¹ Gaumatemi muse, Farisi gamanuasi, oli Taurat gabo ma Yerusalemmi ginang ade deng Yesus gola adu tutuk ubagang bola, ² “Getabani ba asakola anga gonong, data gonong gihada anga ugaluali banaga? Tatami ging il kede se gingka giatang hala bana ga!”

³ Angmuse Yesus ang mi gihur balas giala tutuk bo la, “Angase getabaniba ingdi Lahatala gaparenta lafang karna ihada galang? ⁴ Tataami Lahatala ubaga ng bola, 'Ifa imang anga uada,' Oli nama alalangba gi mang, nagaba oli gifa geng kutuk angase malekang ging hukung giene tamina.” ⁵ Agani ibase ing ubagang bo la, “Nama alalangba gimang oli gifa gala tutuk bola, 'Ilba ning usadia bola miama ma minang phenang, ning phana Pilahatala genang jema.” ⁶ Gangka gifa gimang geng uada banaga. Tadili gagiani adi, ing Lahatala gaparenta lafang, karna ihada gelang. ⁷ Hai ingba leko akal ga manusia, tatabi boma Yesaya gahur anga tatabi miama imba idang: ¹⁰ Angmuse Yesus angmi nama tohing giagang Gang giala tutuk bola, “Umagia sengse manggarati! ¹¹ Joa ka ilba piag gomi maso ang ba ping gene dosa banaga, ibase ilba piag gomi kaluar angaba, ping gene dosa.”

¹² Gaumatemi Yesus ga sakola gonong adu Geteng, “Angase Ang geli e naga, Fari si gamanusia gonong ging rasaka nua banaga ging hur anga umagia?

¹³ Agani ibase Yesus angmi gihur balas ubagang bola, “Te'ba Ni mang toe sorgami kamuding banaga angase, nama kuli phating sampe gabariking di mia. ¹⁴ Nama adi gonong girupa emanghula nama geng teke, ba nama geng te ke gatang tedo anga gajoang Kalo geng teke, bale nama geng teke gatang tedo ang ase, gibalapi kuli fa naphuak mimugu.

¹⁵ Petrus gala tutuk bola, Angbake koli tutuk anga gamanggarati miama niala tutuk.

¹⁶ Yesus giala tutuk bola, “Angase ingka manggarati bado? ¹⁷ Angase, ing gelise bola, ilba piag gomimi maso anga, gang piotok gomi hela sengse, ping phana aha pakmi ke'ta phei. ¹⁸ Ibase ilba piag gomi ka luar anga, piomi gomi mada angaba ping gene dosa. ¹⁹ Tami piomi gomimi angaba ganukung rupa karanu ang mi kaluar garupa, ganukung phela, tenetamina, fabuha ma buha, il gaphuing, leko miama saksi gene, tahula. ²⁰ Il adi gonongba dosa. Ibase il kede piatang hala banaga anga ka dosa banaga.

YESUS KANAAN HIAL GO MOLING

²¹ Sengmuse, Yesus mate mana anga uhapha, Gang ga fak uebang mate moe Tirus oli Sidonmi jema. ²² Kana an hial anu, mana angmi adu, agang moring ubagang bola, “Omi mia najahi, Nimang Daud gafal! Nafal hial anu se tang phela gomimi miha, ga rupa mang phera.”

²³ Aga ni ibase Yesuska hur anu di miama nama hial gahur anga balas banaga. Oli gasakola gonong adu Yesus gala tutuk bola, “Nuaba nama anga go hi bale jema, sebab gang pimota goa angami kalili mamaung.”

²⁴ Angmuse, Gang anga mi ubagang bola, “Neng Adi Israel gajumba fal, il ugahala angaba Nang gola adu.”

²⁵ Angmuse nama hial phenang ma Yesus giaka ejelmi Geng uada, gang ubagang bola, “Tuhan ang nomoling!”

²⁶ Yesus angmi gahur balas ubagang bola, “Ka enas banaga, kalo roti ba bola miama nafal gonong ginang, ibase bariti miama jobal-jobal ba genang.

²⁷ Nama hial angami hur balas bola, “Tatabi, Tuhan, ibase jobaldi, gang gamanaking gamud bu tung meja tang haru anga olu kede.”

²⁸ Angmuse Yesus angmi gala tutuk, “Hai nama hial, A'iman anga phal talalu. Aganukung ma da bola tetabanise biarla jadi agani.” Angmuse oras anga gomimi gafal hial phenang angami mona.

YESUS NAMA TOHING RAI GAHONING

²⁹ Yesus mana anga uhapha, Gang Galelea gako lang gadingkil galuali lamal. Gang abuka tang mida sengmuse, angami miha.

³⁰ Nama tohing rai gola adu, ketang rupa kara nu gala, Geng goleng geng phalaphal. Nama ketang kifil, giboga aji uadedeng, ge'ng teke, hurga hala, oli ketang ebeng gala. Sengmu se ging angami nama anga gonong miama Yesus giaka ejelmi gita, Yesus gihoning ging mona. ³¹ Anga ge lang nama tohing rai ajimi herang, ging ulingse nama hur gahala bisa tutuk. giaka kifil, giatang kifil jadi mona, gemana tang miha mate la mal, gieng teke bisa uling, Ginang ajimi Israel Ga Laha tala tajaning.

NAMA RIBU PHUTA GALEHIL YESUS GIAHI

³² Angmuse Yesus ang mi gasakola gonong gia Gang giala tutuk, “Nang nomi miama nama tohing rai adi gijahi, sebab ging gie piala topuni fid atoga jema, gimud naga jema. Nangka bola giohi malapal gomi bale jema banaga, sengse gene ging fiag go mi ajobing banaga.

³³ Angmuse gasakola gonong angmi gala tutuk, mana adi mana takimang Ping tata'angmi roti tohing garupa gagiani adi harak senghise ping miama na ma tohing rai adi gonong giahi.”

³⁴ Yesus angmi gieteng, “Roti adedeng ba'ae ing u?” Ging angami Gahur balas bola, roti phititoga oli ab kakiri adedeng gala.” ³⁵ Ang muse Yesus angmi na ma tohing anga gonong gio parenta giohi meke tang miha. ³⁶ Sengmuse Gang ang ami roti phititoga phenang miama ab gala mia. Gang u' sambajang tarima kasi uba gang, sengmuse Gang gaka hi kiri-kiri, Gang miama Ga sakola genang, angmuse Gasakola phana miama na ma tohing anga upaul. ³⁷ Ginang ajimi kede sampe kubal. Ging angmi gahikul anga gonong kumpul mia ma topuni, ging mia hora mi phenangba hora phiti toga afing-afing. ³⁸ Ging ba roti kede anga, nama amu galokang gatohing ribu phuta. ³⁹ Nama to hing rai anga Gang giohi jema sengmuse, Yesus e' tang mida sengmuse ging di angami lali Magadan gadang jema.