Ejel 28
YESUS BALE APHETAL GASARINTA
1
Sabat gafid milapas jema ko'ko'il gomi bola tarang, fid gahalomang minggu anga gomimi, Maria Magdalena, oli Maria ga'ebeng gala, ging bola jema kumbur gauling.
2
Ging rasase, palika tadili phal-phal mana angami sebab, Lahatala gamalaikat toe surgami hela fal phal ang a gakola, sengmuse gang ang mi tang miha.
3
Garupa emang hula il melak molo, gapakiang anga garupa bano aphal gajoang.
4
Ginang ajimi baruati, Gingba Geng jaga girupa emanghula nama amina anga gajoang.
5
Angmuse malaikat anga mi nama hialba anga gonong giala tutuk, “Ake baruati ga nang, Nang gelise bola Yesus Gengba nama Geng miama leut uhalia angaba ing gola.
6
Gangka gia adimi bana ga, Gang bale aphetal jema, emang hula Gang miama iala tutuk anga gajoang, Ma, seng se gemanaba Gang mita adi gauling.
7
Laju jema Gasa kola gonong giala tutuk uba gang bola Gang nama amina gaha hamami bale aphetal je ma, oli uling, Gang gatula mo e Galelea gadang jema. Momi se ingkuli uling geli, Ueling, Nang mia iala tutuk jema.”
8
Angmuse ging laju-laju mate kumbur anga miama gi ohapha, sebab ging baruati, ibase ging oli rasa sanang phal-phal, ging ehi jema bola Gasakola gonong giala tutuk
9
Uling Yesus adu ging harak, Gang ubagang sebola Salom, angmuse ging Yesus golafa Giaka anga puni ging Geng somba.
10
Ang muse Yesus angmi giala tutuk. “Iphukang ake mali ganang, jema sengse nakaku anga gonong giala tutuk giohi Galelea abang anga gadang jema, moe momise ging kuli uling Neli.
JAGA FALA GONONG NAMA GING BAJAR GIOHI LEKO
11
Gingdo a'e lamal jiase, jaga fala adedeng kotami je ma, il karanuba jadi anga, mia ma Barate gakapalang gala tutuk.
12
Angmuse nama ging miama boma boma go nong giala topuni miha sida ng. Ging gitomianu sengmu se, nama seng tohing rai mia ma jaga fala anga gonong genang.
13
Ging giala tutuk ubagang sebola, Yesus Gasa kola gonong, il kakua nama ta kuta jia angmuse, ging adu baring phenang gaphuning.
14
Kalo il adi ni Gubernur umagia, angase gang parsaja gangka ing gene susa bana ga.”
15
Angmuse ging seng anga mia seng muse, ging ukarajang emanghula nening ba nama miama giala tutuk jema anga gajoang; OLi hur adi adu ma sampe adimi jia di, nama do moe momi usa rinta jia.
YESUS RAJA PHAL GAFOMUNG
16
Sengmuse Gasakola karanu falung anu, ging anga mi Galelea abuka ba nama matubing jema tang jema.
17
Ging uling Geli angmuse ging Geng somba. Agani iba se ginang adedeng anga gingdo gagiomi jia.
18
Angmuse Yesus adu, Gang giala tutuk bola, “Kuasa ajimi nama miama mame neng jema mau toe Surgami naga ba gie dunia tang.
19
Anga gelang, mate jema bang sa ajimi ajar miama Nasakola gene, Jial mia gifela Nimang gane gomi, Fal Gane oli Eang Hamolang gane gomi
20
sengse ging ajar, Nane ningba Nang miama iala tutuk jema anga ugaluali, Oli ueling Nang tetap ila topuni sampe jema burang palika gaumatemi.”