Ejel 4

SETANG YESUS GA'ALI

1 Sengmuse, Yesus Eang gala jema moe belantara babula gomi, iblis Geng so ba. 2 Gang gafak uahiling il kede banaga kua liali mi teleng karphuta, anga gela ng Gang malapal. 3 Ang muse, goda soba angmi gola adu, gang angmi Yesus gala tutuk ubagang sebo la, “Kalau tatabi Eng adiba Lahatala gafal, angse fal adi gonong uparenta gang gabula miama roti gene.”

4 Agani ibase, Gang ga hur balas, ubagang sebola, “Ae tulis ubagang bola, 'Joaka roti senghise manu sia mi aphetal banaga, ibase hurba Lahatala gag gomi kaluar.”
Ulangan 8:3

5 Angmuse iblis Geng phana abang hamolang mi, gang Geng miama Garaja e'gakadoku tang gamihing, 6 gang ubagang sebola, “Kalo tatabi Eng anga Laha tala gafal, afak gamugu he la, ae tulis ubagang bola: 'Miama adang anga, Lahatala Gang gamalaikat gahing, anga hise ging Eng phuhi miama giatang tang, anga hise Angka mugu hela banaga, oli iaka ka fal ukuphat banaga”
Mazmur 91:11-12

7 Yesus gala tutuk, “Tang mianu magala, ae tulis bola, 'Ang ake Lahatala Geng soba ganang.'”
Ulangan 6:16

8 Tang mianu magala, setang Yesus Geng phana jema adual balolu anu tang, sengmuse gang ang ami dunia gaparenta gaka fasa miama ugatubing, 9 gang angami Gala tutuk bola, “Ajimi-ajimi adi nang mia ma mamenang, Ang kalo notoku sengse ang kalo oli neng adi, neng uada.”

10 Angmuse, Yesus anga mi iblis gala tutuk bola, “Hai setang phohing goa jema, Ae tulis bola, 'Ing malekang Lahatala angaba Geng uada, oli Geng angaba ing Geng tajaning.”
Ulangan 6:13

11 Seng muse iblis angmi mate Gohapha, anga muse uling, malaikat malaekat adu Go balenta.
YESUS MULAI GALELEA MI BALENTA

12 Oras anumi gomi Yesus umagia sebola, Yohanes nama geng puni jema, Gang Galeleami Gafak gasoru. 13 Gang Nasaret uhapha sengmuse, Gang jema moe Kapernaum Abang, moe kolang gading kil, Zebulon oli Naftali gego a angami miha. 14 Anghise nening ba Yesaya ubagang anga jema gene gakanapmi:
15 Zebulon ga meke oli Naftali ga meke, fiagba kolang gadang, Yodan oli Galelea gabar edengmi, ka Yahudi gago ang gomi banaga.
16 abangba kakua gomi mi miha, ging uling iliali phal geli, oli gingba aminang asina ng ga'abangmi miha, ami nang gingtang adu, Gingdi uling iliali geli jema, Sebab iliali philing philing gio liali jema.
Yesaya 9:1-2

17 Oras angami muse, Yesus Gang sarinta ubaga ng sebola, “Yafak anga uba ruati sebab sorga abang ga'jel apal jema!”
YESUS HALOMANG GASAKOLAH GINANG PHUTA UOLU

18 Oras anumi Yesus Galelea kolang gadingkilmi lamal jia, Gang geng uling se, nama alo jia matu, Simo n nama ga agang sebola Petrus oli gakaku Andreas gibalapi ae dalang bariti jia, sebab ging anga biasa poko miama ab ugalolang. 19 Gang angmi giala tutuk “Ma Naluali, Nang ing miama poko gene, miama manusia ugalolang.” 20 Ging angmi gipoko miama mega, ging nate Galuali.

21 Ging mate jema mana anga uhapha, Gang ulingse nama alo jiamatu gaebeng anu ae, Sibodeus gakaku Yo hanis gala. Gibalapi a'e e'an u tang, gimang Zebedeus di giala, a'e gipoko bulang jia. Angmuse Gangangmi gi'a gang. 22 Ang muse, ging angami mate gi e'oli gima ng miama gimota goa me ga, sengmuse ging angami mate Yesus galuali.
YESUS NAMA AJAR OLI NAMA TOHING RAI GIHONING

23 Angmuse Yesus anga mi lamal Galelea abang anga miaji, nama ajar e' sambajang anga kanap, Injil Yesus Kristus ututuk, oli ketang rupa-rupa gahoning gene gamona, sebab ging ba aduma anga ketang rupa-rupa anga giala topuni. 24 Anga gelang, hojat miama gadang anga, talelung talakal sampe Siria mi. Anga gelang ging oli keta ng rupa karanu anga phana gola adu, sebab tohing raiba keta, oli ketang kalila rupa karanu garupa anga: nama tabul, lial aminang ging gene, nama kifil, ajimi Gang giho ning gene gamona. 25 Nama tohing rai go duna adu, moe Galeleami adu, Deka polismi, Yerusalem mi, Yudea mi, oli Yordan gagabar edengmi di ging Galuali adu.