¹ Omu lala gwa Yezu kristu gurhondelire kuli Daudi, Daudi w'omucibusi ca Ibrahimu; ² Ibrahimu aburh'omugala Isaka, Isaka aburh'omugala Yakobo, aburha Yuda nabene wabo. ³ Yuda aburha Farese na Zera, Farese aburha Esrome. Esirome naye aburha Aramu. ⁴ Aramu aburha Aminadabu. Aminadabu yishe wa Naassoni, Naassoni aburha Sulemani. ⁵ Sulemani arhola Rahabu, baburha Boaz, Boazi aburha Obedi. Nina wa Obedi ye wali Rutu. Obedi aburha Yese. ⁶ Yese aburha mwami Daudi, na Daudi aburha Suleemani kugerera muka Uriya. ⁷ Sulemani aburha Robowamu aburha Abiya, Abiya aburha Asa, ⁸ Asa aburha Yosefati; Yosefati aburha Joramu. Joramu ye wa rhenganga abana boshi ba Ozia. ⁹ Oziya ye wali ishe wa Yowatham. Yowatham ali ishe wa Ashaze, Ashaze y'ishe wa Ezekiya, ¹⁰ Ezekiya aburha Manasse na manasse naye aburha Amoni, naye Amoni aburha Yosiya. ¹¹ Yosiya alishe wa Jekoniya nabene wage,

¹² Enyuma lyoku hama kuja ebabiloni Saliteil aburha Zerubabeli. ¹³ Zerubabeli, aburha Abihudi, Aburha Eliyakimu, Eliyakimu aburha Azoro, ¹⁴ Azoro aburha Sadoki, Sadoki aburha Akimu, Akimu Elihudi. ¹⁵ Elihudi Eliyazare, Eliyazare aburha Mathani, Mathani aburha Yakobo. ¹⁶ Yakobo aburha Yusufu iba wa Mariya baburha YEZU ohamagirwe Kristu.

¹⁷ Amaburha goshi kurhenga Abrahamu kuhika Daudi gali maburha ikumi nani, na kurhenga Daudi kuhika okuhamira okuja Ebabeli maburha ikumi n'ani. Na kurhenga Ebabeli kuhika okuli Kristu, maburha ikumi nani.

¹⁸ Okuburhwa kwa Yezu kristu kwali yosire intya: Mariya nina wage alishebirwe na Yusufu, embere barha ci hikana ko Mariya acishigana akolizimi okubuhashe bw'omuka mweru. ¹⁹ Yusufu mulume wage ali muntu wokuli, coli n'ehitya arhalonzagya okumubonya inshoni n'obwalagale, cikoki acifinja okumulahira kwabwifulikwe. ²⁰ Cikone akasanzi aliko arhimanya eyi myanzi, langira malaika wa Nyamuzinda amubonekera omundorho aderha: Yusufu mwana wa Daudi, Orhaleke oku rhola Mariya mukawe bulya izimi lyage alihabirwe, okubuhashe bwomuka mweru. ²¹ Naye, aburh'omwana wamuyirik'izinolyage Yezu bulya yewaishi yokola olubaga lwage kurhenga omu byaha byabo. ²² Eyimyanzi yoshi yabire lyo guhikira omwanzi gwaderhagwa na Nyamuzinda kugerera omulebi, aderha: ²³ Langira Bikira ab'izimi, aburh'omwana nabo bamuhamagala izino lyage Emanueli kulikuderha: Nyamahanga ali haguma nirhu. ²⁴ Agomango Yusufu azuka kurheng'omwiro ajira inkoku Malaika wa Nyamuzinda amumanyusagya kwa rhole mukage. ²⁵ Cikoki arhunamumanyaga kuhika okuburhwa kwoyo mwana, amuhamagala izino lyage Yezu.