Ejel 19

HIAL AMU TENG PHAPHEI GA PELAJARAN

1 Yesus angmi tutuk ga umatemi sengmuse, Gang Galeleami ka luar jema, moe Yudea gegoang gomi, Yarden mol gabiba edeng goa angami. 2 Nama to hing bakang phal anu mate galuali, Gang ginang ajimi gihoning ging gene mona moe mana angami. 3 Farisi gamanusia gi nang adedeng adu bola Geng soba, ging geteng ga giani, “Angase nama amu bisa gahial geng phei, ga seb talalu tohing rai?

4 Angmuse Yesus angmi gihur balas ubagang bola, “Angase ing ae surat gomi mi basa bola, Gengba halo mang-halomangmi, manu sia majadi, Gang nama amu di majadi oli nama hial di miama jadi. 5 Gang oli gafirman mi ubagang sebola, 'Anga gelang, nama amu gang mate gifa gimang miama gohapha, sengse gahial ga la jadi anu, gibalapi giboga anga jadi anu? 6 Sengmu se gingka jadi nama alo ba naga, ibase gi boga jadi anu. Anga gelang neningba Lahatala gene jadi anu je ma anga, manusia ka gene tatara jadi banaga.

7 Angmuse ging angami Yesus gala tutuk, “Kalo aga nise getabaniba Musa ging gahing giohi surat tatara gene, sengse gihial anga phei?”

8 Yesus angmi gi ala tutuk bola, “Karna giomi anamang gelangba Musa giohi surat tatara gene, ging gihial gala tatara. Agani ibase gahalomang mi anga ka aga ni banaga. 9 Nang iala tu tuk, Nama alalang angba gahi al geng phei kalo gahial bu ha, seng muse gang angami nama hial ebeng gala nika, anga se gang nama hial anga mang gobuha.”

10 Angmuse gasakola gonong angmi Gala tutuk, “Kalo aganise nama amu oli nama hial lebe minua ging ake nika ganang.”

11 Angmuse, Yesus anga mi giala tutuk, nama ajimi ka Nahur adi tarima banaga suma gingba nama gamang garati miama magenang. 12 Tatabi nama joaka nika banaga karna nama gioga jali helami agani. Oli nama joa anga kanika banaga sebab nama geng gene gangka aphor banaga, oli nama joa anga ka aphor banaga se bab, gengba gadiri anga gene ka aphor banaga, karna sorga abang gelang. Nama alalangba bisa il adi tarima biarla gang tarima mia.”
YESUS OLI FAL KAKIRI GALA

13 Sengmuse nama fal kakiri ginang adedeng giala adu bola Yesus gohi gatang miama ging tang mega, seng se gio sambajang. Agani iba se gasakola gonong nama anga gonong gihapa.

14 Angmuse Yesus angmi giala tutuk, “Fal kakiri anga ugalo lang. Ake gihapa giohi gana ng, sebab sorga abang anga namaba giafak phahi gene garupa falkakiri molo angaba miama gigoang gadang gene 15 Yesus angmi gatang miama ging tang mega seng muse, Gang angami mate mana anga uhapha.
TETABANI SENGHISE PING APHETAL GEGJIA HARAK?

16 Sengmuse nama anu adu Yesus Geng harak tarus geteng, “Guru il nua nane ningba nang ukarajang seng hise nang bisa aphetal gegjia anga harak?”

17 Angmuse Yesus angami gala tutuk, Ge tabaniba ang nening nua ba miama uneteng? Suma il nua anu kakelang. Ing kalo bola aphetal gegjia anga mi maso, angase ing malekang parenta anga ajimi ugaluali. 18 Nama anga Yesus ge teng, “Parenta gatata'ang? Yesus gahur balas, “Ake na ma gene tamina ganang, ake buha ganang, ake il gaphu ning ganang, ake leko miama saksi gene ganang, 19 Ifa imang geng uada, omi miama akaku asaserang gajahi ema nghula adiri afak phahi gaja hi molo. 20 Nama kophol angmi ga hur balas bola, “Il anga ajimi nang ukarajang jema, oli ne ningba do?”

21 Yesus ang mi gala tutuk bola, ang kalo bola jadi nua haama, jema sengse il ba ae eng'u anga ajimi aphali, sengse miama nama masiking upaul, angase ang kuli pasaka sorga geg anga harak, sengse oli ma'e Na luali.”

22 Nama kophol hur anga umagia muse, gang bale je ma gomi susa talalu, sebab gakafasa tohing talalu.

23 Angmuse Yesus angmi gasakola gonong giala tutuk, “Nang tatabi miama iala tutu k, nama kafasa bola Surga Abang mimaso anga talalu susa. 24 Nang oli tang mi ama iala tutuk, lebe misa nang unta anu batul gagal gomimi maso kalo ping mia ma nama kafasa anu bola Surga Abang mimaso anga umega.

25 Gasakola gonong hur anga umagia angmuse ging tatabi baruati, sengmuse ging ubagang bola, “Kalo aganise nama alalangba bisa salamat anga tarima?”

26 Yesus do'kang giuling sengmuse Gang angmi giala tutuk, “Kalo bola miama ma nusia gadang il adi jadi bana ga, ibase kalo Lahatala gala il adi ka herang banaga.”

27 Angmuse Petrus angmi Gala tutuk ubagang bola, “Uling ni'il karanu ajimi ning miama nimota goa mega je ma, sengse ning mate Aluali. Kalo aganise neneingba ning tarima?”

28 Angmuse, Yesus angmi gala tutuk, “Nang tatabi mia ma iala tutuk, ingba Naluali, dunia haba tang oras Manu sia Gafal Gang ga kadera phal balolu tang miha jema, angase ing di kuli kadera 12 anga tang miha, sengse ing kuli miha Israel gafal gidat, ga'abang 12 anga, ingba mi ha gihur anga puni sengse ututuk. 29 Oli nama alalangba mate ga, e' miama gohapha, gakaku hial, nagaba gakaku amu, gifa, gimang, gafal gono ng, nagaba oli ga'iladagal, kar na nane gelang, ging kuli gaphili anga tarima milipat ratu anu, sengse oli aphetal gegjia anga tarima. 30 Aga ni ibase, ginang tohingba ma gitula anga kuli miama mafia ki, oli ging ba mafiaki anga kuli ma migitula.”