¹ Yezu kabutuki ku Beteleyeme, mu n'si Judea, mu ntangu yi Herod, Bateki ba nsi yikiana bisa ku mbanza Yeluzalemi. ² pe bahoyaka: Kwe kene mfumu ba Jwifi wubutuki? samu ntumwene mbwetete yandika kuna tutuki ha ntweke kwisila ntufukimina? ³ Ntotila Herod ha kawidi bwo, mbundu yim'vwalangani ye Yeluzalemi diakulu. ⁴ Bakutikisi bambuta bandi ba minsiku ye batambiki bimenga, baakulu mukusia na kazaya hakati dibawu wuna fwene kazaya kuna kabutuka Kristu? ⁵ Ban'kambaka na ku Beteleyeme, mu n'toto Judee bwoso basonika ba polofeti. ⁶ "Ngeyi Beteleyemi, ntoto Judah, weku wu nkeke hakati di mavula ma Judah, samu mwe ngeyi mulubuka mfumu wudisa kanda dimene di Yizalayele." ⁷ Kunima Herod batedi mu kinsweki, batu bene, pe ban'kambi maakulu, ntangu kwa yisadi mbwetete mu kulema holo kungenga.! ⁸ Batumi ku Bethelemi phe bakembe "Lwenda phe lun'sosa mwana wuna, na lu m'wenze, lunzayisa mukusia mene phe yisa n'fukamina." ⁹ Kunima dikuwa ntotila, bamongi bele, mbwetete pe ha ntandu zulu kaye balandi kaka yandika kuna batuki ti kuna benda kuma hana kifulu kikala mwana kamongi telemi. ¹⁰ Bakala ye kisi kingi ha bamwene mbwetete yitelemaki. ¹¹ Bakoti mu nzo, bamwene mwana hana koko di Madiya, bam'fukamani pe bakutumuni bifunda bi wolo bakala biawu, ban'hele wolo ti bumfwa ye bima bihika bakala bia. ¹² Mu kipeve bazaya na bafwene bakabukila mu nzila Yerodia, badimbuki nzila yihika mu kukabuka ku batuka. ¹³ Buna bakatuki bawu, wanzio wissi mu ndosi kwe Yozefo kan"kambaka ne monga mwana, n'tinisa ku nsi Egipiti ti kuna yikuhoyisa diaka, samu Yerodia kakwe dingi kahondisa mwana. ¹⁴ Yozefo kamongi mwana piba piba ye ngudiandi bele ku nsi Egipiti bwoso kabakambi wanzio. Kazakadi kwo ti kuna kafwidila Yerodia, mukusia na ndinga Nzambi yilungila buna kasamuna ne,. ¹⁵ Yintela mwana mene mu nsi hika, keku mu Egipiti. ¹⁶ Yerodia, bu kamwene na ban'huni kwe ba nsadi ba bahioki, widi nkabu zingi zingi, tumi batu bayandi be honda bana bakulu babalungisi mvula zole mu mbanza Beteleyeme, ti bana bahika bakulu bakala mu n'lambu yandi, bana bawanisi bilumbu bina ban'kambidi bansadi babenda tala mwana wene. ¹⁷ Hakana malungidi makahoya Polofeti Jelemi. ntumu Nzambi. ¹⁸ Bawidi kudila ku Rama, bidilu bihika ye nkwetisa zi menu, Rachelle keke dila bana bandi, kazodiku ban'lepika mudiambu beku dihika kabamonoko diaka. ¹⁹ Ntangu kafwidi Yerodia, wanzio mosi wisi n'lubukila Yozefu ku ndosi, mu nsi ²⁰ Egipiti. Kan'kambaka, telema monga mwana ye ngudiandi, lwenda ku Izalayele mudiambu babazodiki mambi mu luzingu lumwana bafwidi. ²¹ Yozefu kamongi mwana bakatuki bele mu nsi Izalayele. ²² Kasi buna kawidi na Archelus wuyala ha kifulu ki tatandi, mu nsi Judea, yandi pe kakumi mayele wudizayila ku ndosi, kamongi bele mu nsi yi Gallilea mu kutina mfumu wene. ²³ Wisi zakala mu mavula mamosi batelaka Nazaleti, mukulungisa ma bahoya bantumu. Babamba n'tela mwana Nazalayele.