Ejel 1

YESUS KRISTUS GATAPHA NANG

1 Adiba Yesus Kristus gataphanang gasurat, Daud gafal, Abrahim gafal.

2 Abraham anga Isak gimang, Isak anga Yakob gimang, Yakob anga Yahuda oli gakaku gonong gimang,
3 Yahuda anga Peres oli Zerah gimang, gifa anga ganeba Tamar. Peres anga Hezron gimang, Hezron anga Ram gimang.
4 Ram anga Aminadab gimang. Oli, Aminadab anga Nahason gimang. Nahason anga, Solmon gimang.
5 Oli Salmon anga Boas gimang, gifaba gane Rahab. Boas anga Obed gimang, gifaba gane Rut. Obed anga, Isai gimang.
6 Oli Isai anga raja Daud gimang Oli Raja Daud anga Salomo gimang. Salomo Gifa angaba Uria gahial tula anga.
7 Salomo anga Rehabiam gimang. Oli Rehabeam anga Abia gimang. Abia anga Asa gimang.
8 Asa anga Yosafat gimang. Oli Yosafat anga Yoram gimang. Oli Yoram anga Usia gimang.
9 Usia anga Yotam gimang. Oli Yotam anga Ahas gimang. Ahas anga Hizkia gimang.
10 Hiskia anga Manase gimang. Manase anga Amon gimang. Amon anga Yosia gimang.
11 Yosia anga Yokhonya gimang, oli gakaku gonong gala, Mulai oras anga go mimi sengphohingse nama ging phei moe Babelmi jema.
12 Nama ging phei Babel mi jema. Yokhonya Saltiel gimang. Saltiel anga Serubabel gimang.
13 Serubabel anga Abihud gimang. Oll Abihud anga Elyakim gimang. Elyakim anga Azor gimang
14 Oli Azor anga Zadok gimang. Zadok anga Akhim gimang. Oli Akhim anga Elihud gimang.
15 Elihud anga Eleazar gimang Eleazar anga Matan gimang. Oli Matan anga Yakub gimang.
16 Yakub anga Yusuf Maria ganaming gimang. Maria gengmi senghise Yesus Nama bola Kristus gogajali.

17 Jadi mulai Abraham tang aduma Daud ujia, topu nise taphanang karanu falung phuta (14). Oli mulai Daud tang aduma nama ging phei moe Babelmi jema topunise Taphanang karanu falung phuta (14.) Oli mulai moe Babelmi sam pai aduma Kristus ujia topuni se taphanang karanu falung phuta (14.)
YESUS KRISTUS UGAJALI

18 Yesus Kristus ugajali gomi gasarinta anga gagiani: Oras anga gomimi, gifa Maria Yusuf gala tenang eli jema, ib ase gingka tupuni aphetal bado. Gang Eang Hamolang gomimi aphor. 19 Ganami ng Yusuf anga aphtal hamo lang anga gelang, gangka bola Maria geng gene mani ang banaga, nama tohing gahahamami, anga gelang gang bola takimang-takima ng gatenang eli gafiag anga gene gahika.

20 Agani ibase, Yusuf do il anga upikir jiase, Lahatala ga malaikat adu gafak miama ugatubing jal gomimi, uba gang sebola, “Yusuf Daud ga fal, ake aphaliling Maria anga miama ahial gene, sebab Fal ba gotok gomi anga Eang Ha molang gakarajang. 21 Ga ng kuli fall Amu anu ugaja li, ang Gane ma'U, ubagang sebola Yesus, sebab Gang angba, Gamanusia ba a'e dosa gomimi anga gonong Gang ging gene salamat.”

22 Il adi kuli ajimi gene gakanapmi, emang hula neningba Lahatala Gang miama Ganabi gonong giag mi ubagang jema anga gajo ang. 23 “Ieng uling nama naphata anu kuli fal amu anu ugajali. Ging kuli gane miama 'u, Imanuel.” Gamang garati ubagang sebola, “Lahatala Gang piala topuni.” 24 Yusuf go'joku mate, gang ukarajang emang hula, neningba Lahatala gamalai kat miama gala tutuk anga gajoang, angmuse gang ang mi Maria miama, gahial gene. 25 Agani ibase gangka ga bung ta hial amu banaga, sampe jema fal amu anga ug ajali. Yusuf gane ma 'u, Yesus.