Ekesosa 17
1
Hano shinsiko isansabha shyahetire, Yesu akaghegha Petro, Yakobo na Yohana wamwabho, bhakaghya kho ekekereghe eketambhe.
2
Akasyoribhwa mobhoronge bhwabho. Ubhusyo bhwaye bhokang'ara kye eryobha, shingibho shyaye shekang'ara kyo obhorabhu.
3
Maha, hayo bhakasha Musa {na} Eliya bharashumasha nawe.
4
Petro akahonshora nokotebhya Yesu, "Omokama, mbhuya bheto tobhe ahase hano bhonswe. Nyore oraghamba nendahaghashe hono ibhituturu bhitano ekemwe ikyaho, ekemwe ikya Musa niikyende ikya Eliya."
5
Enkagha arashumasha, maha risaro rirabhu rekabhakora ikiriri, Maha obhoraka bhukarwera mwisaro, igha, Ono no Omona wane omoghonshe nemohanshire. Mumwiteghere."
6
Abhana bhegha hano bhaighure ghayo, bhakaghwa bhabhumaye nabhakobhoha bhokong'u.
7
Nho Yesu yishire akabhakunya no okoghamba, "Mwemoke motakaobhoha."
8
Bhonse bhakaghorokya ubhusyo bhwabho ighoro nawe tebharoshe montohe akabha Yesu umwene.
9
Hano bhaikanga kurwa kokekereghe, Yesu akabharagherya, 'akaghamba, "motakaghamba amakoro ghayo kohekera hano Omona uwa Adamu ariryoka kurwa mobhaku."
10
Abhana bhegha bhaye bhakabhorya, bharaghamba, "Nkwake abhakoni koni bharaghamba igha Eliya naretanga kusha?
11
Yesu akahonshora nokoghamba, "Eliya mbohene narisha ghweki narekyoryaho amang'ana ghonswe.
12
Naho ndabhatebhya bhenyu, Eliya amaarekusha, nawe tebhamomanyereyihe, Kuigho, mbamokoreye amang'ana ghara bhatunanga abhene. Naigho nigho Omona uwa Adamu arinyankibhwa momabhoko ghabho."
13
Nho abhana bhegha bhongoye igha yashumashanga amang'ana agha Yohana umusubhya.
14
Hano bhahikire mohamate, omonto omwe akamughyako, akahighama mobhoronge bhwaye, nokomotebhya.
15
"Omokama, mwabhere omona wane, kobhora nana eketwe {na} aranyanka bhokong'u. Kokobha nkaru akoghwa momoro hande momanshe.
16
Morete ko abhana bhegha bhaho, Nawe tebhatore kumuhwenya.
17
Yesu akabhahonshora akaghamba, "Bhenyu rekora reno retakwitabherya reno ryasareka, nindikare hamwe nabhenyu kohekera rohe? Mbhaghomeri kohekera rohe? Morete kuoni hano."
18
Yesu akamokemera, ne ekehwe kekamurwako. Umumura akahwenibhwa kukurwa enkagha iyo.
19
Nho abhana bhegha bhakamughyako Yesu kukibhisire nokomobhorya, "Nkwake totakotora komokenya?"
20
Yesu akabhatebhya, 'kukughira iyi imighiro ghyenyu emeke, mbohene ndabhatebhya, nyore mobha ni imighiro nunyora meke kye eheke iyi mbusiro iya haradali, moratore kotebhya ekekereghekeno, ng'anya kurwa hano kughya era, kyonswe nkerang'anye natekebhe nakento kyokyonswe keno kekobhatama bhenyu.
21
22
Hano bharenge Garilaya, Yesu akabhatebhya abhana bhegha bhaye, "Omona uwa Daudi naratorwe momabhoko agha bhanto.
23
Nambaramwite, nu urusiko urwa katato nararyoke, "Abhana bhegha mbasorombaye bhokong'u.
24
Naho hano bhahikire Kapenaumu, abhanto bhano bhakokomanya ritene irya shekeli bhakaghya ko Petro nokoghamba, "Bhono umweghya wenyu arahaka righoti irya ritene shekeli?"
25
Akaghamba, Mbohene "Nho Petro yasohire mwighutu, Yesu akashumasha {na} Petro akamotebhya, "Nke ukwiteghera Simoni? Abhakama abhi ikyaro, bharanyora righoti nunyora mbhushuru kurwa kowe? Kobhara bhakobhabhaha kurwa kobhagheni?
26
Ne enkagha Petro yaghambire, "Kurwa kobhagheni" Yesu akamotebhya, bhono abhabhahwa mbarusibhwi kobhohaki.
27
Nawe totakasha kobhakora abhatobhya abhu ubhushuru bhakore ibhitimba, kaghi kunyansha, orobhi, unyore inswe era eretangata kunyera. Hano yamare kwasama umunywa ghwaye, nurinyoramo shekeli emwe. Yegheghe ohane abhatobhesya abha ubhushuru kukughira yane nauwe.