¹ Bwoso kakala Yezu mukwelubuki mû Nzonzambi, ban'longuki bandi bele belebele ye yandi ban'songila buna batunga nzoyene. ² Kasi yandi kabakàmbaka, "lumwene bibiakulu, yilukambi mû masonga kilumbu ghasaloko ata kitini ki tadi, biakulu bibulumuka." 5, ³ Kenda wezakala Ghana mongo wu ba olivier, ye ban'longuki bandi bayandiki kwenda mosi mosi mû kun'ghiula diambu diadina: ntukambete Mfumu ntangu yimakwisa mambu mène, nki bisongila n'a ntangu yene yidinga fwana?. ⁴ Yezu kabakàmbaka ne, mukala bayilama mutu kalughuniku ⁵ Mudiambu bingi bakwisa muzina dimene babamba kwe hoyi n'a mène ngulusi, lubalandiku, yikaloko nsuka n'toto. ⁶ Luwa nkindu zipila ye pila, lubangiku Samu mambu mana makuisa, Kasi yikaloko nsuka n'toto. ⁷ Makanda matelema kuntwala makanda mahika, ye bimfumu kuntwala bimfumu bighika, nzala yikota mû bifulu bingi pe mafu maningana. ⁸ Bima biakulu bikala luyandiku lu pasi. ⁹ Mana balugheka pasi zingi ye balughondisa, pe balumenga kiakulu kikuma ki zinadimene. ¹⁰ Mana bingi bafwa, bamengana bawu ye bawu. ¹¹ Basakudi mambu manzambi bakala bingi, baghuna batu bingi. ¹² Ye kimbeni kikala kingi, kinduku kikalako diaka kingi. Kasi wuna kwamina ti kuna nsuka yandi ghuluka. ¹³ Nsangu zibunkete si kanda di Nzambi ziyalumuka gha nsi ntoto wakulu ye kikala kimbangi ¹⁴ Mudiambu di makanda makulu, Kunima nsuka n'toto yikwisa. ¹⁵ Ghakana Ntangu yi lumona kufwa ye kuyekula, kukaghoyila Danièle, bisalama mû bifulu bisantu, Wuna kala mû kutanga kakeba. ¹⁶ Mana babakala ku yudani batina mû miongo, ¹⁷ Wuna kala gha n'dilu nzo, kakulumukoko diaka le kabukila bibisele mû nzo. ¹⁸ Wuna kala ku masola kakabukiloko diaka n'lele kumanima. ¹⁹ Kiadi ku banketo babakala ku kifundu ti babamba yemika bilumbu biabina. ²⁰ Lusambila Mukusia na kutina kubeno kubwiku mû mwanga to mû lumingu. ²¹ Mudiambu kiadi kikala kingi go mambu mambanduyayi n'a mabwidiku. ²² Pe Gho bilumbu bikufika, gheko ye mutu wuna ghuluka, Kasi Mudiambu di babasola bilumbu bikufika. ²³ Hakana, ho mutu kalukamba ne Kristu ke haka to kunaka, lukwikidiku. ²⁴ Sambu ba Kristu ba bungumba ye ban'sadi ba bungumba bakwisa phe basala mambu makuyituka mukusia na babalula nzila yi ba basoloma. ²⁵ Lumona mo yi lukembe kuntwala. ²⁶ Na balukamba Kristu kene ku tseke yi konda mamba, lwendiku, na ba lukamba phe kene ku suku dimosi di kitoko, lu kwikidiku. ²⁷ Sambu kukwisa ku Mwana Mutu kukala yaba buna ka ngenga n'selu kuna kalubukila tangu, hene liesi yekuna ka kwe nimbaka. ²⁸ Hana hakalaka mbisi zi vunda, hakana phe hakala ba nuni ba mbi. ²⁹ Hakana kunima di bilumbu bikiadi biabi, tangu dilubukoko, ngondi kalubukoko pe, mbwetete pe zingelekenoko diaka ku zulu, Ngolo zikuzulu zaakulu zizulu zitelema. ³⁰ Muna ntangu yene kidimbu ki mwana mutu kimonika muna zulu, bikanda biakulu bi nsi n'toto bibamba dila; pe bam"ona mwana mutu kakulumuka ha katikati di matuti, kakwisa ye nkembu wakulu. ³¹ Katuma bawanzio bayandi ye pungi mukukutikisa bana kasola, mafula ma maya yandika nsuka ye nsuka. ³² Lumonga mbandu nti wuna butaka zimbuma, ho wumona nkaya zisawukidi zindende,, luzeye na ntangu yi mwanga yidinga wana. ³³ Hakana na lumona bidimbu bina, luzaya na mwana mutu kumi bele bele kisa. ³⁴ Hakana yilukambi, kikanda kiaki kihiokoko ho mambu mama malungidiku. ³⁵ Zulu ti nsi n'toto bihioka, kasi mambu mayeke hoya mene mahiokoko. ³⁶ Mamatadi kilumbu kiene, heku wuna zeye, ata ba wanzio bakuzulu, ata mwana kaka yandiene tata zeye. ³⁷ Mama bwidi mu ntangu Nowe mamana pe mabwa mu ntangu yi kwisa ku mwana ³⁸ mutu. Samu kuntwala mana makwisa batu badisasana, bakwelasana, bakwedisa bana babawu ti kuna kakwisila Nowe kakota mu bwatu. ³⁹ Babangoko kima, bwabuna masalama bwoso mu ntangu Nowa batu pe bakuluka mbutu. ⁴⁰ Mana hakati di batu bole babakala ^mu sola, mosi bamonga, mosi kasala. ⁴¹ Hakati di banketu bole babakala tokaka mfuba, bamonga mosi, mosi pe kasala. ⁴² Bwabuna lukala bayilama samu luzeyeko kilumbu kina kakwisa mfumwenu. ⁴³ Luzaya kitoko, gho n'kwa nzo kazaya nki ntangu kakwisa kota mwifi, bafweneko kasisa nzila ku mwifi kisa yina. ⁴⁴ Ghakana beno pe, lukala bayilama, mwana mutu kina kakwisa luyaboko, kasiloko kakwisa yabana mwifi. ⁴⁵ N'a n'sadi wumboti, wukasia mfumu andi gha kati di batu Mukusia na kabadisaka mû ntangu yi bawidi nzala? ⁴⁶ Kiesi ku mutu kisalu wuna kakwisa wana mfumu andi mû lusala bwo. ⁴⁷ Yilukambi mû masonga kan'gheka kiyeka kiakulu ki bima biandi. ⁴⁸ Kasi Gho n'sadi wumbi, kadihoyila yandiene ne mfumu kalengoko kwisa, ⁴⁹ Yandiki kubanwanisa bakweno, n'a kadia ye kanwa ye binwi malafu, ⁵⁰ Mfumu andi kakwisa kilumbu kina kakala yandi ku kidiya, kakwisa mû ntangu yikonda kuzaya. ⁵¹ Kan'kula ye kan'gheka bina bim'fwene ye bizengi biandi, kudila ye kukwetisa ku meno kakwisa ghakati dibawu.