¹ Yesu tɔn le cɔciwomɛ, bo sɔn nɔ, okukplanvi ye bo xo doe ado sɔ ayiha itɔn do cɔcixo we gbigba wu. ² Vɔ yesu lɔ na ye bio: « Mi ɔn kpɔn onu hin ye nɔ? Le oxo jɔ oxo mɛ ko lɔ na mi nɔ. Ɛkpɛ ti ɔn nɔ ɛkpɛ ɖé ji nɔ ye ɔn hɔ-ɛ. » ³ Ke yesu vé hinɛnyi le olivié we otó-ɔ ji vɔ, onu kplanvi itɔn ye va ikɔn do ovo bokinsé nɔ bio: « lɔ na mi na onu hin ye va jonɔ. Onu ni ye lɛ na ɖé yi we viva sɔxlé kpo onu ke na na jɔ nɔ na mian do nyɔ bio ɛgbɛ-ɔ we vivɔ nu mɛ mɔn va? » ⁴ Yesu bo ɖo ewu bio: « Mi kpɔn mian ɖe ji na ɛmɛ ɖe ni ko mɔ blɛ mi ɖu. ⁵ Ɖo ɛmɛ susu ye na va le bo we nyi kɔ ji abo lɔ bio: "Bo wɛ nyi kliso-ɔ" ɛmɛ susu ye bo na bu. ⁶ Mi na sé ahwan ye na jɔ nɔ, ye na lɔ ahwan we oxo ye na mi nɔ, mi ko mɔn caca, ɖo onu hin ye ɖo na jɔ, vɔ ɔn nyi vivɔ nú ɛgbɛ-ɔ tɔn. ⁷ Ɖo oto ɖe na cité do oto ɖe wu, ogaɖuxwe ɖe do ogaɖu xwe ɖe wu. Hɔvɛ na le unkundan hunhun le ofi vovo ye. ⁸ Vɔ onu hin ye na nyi vivɛ sisé ye we titɔeji. ⁹ Ye na sɔ mi sɔ mi sɔ na vivɛ sisé ye taŋ-taŋ a bo hu mi. Otoyé na gbɛ owan na mi do bo we nyi kɔ wu. ¹⁰ Ɛmɛ susu ye na klinnu. Ye na blɛ ye nɔ ni-ɔn ɖu a bo gbɛ owan na ye nɔni-ɔn ye. ¹¹ Oxo lɔ ɖenyi tɔ ɔgɔ-ɔgɔ nɔnye na cité bo blɛ ɛmɛ susu ɖu abo kplɔye. ¹² Ɖo onu nyinylan mɔn na ji do eji nɔ, ɛmɛ susu we owan nyi-nyi na fa. ¹³ Vɔ ɛmɛ ke na nɔ oté gbun do yi vivɔ nu na kpɔn wlin gan. ¹⁴ Ɛwɛn nyɔn-ɛ Mawu we oga ɖu xwe-ɔ tɔn na nyi lilɔ gbɔn ɛgbɛ-ɔ bi mɛ, ke na nyi nukuwa fo na ɛgbɛ-ɔ bi. I we godo wɛ na nyi vivɔnu. ¹⁵ I wɛ dɔn mi va kpɔn alé dida ke we oxo Daniɛli oxo lɔ ɖo nyi tɔ lɔ le ganke mɛ na ele oté le tinxo kinkɔn mɛ (na ɛmɛ ke xlé-ɔ ni sé egɔn mɛ), ¹⁶ na ɛmɛ ke le judé ye ni si sin otóye ji, ¹⁷ na ɛmɛ ke le oxɔ ji ni kó mɔn jlo bio hé a mɔn jɛté a mɔn do va sɔ onu ɖe ¹⁸ ɛ mɔn ke ɛmɛ ke le glégbe ni ko mɔn trɔ va yi xwegbe bio hé a mɔn sɔ ahu zizan ɖe. ¹⁹ Baba na nyɔnnusi ke le gomi kpo ke na ɔnɔn u ovi nɔ le azan hin ye ji! ²⁰ Mi xo ɛɖɛ na sisi mian tɔn ni ko mɔn nyi ofio zan alo gbɔ jo-ɛ zan gbe. ²¹ Ɖo vivɛ sisé na sinhu taŋ abo glo ke na ɔn le emɔn kpɔn sɔn ganke me na ɛgbɛ ke jɔ, le enyi we goda can ti ko mɔn na do va nɔ emɔn. ²² Na Mawu ɔn do ɖé azan ye drɔn wɛ-ɔ, bo nyi ɛmɛ ti tété ɔn kpewu na kpon wlingan, vɔ do ɛmɛ cican ye wu tu, e na ɖé drɔn. ²³ Na ɛmɛ ɖe va lɔ na mi bio: "Mi va kpɔn kliso-ɔ lebwɛ; alo e le blɛ dan," mi ko mɔn kando eji. ²⁴ Ɖo yesu kliso ojo tɔn ye na va kpo oxo lɔ ɖenyi tɔ ojo tɔn ye nava a bo wasi ŋudandonu kpo josido ye, a bo do trɔ kɔ na ɛmɛ cican ye can. ²⁵ Mi kpɔn kó olɔ na mi ɖe nyi san. ²⁶ Na ye lɔ na mi bio "Mi va kpɔn kliso-ɔ le zogbeji," mi ka mɔn yi, "alo e le oxɔ ɖe do ovo ɖo mɛ," mi ka mɔn yi, mi ka mɔn kando eji. ²⁷ Ɖi ke na oxwè nɔ zè sɔn oxwe zɛdo a bo sin oxwe yi xɔ ɖo ha, e mɔn ke wɛ gbétɔ we ovi can na va ɖo. ²⁸ Ofi ke olan kuku le, blɛ wɛ akla su ye nɔnɔ. ²⁹ Na vivɛ sisé we azan ye va yi vɔ-ɔ, oxwe-na do vuvlu, osun na bu kinklin itɔn, osun xwe viye na flɛ sɔn jixwe, hɔnhlɔn ke le jinukunsin ye na hunhun. ³⁰ Ganhin mɛ mɛ, jɔ sido gbetɔ we ovi-ɔ tɔn na zé le jinukunsin, kɔta ye bi na ta okoe fifan. Ye na kpɔn gbe tɔ we owi le ɔzɔ mɛ abo gbɔnnɔ sɔn jinukusin kpo hɔnhlɔn kpo gigo ɖaxo ɖe kpo. ³¹ Le okpin ɖiɖi ɖaxo ɖemɛ, e na sɔ yi we dɔla ye sɔ ɖo dan ye mɔ va bɔ ɛmɛ cican sɔn konu ɛnɛ jɛhɔn mɛ tɔn ye ji le jinkusin we vivɔ nu gbun doyi ago ɖɔji. ³² Mi kplan onu sɔn tinkun sin-sin ye wu, legan-ke na awa itɔn ye ta ama ɖiɖe tɔn mi na nyɔn-ɛ bio oju we ganmɛ mɔn kpɔ. ³³ Ɛ mɔn ke na mi kpɔn onu hin ye nɔ, mi ɖo nyɔn bio yesu we viva mɔn kpɔ, e bo le o hɔnji. ³⁴ Le oxo jɔ oxo mɛ ko lɔ na minɔ, jijimɛ kiye ti ɔn va yi nɔ gbun do jɛ ganke mɛ na onu kiye na va emɛ. ³⁵ Jinukusin kpo nyixo na vayi, vɔ oxo tɛye ɔn va yi kpɔn gbeɖe. ³⁶ Vɔ onu ke kan azan kpo gamɛ-ɔn wu, ɛmɛ ti ɔn nyɔn, dɔ la ye ke le jinukusin ye can kaka do ve jɛ ovi-ɔ can jui vɔ otɔ ɖoɖio. ³⁷ Leɖi Nowa we gamɛ hé ha, ɛ mɔn ke wɛ gbetɔ ovi-ɔ can na va ɖo. ³⁸ Leɖi azan hin ye ji, ɛmɛ ye ɖu onu bo nu onu nɔ, gbɔ xwe otɔ va gɔ, ɛmɛ ye ɖe nyɔnnu nɔ, bo ɖe osunɔ, ɛmɛye sɔ ye we ovi nyɔnnusi sɔ ne osunɔ, ɛmɛɖe ye bo na nyɔnnu nu ye viyenɔ gbun na ganke mɛ na Nowa ɖiɛ Batomɛ. ³⁹ Ye ɔn mɔn do na onu ti gbun otɔ bo gɔ bo kplɔ ye do sɔn. Ɛ mɔn ke wɛ gbetɔ we ovi-ɔ can na va ɖo. ⁴⁰ Ɛmɛ ɔwe na le oglegbe, ye na sɔ ɛmɛ ɖekpo, a bo jo ɛmɛ ɖokpo do. ⁴¹ Nyɔnnusi ɔwe na li ŋtakuin-nɔ, ye mɔn sɔ ɛmɛ ɖokpo, a bo jo ɛmɛ ɖokpo do. ⁴² Mi nɔ acéji ɖo mi ɔn nyɔn azan keji na xwetɔ mian na vé. ⁴³ Vɔ mi nyɔn bio na oxwetɔ na do nyɔn ganke mɛ fianfinɔ na va ɖo wɛ-ɔ, oxwetɔ na le acéji na fianfinɔ ɔn na do fin onu ɖe le yi xwe. ⁴⁴ Yi wɛ dɔn mi na do ogbesisɔ, ɖo gbetɔ we ovi na va, va ni le ganke mɛ na ɛmɛ ti ɔn ɖo onu do. ⁴⁵ Mɛ lɛ nyi odansɔvi onu nyɔntɔ ke le gbeji, ke oxwe tɔ sɔ ɖo oxwe itɔn nu, ke na onu ɖuɖu wu ye le gan xixo o nyɔnɛ-ɔ mɛ? ⁴⁶ Yayla nɔ wɛ nyi odan sɔvi ke ye na va kpɔn e mɔn wa odan itɔn leɖi oxwetɔ lɔdo ha. ⁴⁷ Le oxo jɔ oxo mɛ ko lɔ na mi, oxwetɔ na sɔ-ɛ ɖo onu itɔn ye nu. ⁴⁸ Vɔ na odansɔvi nyinyla ɖe lɔ le iɖe mɛ: "Oxwetɔ tɛ ye ɔn va nɔ siɛ," ⁴⁹ bo ta ha tɔ odansɔvi diɛ ye xixo, bo mɔn ta onu ɖuɖu kpo onu nunu kpo ahan nu mu nɔ ye-ɔ, ⁵⁰ oxwetɔ dansɔvi e mɔn ha tɔn na va va le gan ke mɛ na odansɔvi-ɔ ɔn ɖo onu do ewu kpo le ajijimɛ. ⁵¹ Oxwe tɔ itɔn na jé kpoɖo-kpoɖo a bo wa i we nu ɖi ke ye nɔ hin ɛhɛ mɛ nu wa tɔ ɖeye ɖo ha, ofi ke na afu kun-kun kpo avivi na ye lé. »