi do oxo ke e lɔ na yee ji yee jra pako we oxwe ɖo. ²⁰ Ke hudo doɔ, Yesu tɛyi ɔkplɔn wu kpodo i we onukplanvi weve yee. ²¹ Gan ke mɛ ye ɖu onuɔ nɔ, Yesu lɔ bio: " le oxo jɔxo ɔ mɛɔ, ko lo na mi nɔ bio ɛmɛ ɖokpo le mia mɛ bo va sa nɔ." ²² Ye ci dɔnu ɖunu mɛ gun bo ta ye we xwetɔ kinkan se bio " xwetɔ, bo wɛ?" ²³ Xwetɔ ɖewu na ye bio: " mɛke we olo na ca kpo tɛ ye le agan ɔ mɛ-ɔ, wɛ va sɔɔ sa nɔ. ²⁴ Gbɛtɔ we viɔ na yi-i ɖike enyi ŋwiŋwla do e wu do ha. vɔ, babaa na mɛke na sɔ-ɛ sɔ sa. E na nyɔ hu bio, nyɔ ji-i ɛmɛ e mɔ ha tɔn. ²⁵ Juda ke va se nɔ kin se nɔ bio, bowɛ Xwetɔ? " E yi ogbe ni "i tete o lwɛ." ²⁶ Gan ke mɛ ye o ɖu onu nɔ-ɔ, Yesu sɔ kpɔnn, ɔ, bo fankwe do e ji, bo mi. E so na nuplanvi yee, bo lɔ bio: "mi yi, na mi-a ɖu. E klɔ wɛ nyi bo we gbaza ²⁷ E hin we godo-ɔ, esɔ kɔkpo-ɔ ke mɛ vɛn ɔ le. E bo do ɛkpɛ na Mawu, bo so na ye, bo lo nɔ bio: "mi mɛ xɛɖe ɖe ni nu-i ²⁸ Eke wɛ nyi ɛhun tɛ ye ke we Mawu do so wa si okan cica. Ehun ke wɛ ye kɔn ɖe nyi do ota na mi mɛ susu na do sɔ mia we onu vwɛn yee a so kɛ mi. ²⁹ Vɔ, ko mɔ lɔ na mi nɔ bio kɔn mɔ nu vɛn ɖekpo mi nɔ gun do yi gan ke mɛ ko mɔ na va nu kpo mi le Dida ye we xɔlu ɖu xwe." ³⁰ Ke ye ji ohan va yi-ɔ, yee, yee sɔn yi Olivu we otoɔji. ³¹ Yesu olɔ na yee nɔ bio " mi mɛ xeɖeɖe na jo do le hwe do ke, do enyi wiwlan bio: "ko na xo ogbɔ kplɔtɔ, yi wɛ ogb ɔ yee ke le gbɔ kpomɛ yeɔ na gbado." ³² Vɔ, na ko gbɛ fɔn sɔn ɛmɛ kuku yee mɛ ɔ, ko na zɔn na mi yi Galile nɔ. ³³ Vɔ Pita bo lɔ ni nɔ bio: " na ɛmɛ ɖi-ɛ yee xe ɖi-ɛ yee na jo we do can ɔ, blɔ kɔn jo we do nɔ kpɔn."" ³⁴ Yesu lɔ ni bio: " le oxo jɔ xo mɛɔ, kolɔ na we nɔ, le ozan ke mɛ ɔ, gun gokmlo na do atan ɔ, o na gbio le ozan ke mɛ." ³⁵ Pita ɖewu ni: " na etrɛ nyi bio ko na ku kpo we wɛɔ, kɔn gbɛ we nɔ kpɔn." Onu kplanvi ɖiɛ yeeɔ xeɖeɖe lɔ oxo dokpɔ kpɔ. ³⁶ I godoɔ, Yesu kplɔ yee, bo sɔnyi fi ke ye nɔ yɔ bio Jɛ tisemanɛ, bo lo na yee nɔ bio: " mi tɛn mia ɖe ye kpɔn le bwɛ na blɔ ma tɛ yi a do va yi xo ɛɖɛ." ³⁷ Yesu kplɔ Pita kpo do Zebeɖe we vi ɔwe yee, E bo xi ŋusinsin mɛ. ³⁸ Yesu lo na yee bio:" okla tɛye ɖiɛ dɔnuɖu nu mɛ, gun do jɛ oku. Mi kɔn ye, a bo nɔ ŋuzɔn kpo." ³⁹ E tɛ yi viɖe, bo cɔn ŋumɛ nyi, bo xo ɛɖɛ bo lo nɔ bio:" Didaye, na ena kpɛwu nyi wiwaɔ, bo dɛ kɔkpo hin le ŋukɔn na. Vɔ, ni ka nyi bo we ojro, vɔ ke o jro ɖo." ⁴⁰ Yesu trɔ va yi we onuplanvi yee kɔn, bo kpɔn yee le ɔwlɔn mɛ. Yesu lo na Pita bio:" ŋuni jɔ? mi ɔn kpe wu na nɔ ŋuzɔn kpo na ogan xixo ɖokpoo? ⁴¹ Mi nɔ ŋuzɔn a bo xo ɛɖɛ, na mi ɔ do jɛ tintɛn kpɔn mɛ nɔ. Gbigbɔ le gbesisɔ, vɔ gbazaɔ ko ɖo hɔnhlɔn." ⁴² Yesu mɔ tɛyi zɔn ɔwegɔ bo fan kwe bo bio: " Didaye, na ena kpɛwu nyi wiwaɔ, bo dɛ kɔkpo hin le ŋukɔn na. Vɔ, ni ka nyi bo we ojro, vɔ ke o jro ɖo." ⁴³ Yesu mɔ trɔ va bu, bo mɔ kpɔn yee le ɔwlɔn mɛ, do ɔwlɔn le ŋumɛ na yee. ⁴⁴ I we godoɔ E mɔ trɔ tɛyi le yee wu. Yesu fan kwe zɔn tɔn gɔ bo lɔ oxo ɖokpo yee nɔ. ⁴⁵ Bɔdoewuɔ, Yesu trɔ yi onuplanvi yee kɔn, bo lɔ na yee nɔ bio:" Mi mɔ gbɔjuɛ nɔ bo dɔ ɔwlɔn ke wɛ? Syɛɔ ogan ɔ xo na Ovi Gbɛtɔ yee sɔ do ɔlo min na onuvwɛn wa tɔ yee. Mi cite na mia lɛ le bwɛ. ⁴⁶ Mi kpɔn mɛ ke na saɔ o le ogbesisɔ."" ⁴⁷ Ganke mɛ Yesu mɔ tro lɔ oxoɔ nɔ, Juda ke nyi mɛ ɖokpo le yee mɛ weve yee mɛ va. Ɛmɛ susu sɔn vɔsan tɔ ɖaxo kpo mɛhyɔn yee kɔn va kpo Juda. Yee bo va kpo ohwi kpo mɔtodɔvi yee. ⁴⁸ Gbɛtɔ ke va sa Yesu nɔ-ɔ oɖo gbeta su u yee bio: "Mɛ ɖekpokpwe ke ko na kisi na ɔ, i wɛ mi na wle." ⁴⁹ Zɔnɖokpoɔ, e va Yesu kɔn bo bio: " Ko do ogbe na we onukplan ɛmɛtɔ!" E bo kisi ni-i. ⁵⁰ Jesu lɔ ni bio: " Hadwe, wa onu ke o ba va wa nɔ." Ye va bo wle Yesu, bo kple do sɔn. ⁵¹ Mikpɔn, mɛ ɖokpo le i we onukplanve yee mɛ bo ɖe ohwi tɔn le akpa mɛ bo kpa oto na odan sɔvi vɔsan tɔ yee we oga ɖokpo tɔn. ⁵² Iwɛ Yesu lɔ ni-i bio: " sɔ ohwi tɔwe sɔ ɖo i wetɛn xo, do mɛ ke na zan ohwiɔ na ku ohwiɔ ku. ⁵³ Obu-i nɔ bio kɔn kpewu na biɔ ɔlɔ gɔ wu Didaye ke na sɔ ɛwɛndotɔ susu dodan-a? ⁵⁴ Vɔ na ɖelɛ winwlan yee na va cicɛ mɛ do, na ehin a do va emɛ?" ⁵⁵ Le oganhin mɛɔ Yesu lɔ na oto gun ɔ bio: " Mi va kpo okpo yee kpo ohwi yee kpo na mia do wlo ɖi fianfinɔ ha wɛ? Gansia gan mɛ wɛ ko nɔ le kpo mi cɔci xɔmɛ a bo kplan o nu wu mi, mi ko wlo. ⁵⁶ Vo nu hlɛn yee ojɔ nɔ na nu bi ke oxolɔɖenyi tɔ yee wlan a va cicɛmɛ." Syɛɔ onukplanvi e tɔn yee si le e kɔn. ⁵⁷ Mɛ ke wle Yesu yee ɔ kple do yi vɔsan wasi tɔ yee we ga Kayifu kɔn, fi ke mɛhyɔn yee kpo osɛn kplan ɛmɛ tɔ yee nɔ bɔ do. ⁵⁸ Pita bo xodwe gun do yi vɔsan wasi tɔ we gaji. Pita yi bo xunnɔnyi kpo ɛmɛ cɔtɔ yee a do kpɔn nu ke jɔ nɔ yee. ⁵⁹ Vɔsan wasi tɔ yee kpo otoxodotɔ yee o kan kunnu ɖide ɔgɔ nɔ a do kpewu hwi. ⁶⁰ Ɛmɛ yee kpa oxo lɔ do ewu, vo yee hɔn kpɔn kunnu ɖide adodwe ti. Vo, ɛmɛ ɔwe bo bo va ⁶¹ bo lo:" dahwe ke lɔ bio " ko na kpewu na gba Mawu we oxweɔ a bo trɔ gbee le onyi hinhɔn ɔtɔn we blamɛ." ⁶² Mawu we ɔvɔsantɔ yee we ga cite bo lɔ ni nɔ: " Hɔn ɖewu nɔ?" kunnu ni lɛ ɛmɛ klɛ yee o ɖe do wu we? ⁶³ Vo, Yesu bo bɔ onu. Mawu we ɔvɔsantɔ yee we ga lɔ ni bio: " Ko na we ogbe gbɔ Mawu ɛgbiɔ ɛgbiɔ ji bio yi mɔ lɔ na mi, na yi wɛ, nyi Klisoɔ, Mawu we Vi." ⁶⁴ Yesu ɖewu ni: " yi te te o lɔ-ɛ. Vɔ ko mɔ trɔ lɔ na we nɔ bɛ sɔn syɛɔ o na kpɔn ɛgbɛtɔ we Viɔ na xinɔ onyi le aɖusimɛ na Mawu we hɔnhlɔn, sɔn sunwomɛ." ⁶⁵ Syɛɔ ɔvɔsantɔ yee we ga vun yi we awu bo lɔ nɔ bio:" E kɔn ɔcɔn bo da onu do Mawu wu mi mɔ hyan kunnu ɖiɖe ɖe wɛ? mi kpɔn, mi se i we ɔcɔn. ⁶⁶ Na ɖe lɛ mi bu-i kpɔn ɖo?" Yee bo yi ogbe " e jɛ na oku." ⁶⁷ Yee tu otqn do ŋumɛ ni-i, bo do ofɛn ni-i nɔ ⁶⁸ bo lɔ nɔ:" lɔ oxo ɖenyi-i na mi, Kriso. Mɛ lɛ xo we?" ⁶⁹ Pita bo xinɔ onyi le gaji, odansɔvi nyɔnusi ɖokpo va e kɔn le gaaji bo bio:" yi can o nɔnɔ kpo do Yesu Galiatɔɔ." ⁷⁰ Vɔ e gbɛ Y*esu le ɛmɛ yee we ŋumɛ bio:" Kɔn hɔn nyɔ oxo ke olɔ nɔ." ⁷¹ Ke e sɔ omɔ do fike ye nɔ gbɔn a do tɔɔn odansɔvi nyɔnusi bu kpɔn-ɛ bo l: ɔ na ɛmɛ ke le blɛ yee:" dahwe ke can nɔ le kpo Yesu Nazalɛtitɔ." ⁷² E mɔ gbɛ ke kpo bo onu tit: " kɔn nyɔ mɛ hin." ⁷³ Zaanɖeɔ mɛ ke le blɛ yee olɔ na Pita nɔ bio: " Dandanmɛɔ, yi can nyi ɛmɛ ɖokpo le yee mɛ, do ogbe tɔ we wɛ blɛ wɛ ɖu." ⁷⁴ i wɛ Pita olɔ nɔ bio:" ko ta onu. Kpinsɛn ni jɛ ji ye. Kɔn nyɔ ɛmɛ hin. Zɔndokpoɔ goklo bo do atan. ⁷⁵ Pita bo flin oxo ke Yesu lɔ ni-i san. " Gbɔhwɛ goklo na do atan ɔ o na gbi-o zɔn ɔtɔn." Siɔ e tɔn bo ve viavinɔ vivɛɖe