1 Wɛma ke lɔ Yesu Kliso we kunkan, ovi Davidi tɔn kpo ovi Ablaxamu tɔn. 2 Ablaxamu wɛ ji Izaki, Izaki bo ji Jakɔbu, Jakɔbu bo ji Juda kpo nɔn viɔ ye. 3 Juda wɛ ji Falɛzi kpo Zala, bɔ de wu-ɔ ye nɔ wɛ nyi Tama. Falɛzi wɛ ji Eslɔmu. Eslɔmu bo ji Alamu 4 Alamu wɛ nyi otɔ na Aminadabu, Aminadabu bo ji Nasu. Nasu bo ji Salumu. 5 Salumu kpo Rahabu wɛ ji tɔ na Boazu. Boazu bo nyi otɔ na Obɛdu. Rutu bo nyi onɔ. Obɛdu bo ji Joze. 6 Joze wɛ nyi otɔ na xɔlu Davidi, Davidi bo nyi otɔ na Salumɔ gbɔ nyɔnnu Uli tɔn ji 7 Salumɔ bo ji Roboamu. Roboamu bo ji Abia, Abia bo ji Asa, 8 Asa wɛ nyi otɔ na Jozafatu, Jozafatu bo ji Jolamu Jolamu nyi dagbo na Oziasu 9 Ozisu bo ji Joatamu. Joatamu bo ji Acazu, Acazu bo ji Ezekiasu, 10 Ezekisu bo ji Manase, Manase bo ji Amɔ, Amɔ bo ji Josiasu. 11 Josiasu bo ji Jekonasu kpo nɔnvyɔ ye le gan ke mɛ bɛ ye yi Babilɔmu. 12 Gan ke mɛ bɛ ye yi Babilɔmu we godo vɔ, Jekoniasu o nyi otɔ na Salati Salati bo nyi dagbo dagbo na Zolobabɛlu, 13 Zolobabɛlu bo ji Abiudu, Abiudu bo ji Eliakimu, Eliakimu bo ji Azɔru 14 Azɔru bo ji Saduku, Saduku bo ji Akimu, Akimu bo ji Eliudu. 15 Eliudu bo ji Eleaza. Eleaza bo ji Matan, Matan bo jio Jacɔbu. 16 Jacɔbu bo ji Jozɛfu ke osu na Mali ke ji ye ji Yesu le-ɔ. Yesu wɛ nyi mɛ ke ye nɔ yɔ bio cliso. 17 Jijimɛ Ablaxamu tɔ do va Davidi tɔ ji wua si wɛnɛn, bɛ sɔn Davidi ji do va jɛ gan ke mɛ ye sɔ nyi Babilɔmu-ɔ wasi wɛnɛn, mɔ bɛ sɔ Babilɔmu we gan mɛ do va Cliso can wasi wɛnɛn 18 Yesu we jiji-ɔ ke e nyi ɖo hɛn ke: onɔ Mali nyi ɔgɔsuɛ na Jozɛfu, vɔ gbɔ xwɛ ye na jɛ okpɔ-ɔ, e va emɛ ke Mali yi gomi gbɔ hɔnhlɔn Gbigbɔ Ɖedovo ji. 19 Osuɔ Jozɛfu nyi ɛmɛ jijɔ, vɔ ɔn jro na do ŋya wi le oto gun mɛ. Blɛ-ɔ e sɔ ogbe ta a do gbɛ Mali le bibɛmɛ. 20 Ɖi ke e bu tamɛ nɔ do onu hlɛn ye nɔ, ɛwɛn dotɔ Mawu tɔn ezɛ do e ji le odro mɛ e bo lɔ ni nɔ: "Jozɛfu, ovi Davidi tɔn, ka vo na a do yi Mali ɖi nyɔnu ha, ɖo mɛ ke e hɛn le iɖemɛ-ɔ nyi onu wiwasi Gbigbɔ Ɖedo vo tɔn. 21 E na ji ovi ɖokpo, mi bo na ywɛ bio Yesu, ɖo yi wɛ va hwlɛn i we oto gun gan le ye we onu vwɛn mɛ nɔ." 22 Eke na va emɛ na oxo lɔ ɖenyi xwetɔ tɔn a do va cicɛmɛ, ke:" 23 Mi kpɔn nyɔnusi le olɔji (ke hɔn yɔn unsuglo) na yi gomi a bo va ji unsuglo vi ɖokpo. Ye bo na ywɛ bio Emanuɛlu ke tɛnmɛ bo nyi " Mawu le kpo mi.")" 24 Jozɛfu bo le ɔwlɔmɛ bo wasi do oxo ke na ɛwɛndotɔ xwetɔ tɔ lɔ ni bio ni mɔ wasi. E bo sɔ Mali ɖi nyɔnnusi. 25 Vɔ ɔn duɛ gun gun do jɛ gan ke mɛ e ji ovi unsunglo. E bo ɖo unkɔ na bio Yesu.