¹ Le gan hin mɛ, onukplanviye va yesu kɔn bo lɔ ni bio: « Ɛmɛ ni lɛ nyi ɛmɛ hin-ɔn le jinukunsin? » ² Yesu bo yɔ ovi tui ɖe bo sɔ-ɛ ɖo dodomɛ na ye ³ bo lɔ bio: « Le oxo jɔ oxo mɛ ko lɔ na mi nɔ, na mi ɔn trɔ bo le ɖi ovivitue ke haa, mi ɔn kpewu nayi oga ɖuxwe-ɔ. ⁴ Nan ele emɔn, ɛmɛ ɖekpo-kpoe ke na sɔ iɖe sɔ xwe ɖi ovi ke ha, ɛmɛ emɔn tɔn wɛ nyi ɛmɛ huinyɔn le ɖu xwe. ⁵ Ɛmɛ ɖe kpo-kpoe ke na yi ovi ke le bo we nyi kɔn mɛ, bo wɛ e yi. ⁶ Vɔ ɛmɛ ɖe kpo-kpoe ke kan do jiye vɔ bo gbɛ ovi ke-ɔ e jɔ ɔgɔ, e na nyɔn hu bio ye na tɔ ɛkpɛ do okɔ nü abo ɖé do ɛhu mɛ. ⁷ Ta baba nylankan na ɛgbɛ-ɔ ɖo ganhixo sinsiɛn ye wu! ɖo e le dan-dan mɛ bio onu hin ye ɖo na jɔ, vɔ baba na ɛmɛ keji e na gbɔn ado jɔ! ⁸ Na ɔlɔ tɔwe alo ɔfɔ tɔwe wɛ na nyi ɔfɔ klin nu na we-ɔ, gbo-e tɛ, e nyɔn wu bio o na nyi ɔlɔ gbodonɔ alo ɔfɔ ɖokpo nɔ abo yi ɛsɛxwe tomɛ hugan bio ɔlɔye na sɔgbe, ɔfɔye mɔn sɔ gbe o mɔn yi ozo manvɔ. ⁹ Na ŋukunsin tɔwe wɛ na nyi ɔfɔ klinnu na we-ɔ, ɖetɛ, e na nyɔn wu bio ona nyi yukunsin ɖokpo nɔ a bo yi ɛsɛxwetomɛ hu gan bio yukunsinye na sɔ gbe o mɔn yi ozo mavɔ. ¹⁰ Mi kpɔn mianɖe ji, na mi ɔn na do hɛmɔn ovikpɛvi kiye. Ɖo ko lɔ na mi nɔ, le jinukunsin, okla yetɔn le yumɛ didaye ke le jinukunsin. ¹¹ Ɖo gbetɔwevi va ado wlin ɛmɛ ke bu nɔ gan. ¹² Naɖe mi byi? Na ɛmɛ ɖe ɖo lɛngbɔvi kanweko ɖokpo bo va bu doe, ɖe ɔn na jo gbokpoe ye do a bo vé kan ke bu-ɔ gbu wɛ? ¹³ Na e kpɔn-ɛ-ɔ, ko lɔ na mi nɔ, oji nɔ jɔwɛ do ɖokpo ke e kpɔn wu hu gan wu kanwe ko e xwe ɖokpo ke ɔn bu ye. ¹⁴ Ɛ mɔn ha ke, ɔn nyi mian tɔ ke le jinukunsi we ojlo bio: ovikpɛvi kiye-ɔ, ɛmɛ ɖe a bu le ye mɛ. ¹⁵ Na nɔvuwe jɔ ɔgɔ dowe, yi ekɔn abo ve lɔ kpoe, mi mɛ ɔwe ɖoɖio. Na e sé egɔn mɛ, o wlin gan. ¹⁶ Vɔ na ɔn sé egɔn mɛ-ɔ mɔn trɔ vé xɔ ɛmɛ ɖokpo alo ɔwe bu ye mɔn lé oté na mian mɔn lɔ na oxo jɔ oxo ni tɔn. ¹⁷ Na egbɛ sisé na yé-ɔ, sɔ oxo-ɔ do yi cɔci, na gbɛ sisé le cɔci janwɛ-ɔ, sɔ-e ɖi ji maxɔsé-tɔ ha, takuwɛ jɔtɔ ha. ¹⁸ Le oxo jɔ oxo mɛ ko lɔ na mi nɔ nusianu ke mi na bla le nyixoji na nyi bibla le jinukunsin, kpo nusianu ke mina tu le nyixo ji na nyi tun-tun le jinukunsin. ¹⁹ Ɛ mɔ ke ko mɔn lɔ na mi nɔ, na ɛmɛ ɔwe sɔ gbeta le nyixoji do onu ɖe wu bo bi-ɔ didaye-ɔ e-na sɔ-ɛ sɔ na ye. ²⁰ Ɖo ofi ke ɛmɛ ɔwe lé lé bo we nyi kɔmɛ ko le ye mɛ. » ²¹ Pyɛ va yi lɔ na yesu bio, « Zɔn nɛ mu lɛ ko na sɔ ɛwɛ sɔ kɛ nɔviye, zɔn acɔwe wɛ? » ²² Yesu ɖo ewu ni bio: « Ko ɔn lɔ na mi nɔ bio zan acɔwe, vɔ kanwe gban gbun zɔn acowe. ²³ Ɖo oga ɖu xwe leɖi oga ke jlo bio hé a mɔn wasi kɔnta kpo odan wavi ye ha. ²⁴ Ke ye ta kɔnta wiwa, hé hin dansɔvi ɖé ke ɖu oho gan owo doe. ²⁵ Ke e ɔn ɖo onu ɖe a bo do kpewu tu ɔxɔ, oga yi tɔn na ogbe bio, ye mɔn sée yi kpo osi-ɔ kpo vikpɛ, itɔn ye kpo onu le ɛmɛ si itɔn ye na hé a mɔn do yi oho hé tɛye. ²⁶ Odanwavi-ɔ jɛ klita le ŋukɔn ni bo bio: "Oga tɛye, kuhùn na, ko na tu ɔxɔ bi." ²⁷ Odansɔvi-ɔ we oga bo kpɔn dɔŋuɖu nu nú, bo sɔ ɔxɔ itɔn ye bi sɔ ké. ²⁸ Vɔ odansɔvi ke ye kpɔn dɔnuɖunu na, tɔn bo vé kpɔn hatɔ dansɔvi bu keɖu oho gan kanwa ko doe. Bo xlé owlo nü bo bio: "Tu oho tɛye ke o ɖu do na." ²⁹ Vɔ hatɔ dansɔvi jɛ klita bo lɔ ni bio, "Kúhún na ko na tu ɔxɔ tɔwe na we." ³⁰ Odanwavi tantien tɔn gbɛ, bo vé tú do gankpamɛ gbun do ve jɛ gan ke mɛ na hatɔ odanwavi va tu ɔxɔ nü. ³¹ Ke na hatɔ danwavi bu ye sé oxo-ɔ, aɖi xlé ye taŋu ye bo vé jɛ ɛwɛ na oga ye tɔn sɔn onu ke na dansɔvi ke e sɔ ɛwɛ sɔ kɛ we onu ke e wa wu. ³² Ke oga sé onu-ɔ vɔ, e yɔ dansɔvi ke e sɔ ɛwɛ sɔ kɛ bo lɔ nü bio: "Lɔ dansɔvi dɔmɛ nylantɔ, blɔ kó sɔ ɔxɔye bi sɔ kɛ we ɖo o ɖe kuku na. ³³ Ɖé ɔn kpewu na kpɔn dɔnudunu na hawetɔ danwavi ɖi ke blɔ ko wasi na we ha wɛ?" ³⁴ Ke aɖi xlé oga itɔn ɖo-ɔ, ɛ xlé bo sɔ na sɔja ye, gbun na ganke mɛ na ican va tu ɔxɔ na oga itɔn. ³⁵ Ɛ mɔn didaye ke le jinukunsin na hɛn miye can ɖo na mi ɔn sɔ ɛwɛ sɔ kɛ mian nɔnviye sɔn oji mian tɔn mɛ. »