¹ Lukeba mu kusala masonga ku ntwala batu, lusambisiku mu kumona, holo lufutamoko kitoko kuntwala tatenu wene mu mazulu. ² keku na mu ntangu zodi wusia makabu na wubula milolo, bwoso basala babakondi zaya mambu mu zinzonzambi ti muna mabalabala. yilukambi mu masonga bafutama muna pila bawu pe. ³ Ho weke sia makabu, keku na koko di nge di kimama dizaya mana keke sala koko di ⁴ kitata, Mukusia na makabu ma ngeyi makala ma kinsweki, tataku kamona pe kakukabusila mu kinsweki. ⁵ Ho weke samba, keku na wusala bwoso busala batu bakonda mayele, babazola kusambila bakutelama, bazola kwe sambidi mubalabala mukusia na babamona, mana luzaya na bafutama pe muna ⁶ pilawu. Kasi ho zodi wusamba, kota kuna suku diaku, kanga kielu, kunima n'sambila tataku wu wene mukinsweki, wumona makulu, pe kakukabusila. ⁷ Ntangu yiweke samba, vudisiku mambu mapamba pamba bwoso byindula bapani, na mu kuvula ku mambu bwa kabatambusila bisambu. ⁸ Lufwananiku ye bawu mudiambu tatenu zeye bina luvwidi mfunu. buna ludingieku kazayaka. Tala buna lufweti samba: ⁹ "Tatetu wukala ku zulu! zina diaku disambuka; ¹⁰ Kimfumu kiaku kisa, luzolo lwaku lusalama ha n'si ntoto boso ku zulu; ¹¹ Ntuheka lelo dipa dietu di konso kilumbu. ¹² Ntulolula masumu metu, bwoso ntulolulaka betu pe babatukoti nsoki, ¹³ Ntunatiku ku mambi, kasi ntuhulusa ku masumu, samu kwe ngeyi kwene kimfumu kimvula ye mvula, ¹⁴ Ho lulolula batu baba balusadi mambi, tatenu pe kuzulu kalulolula benu pe. ¹⁵ Na lulolulodiku babalusadi mambi, tatenu mu mazulu pe kaluloluloko. ¹⁶ Na lweke dioko bilumbu bina, lukadiku yabana batu bansi ntoto babadisongila ye kuna kilunzi na keke dioko bilumbu biabi. mana pe bafutama mu pila bawu. ¹⁷ Kasi na weke dioko, sita mananasi pe sukula kilunzi kingeyi. ¹⁸ Mukusia na batu bazayiku na weke dioko, kasi yandiene tataku keke zaya wumona makulu, pe futama mu makulu masalaka. ¹⁹ Luzodiku bimvwama bingi ha nsi ntoto, sambu biakulu biene bikubeba, mboko ye bifi batubulaka pe bayibaka ^mwakulu. ²⁰ Kasi lusepila ye kimvwama ki mazulu kikibebaku, kifwaku pe, kweku ye bifi bana bayiba bio kuna batubulaku pe

ata bunke.

²¹ Samu hana hakala kimvwama hakana hakala pe mbundu ngeyi. ²² Disu diene mwinda wu lutu, ho disu dingeyi dikala dikitoko, lutu lwaku lwakulu pe lukala lukitoko. ²³ Pe disu dingeyi ho dikala ditubuka, dimbi, lutu lungeyi pe lukala pe mu piba, luzaya bweyikala piba yene. ²⁴ Heku mutu wuna fwene kasadila bamfumu bole, samu kazola mosi, kam'enga mosi, kapatama mosi, mosi kan'zoloko, FFweneko wusadila Nzambi ye Satana Mamon. ²⁵ Hakana yilukambi luditungisiku mudiambu di luzingu, lwenu, mu kuvwata, mu kudia mudiambu di, lutu, luzingu lweku kudia kaka ye kuvwata. ²⁶ Lutalete banuni bakuzulu, bakunaku, bakatulaku ata kima, beku ye zi ngunzu baswekila bima, kasi tatenu kabadisa koso kilumbu. Ye benu ye bawu bana bene mfunu wingi? ²⁷ Na hakati dibenu, mu pilandi, fwene kadiyika ata mwa ndambu kilumbu ku luzingu lwandi? ²⁸ Hamana nki lweke ditungisila mudiambu di milele? Lutalete buna bivula bima mu masola, bisalaku pe bihiokaku; ²⁹ Kasi Salomon mu kuyala ku yandi kaseloko kuvwata bwoso mosi wubawu. ³⁰ Ho Nzambi keke vwatisa mfuta mu kilanga wuwene na mbasi balosa ku fulu, kakuvwatisoko ngeyi kuhioka wawu, mutu kukwikila ³¹ kunkeke? Hakana lluditungisiku, luhoyiku na nki n'tudia betu?, nki n'tunwa betu? Nki n'tuvwata betu? ³² Samu bima bina biakulu, bapani badinga bio, Tatetenu zeye na biluyene ye mfunu. ³³ Ludinga kimfumu kimazulu ntete ye masonga, mana lumona biakulu bina baluheka bio bingi. ³⁴ Luditungisiku mudiambu di mamakwisa mbasi samu koso kilumbu kiene ye mambu mandi.