¹ Falizitɔye kpo sadusénɛtɔye va yesu kɔn ado do-e kpɔn bio ni mɔn wasi josido ɖe ke na sɔn jinukusin. ² Vɔ yesu bo ɖo ewu na ye bio: « Na xwedo va do vɔ wɛ mi nɔ lɔ bio "swɛ ɛgbɛ na nyɔn." ³ Le kekle nu, mi nɔ lɔ bio "Egbe-ɔ ɛgbɛ mɛ do vuvlu, e na na oju na ja." Na mi nyɔn ke ye nɔ ɖe ɛgbɛ mɛ we ninɔ mɛ ɖo ɔ, vɔ mi ko kpewu na ɖe ganhixo ye mɛ. ⁴ Jijimɛ okun nylantɔ kpo ogalɔ tɔ o kan josido nɔ, vɔ ɔn na kpɔn ti, sɔ gbɔn do jonasi tɔ wu. » Yesu bo lɛ ye kɔn. ⁵ Ke onu kplanviye vé jɛ ago ɖi-ɔ ji vɔ ye wɔn kpɔn nɔ ye sisɔ. ⁶ Yesu bo lɔ na ye bio « Mi kpɔn mianɖe ji le sadusenyɛ tɔ kpo falizi tɔ ye we ɛmɛ ki kɔ hi ji ye tɔn mɛ. » ⁷ Onukplanviye bo kan oxo sé ye nɔ ni-ɔn ye nɔ bio: « Ke mi ɔn sɔ kpɔn nɔ wɛ dɔn. » ⁸ Yesu bo ɖo ewu na ye, ɖo e nyɔn oxo ke ye lɔ ye ɖe mɛ nɔ. « Mi ɛmɛ xɔsé vitué nɔ ye onu ni lɛ jɔ na mi do kansé nɔ, alo kpɔnɔ ke mi ɔn sɔ wɛ! ⁹ Mi ɔn mɔn flin kpɔnnɔ atun na ɛmɛ caki atun kpo jahui nɛmu ke mi bɛ wɛ? ¹⁰ Alo kpɔnnɔ acowe na ɛmɛ caki ɛnɛ kpo jahui nɛmu ke mi bɛ wɛ? ¹¹ Naɖe mi ɔn na sé egɔn mɛ bio kpɔnnɔ we oxo mɔn win ko mɔn lɔ na mi nɔ? Mi kpɔn mianɖeji na ɛmɛ kɔ do yi ji sadusé-ɛ tɔye tɔn kpodo falizi tɔ ye tɔn wu. » ¹² Gbɔxwe onukplanviye va mɔn onu jɛ ewu bio yesu o gbɛ na ye bio ye mɔn kpɔn ye ɖe ji le onu kpin kplan sadusenɛ tɔye tɔn kpo falizi tɔ ye tɔn wu. ¹³ Ke yesu va yi sézale ke nyi filipu we oto mɛ-ɔ, e bi-ɔ sɔn onukplanviye si bio: « Naɖe lɛ ɛmɛye nɔ lɔ do huye? » ¹⁴ Ye bo ɖo ewu: « Ɛmɛ ɖeye nɔ bio, jan Mawu sin lɛ na ɛmɛ tɔ, ɛmɛ buye nɔ lɔ bio Eli, ɛmɛ buye jelemi, ɛmɛ buye oxo lɔ ɖenyi tɔ. » ¹⁵ Yesu bo lɔ na onukplanviye: « Vɔ Miye, mɛlɛ ko nyi na mi nɔ lɔ? » ¹⁶ Simɔn Pyɛ bo yi gbe bio: « yi wɛ nyi kliso, Mawu ɛgbio-ɛgbio we vi. » ¹⁷ Yesu bo ɖo ewu: « Ye nyla we Simɔn jonasi we vi ɖo ɔn nyi agbaza kpo Ɛhun win ɖe onu kiye sɔ xlé we, vɔ didaye ke le jinukusin wɛ. ¹⁸ Bo can ko lɔ na we nɔ, ɛkpɛ wɛ onyi, ɛkpɛ hinji wɛ ko na tun agun tɛye do. Oku we ohɔn ɖe ɔn na hun do eji. ¹⁹ Kó na sɔ jinukunsin we caviye sɔ na we. Na onu sia onu ke o na bla le nyixo ji, ye na blé le jinukunsin, ɛ mɔn ke onu sia onu ke o na tun le nyixoji. Ye na tun ü le jinukunsin. » ²⁰ Yesu bo gbɛ na onukplanviye bio ye mɔn ko mɔn lɔ na ɛmɛ ti bio hé mɛ mɔn nyi kliso. ²¹ Bɛ sɔn blɛ, yesu ta lilɔ na onukplanviye bio hé mɔn ɖo na yi jeluzalem, a mɔn vé sé vivɛ le ɛmɛ susu we ɔlɔ mɛ, kpo ɔvɔsantɔya we ɔlɔ mɛ kpo siklibu tɔye we ɔlɔ mɛ ɖo ye ɖo na hu-i e mɔn fɔn le azan ɔtɔn gɔ gbe. ²² Pyɛ va kpɔn yesu do ovo, bo bio: « xwetɔ na onu kiye ni din le wu we ni ko mɔn jɔ do jiwe gbeɖe. » ²³ Vɔ yesu trɔ bo kpɔn Pyɛ bo bio: « Legba tɛhi le wuye ɖo o nyi ɔfɔ klin nu na nɔ, ɖo Mawu we onu ye ɔn nɔ vɛ na we, vɔ gbetɔye we onu wɛ nɔ vɛ na we. » ²⁴ Yesu lɔ na onukplanvi ye « Na ɛmɛɖe na xo do, ɛ ɖo na gbɛ onu le iɖe wu a bo sɔ tiso ga gban hi tɔn a bo xo do. ²⁵ Ɖo ɛmɛ ɖekpo-kpoe ke na jlo na wlin ɛgbɛ itɔn gan na sɔ-ɛ sɔ bu, vɔ ɛmɛ ke na sɔ ɛgbɛ itɔn sɔ bu do taye, e na trɔ kpɔ-ɛ. ²⁶ Ɖo onu ni lɛ ena nyi na gbétɔ ɖe ɖo ɛgbɛ mɛ nu ye bi vɔ bo bu ɛgbɛ itɔn? Onu ni lɛ gbétɔ ɖe na sɔ ado ɖɔli ɛgbɛ itɔn? ²⁷ Ɖo gbétɔ we ovi na va trɔ va le otɔ we gigo mɛ kpo dola itɔn ye, a bo va tu ɔxɔ na ɛmɛ ɖokpo-ɖokpo sɔ gbɔn odan ye tɔn ji. ²⁸ Le oxo jɔ oxo mɛ ko lɔ na mi nɔ, ɛmɛ ɖeye le mian mɛ le bwɛ siɛ, ke ɔn na ɖo oku kpɔn, gbun a bo va kpɔn gbétɔ we ovi le oga ɖu xwe. »