¹ Eketabho ikya ekeseku ikya Yesu Kristo omona uwa Daudi, omona uwa Ibrahimu. ² Ibrahimu yare suwabho Isaka, Isaka suwabho Yakobo, Yakobo suwabho Yuda na abhahiri bhaye. ³ Yuda yarenge suwabho Peresi na Sera kho Tamari, Peresi suwabho Hezeroni, Hezeroni suwabho Ramu. ⁴ Ramu yarenge suwabho Aminadabu, Aminadabu suwabho Nashoni, Nashoni suwabho Salimoni. ⁵ Salimo suwabho Boazi kho Rahabu, Boazi suwabho Obedi kho Ruth, Obedi suwabho Yese. ⁶ Yese yarenge suwabho omokama Daudi. Daudi yarenge suwabho Sulemani komokari Uria. ⁷ Sulemani yare suwabho Rehoboamu, Rehoboamu suwabho Abiya, Abiya suwabho Asa, ⁸ Asa yare suwabho Yehoshafati, Yehoshafati suwabho Yoramu, {na} Yoramu suwabho Uzia. ⁹ Uzia yare suwabho Yothamu, Yothamu suwabho Ahazi, Ahazi suwabho Hezekia, ¹⁰ Hezekia yare suwabho Manase, Manase suwabho Amoni, Amoni suwabho Yosia, ¹¹ Yosia yare suwabho Yekonia nabhamura bhabho enkagha iyo kogheghwa kugya Babeli.

¹² {Na} hano yagheghirwe kughya Babeli, Yekonia yare suwabho Shetieli, Shetieli yare ghuka wabho {na} Zerubabeli, ¹³ Zerubabeli yare suwabho Abiudi, Abiudi suwabho Eliakimu, Eliakimu suwabho Azori, ¹⁴ Azori yare suwabho Zedoki, Zedoki suwabho Akimu, Akimu suwabho Eliudi. ¹⁵ Eliudi yare suwabho Elieza, Elieza suwabho Matani, Matani suwabho Yakobo, ¹⁶ Yakobo yare suwabho Yusufu mushasha uwa Mariamu, ono kumwene Yesu yibhoywe, ono akobherekerwa Kristo.

¹⁷ Orwebhoro rhonswe kurwa kho Ibrahimu kohekera kho Daudi ndware orwebhoro urwi ikomi nakane, kurwa kho Daudi kohekera kogheghwa kughya Babeli shinyose ikomi ninye, nukurwa kogheghwa kugya Babeli kohekera Kristo shinyose ikomi nainye.

¹⁸ Ukwibhorwa kwa Yesu Kristo nigha kwabhaye. Hano Mariamu nyoko wabho, araghamberwa obhokwe {na} Yusufu, na bhatarabha kohekerana, akabha nendare. Kohetera obhotoro ubhwa Umuika Omohoreru. ¹⁹ Kobhora Yusu moshasha waye moheene yarenge tiyatunire komosokyahe akaitabherya kumutigha kwa kibhisire. ²⁰ Enkagha yaitegheranga ghayo rora, Omoraghemo Omokama akamweshera Yusufu mokeroto aihiribhwi, araghambha igha, "Yusufu mumura wa Daudi, otakahaha koghabhora Mariamu mokaho, kukughirya enda iyo anayo nkwo obhotoro ubhwa Umuika Omohoreru. ²¹ Nawe narebhora umumura ushakomoroka irina rya Yesu, kughirya nwe arifungurya abhanto bhaye ni ibhitimba bhyabho." ²² Ghayo ghonswe nkukughirya ye ng'ana eno yaraghirwe no Omokama okohetera ko omoroti bhono yaghambire igha, ²³ "Maha, omohara nareghegha enda nawe narebhora umumura ono arerokwa irina irya Emanueli" ndiritabha igha, "Waryobha hamwe na bheeto." ²⁴ Hano Yusufu yasesemokire moshentero niyakore eyaigho omoraghe uwo Omokama yamoraghaini, nho yagheghire mokaye. ²⁵ Teyamwisokereyehe kohekera hano yaitoraini omona akamoroka irina irya Yesu.