Ekesosa 5

1 Yesu hano yaroshe rikomo irya abhanto, akaimoka nukughya mokekereghe. Hano yarenge ikaye hanse, abhana bhegha bhaye bhakaya kumwene. 2 Akawansha kobheghya, araghamba,

3 Nyakurukare bhano bharenge narihabhe abhashenkoro kobhora obhokama ubhwa koryobha mbhwabho.
4 Nyakuru kare bhano bhana amaiteghero kokobha mbharishomeribhwa.
5 Nyakuru kare abhahabhu, kokobha mbareghabha ikyaro.
6 Nyakuru kare bhano bhana umweko ninyonta iyobhohene, kokobha rero mbarighotibhwi.
7 Nyakuru kare bhano bhana ikyabhera bhayo mbarinyora amabhera,
8 Nyakuru kare abha shenkoro shinshiya kokobha mbaremomaha Waryobha.
9 Nyakuru kare abhakomanya, kokobha bhayo mbarebherekerwa abhana bha Waryobha.
10 Nyakuru kare bhano bhakunyankibhwa kukughira yobhohene, kokobha obhokama ubhwa koryobha mbwabho.
11 Nyakuru kare abhanto bhara bhakotokwa nukunyankibhwa, hande okoghamba kushitubho shenghogho kobhene kobhorongo kukughira yane.
12 Mushomerwe nukukiryatya kokobha ekehano ekenene koryobha iyo. Kobhora igho nigho abhanto bhanyankiri abharoti bhano.

13 Bhenyu nomonyo ughwi ikyaro. Nawe hano oranyore omonyo ghotana obhosambaroku bhwako, iyake erakore ghobhe omonyo monyo? Kho obhohene teghobhe muya kho kento kyokyonswe ghwekihe, keno keho nokotabhutwa kebhara no okotashwa namaghoro agha abhanto. 14 Bhenyu nobhorabhu ubhwi ikyaro. Umughi ghono ghohaghashirwe ighoro yekekereghe tighukwibhisahe. 15 Tekobha igha abhanto bhaghoti etara nukuikundikiryq hanse yekekapo, hamwe kokenara, kughira ebhamorekere bhano bhonse bharenge mwighutu. 16 Mutighe obhorabhu bhwenyu bhomoreke mobhoronge bhwa abhanto kughira bhaghamahe amakoro ghenyu amaiya nokomoghonga Tata wenyu uwa koryobha.

17 Motakaiteghera igha nishire kosarya obhohene hamwe abharoti. Tinishire kosarya nawe kuhikirya. 18 Khobhohene ndabhatebhya igha kohekera iryobha niikyaro bhyonse bhehete teretorekane kura itamboka imwe hamwe akamore akamwe akho obhohene karirusibhwaho kobhohene kohekera hano kera ekento kerebha kemare kokorwa. 19 Khuigho ono wonse akosarya ekehaghe ekeke ikya ebhehaghe bheno ukweghya abhande kokora igho narabherekerwe omoke kho obhokama ubhwa koryobha. Nawe ono wonse akosheghota nukusheghya narabherekerwe omonene kho obhokama ubhwa koryobha. 20 Khokobha ndabhatebhya obhohene bhwenyu hano bhorange kokera obhohene ubhwa bhakoni koni [na] Mafarisayo, kho bhobhonswe bhora temosohe mobhokama ubhwa koryobhahe.

21 Mwighure yaghambirwe kare hayo igha, "otakaita" nawowonse ono akwita narenge mwisarya iryo okokengerwa ikina." 22 Nawe ndabhatebhya ono wonse akomorerera wamwabho narabhe mwisarya irya okokengerwa ikina. Naono wonse akotebhya wamwabho igha, "uwe nomonto ono ataiseni! Narabhe mwisarya irye inshama. Naono wonse akoghamba uwe mokangiore, narabhe mwisarya irya momoro ughwa mwisaro. 23 Nyore orarusya ekehano kyaho kwisengero nukuhita komanya kobha wamwenyu anarebheha nauwe, 24 tigha ekehano mobhoronge ubhwa resengero, ghweki ghota enshera yaho. Mwitabherani nawamwenyu, omare ushe kurusya ekehano kyaho. 25 Mwitabherani bhongo naono akukushongera, obhe nawe hamwe konshera moragya kwighutu irya ritanya, hano otangaraye umushongeri waho aratora akakutigha momabhoko aghu omokengi wikina, no omokengi uwi kina akutighe momabhoko agha omorendi, nawe naratabhutwe mwighutu irya abhabhohe. 26 Mwitabheri ndabhatebhya, mbhohene turibhahahe hano urinyora ohakire ishabha e.

27 Mwighure yaghambirwe kobha, 'otakatara" 28 Nawe ndabhatebhya wowonse ono akomahera omokari kukumwighomba amare kotara nawe monkoro yaye. 29 Hano oranyore iriso ryaho irya bhoryo righire witure ture, rihe noretabhute hare nauwe. Khobhora nyakuru kare ekento ikyemwe komobhere ghwahokesareke ketakasha kughire omobhere umughima ghutabhutwe momoro ughwa koryobha. 30 Nanyore okobhoko kwaho ukho bhoryo kughire witure ture, okobhotore okotabhute hare nauwe. Nyakuru kare ekento ekemwe komobhere ghwaho kesareke ketakakora omobhere umughima ghotabhutwe komoro ughwa koryobha.

31 Ekaghambhwa igha, ono wonse akokenya mokaye, nokomohana ikemanyero ikyu kumwanga." 32 Nawe oni ndabhatebhya, wowonse ono akutigha mokaye, hano etare kughira iyobhosorare, aramokora kobha mosorare. Nawowonse akomoteta neno amare kohanwa ekemanyeryo arakora obhosorare.

33 Ghweki, mwighure eraghambhwa kobhara abha kare, 'Motakatyana kho obhorongo, nawe muhire ibhityanyo bhenyu kho Omokama." 34 Nawe ndabhatebhya, motakatyana kura hake, ebhe nkwisaro, kokobha nho {wa} Waryobha," 35 hamwe kukyaro, ho ahase aho okotora ikitumbe ikyo kotora amaghoro ghaye, hamwe khu Yerusalemu, kokobha nghu umughi ughwa omokama omonene.

36 Kura otakatyana komotwe ghwaho, kokobha tokotora kokora urutukya oromwe kobha ororabhu hande urumwamu. 37 Nigha amang'ana ghenyu ghabhe, igho, igho tighohe, tighohe, 'kobhora ghano ghakokera ghayo nkurwaghare kho ora omosarya.

38 Mwighure yaghambirwe igha, 'iriso ku iriso, nirino kurino.' 39 Nawe oni ndabhatebhya, motakahanganano omonto omosarya, 'Nawe omonto arakotemeemboto iya bhoryo musyori nemboto iyende ghweki. 40 Oranyore aho wowonse arighomba kughya nauwe mwighutu irya ritanya nakakurusya engansho yaho, moteghere nekabhuti yonswe. 41 Nawowonse ono akokohamerya kughya nawe emairi emwe, kaghi nawe mairi ibhere. 42 Nawowonse ono akokosabha mohane, otakamwihara wowonse ono akutuna kho isire.

43 Mwighure eraghambhwa, 'omohanshe munyarobheri waho, no oreghe umubhisa waho.' 44 Nawe ndabhatebhya, mohanshe abhabhisa bhenyu, mosabhere bhano bhakobhatitya, 45 kuigho mobhe abhana bha Tata wenyu ono arenge koryobha Kokobha arakora eryobha reramoreka abhaghogho nabhahoreru, arabhaghembera imbura abhasarya nabhahoreru. 46 Nyore mohansha bhano bhabhahanshire bhenyu, moranyora kehanoke? Abhatobhesya bharighotitebhakora ighohe? 47 Nanyore mokeranya nabhawamwenyu abhene nke mukunyora kokera abhande? Igha! Abhanto bhi bhyaro tebhakokora igho igho? 48 Kuigho erabhatuna kobha bhahene, kyaigho Suwenyu uwa koryobha arenge mohene.