¹ Lishaka ysu kamu kusuruka pasi kulawa kurugongu, umati mkuru ufatiti. ² Guloli, mkoma kiziti na kusujudu palongolu pakuyi, pakazumba, “Bwana, paguwela gwa tayari, guweza kuntenda weli na safi.”

³ Yesu katalazia liwoku lakuyi na kumgusa, pakazumba, “natayari. guweli gwa safi.” palapali katakasika ukoma wakuyi. ⁴ Yesu kamgambira, “guloli kuwela nagu zumba kwa muntu yoseli. Gukori njira yaku na gurilangazii mweni kwa kuhani na gulavii lifupu laka lagariti Musa, kwa ntambu yashuhuda kwa wombeli.”

⁵ Lishaka Yesu paka sokiti kapernaumu, jemedari kiziti kwa kuyi paka mkosia ⁶ pakazumba, “Mtua, ntumintumi gwangu kagugonja ukaya na kapooza na kana maumiru ga kutisha.”

⁷ Yesu kamgambira, “Anizi na kumponaziya.”

⁸ Jemedali kankuriti na kumgambira, “Mtua, neni si gwa thamani hata ngwizi na kwingira munumba mwa dari yaneni, gwe gutakuli linenu tu na ntumundumi gwangu akaponi. ⁹ Kwa kuwela neni ni mu tu viraa yawela na mamlaka, na nanawa maaskari ya wawela pasi kwangu. kwa ntakula kwa ayu “gugendi na kagenfa, na kwayomonga “gwizi na yomberi kiza. na kwa tumntumi gwangu, 'gutendi hangu, na yomberi katenda hangu”

¹⁰ Lishaka Yesu paka pikaniriti aga, kashangazwiti na kuwa gambira wali yaweliti wakumfata, “Nakaka niwa gambira, aneni pati kuwona muntu ya kawela na imani gambira ayu mu Israel. ¹¹ Niwagambira, wavua awizi kulawa mashariki na magharibi, pawalivaga paweza pamu hela na Ibrahimu, Isaya, na Yakobo, mu ufalme wa kumbingu. ¹² Viraa wana wa ufalme awa wasili mu giza la kunja, ambapu apaweli na kulila na kukunda meni.” ¹³ Yesu kamgambira jemedari, “Gugenda! gambira ya guwela na litumboru, na itendeki hangu kwaku.” Na ntumintumi kaponiti mu saa ilaili.

¹⁴ Lishaka Yesupaka fikiti mu numba ya Petro, kamwoniti nahonga gwakuyi Petro kagonja pakaweliti karuwala homa. ¹⁵ Yesu kambatiti liwoku lakuyi, na homa yakuyi imrekiti. Su kimkiti na kwanja kumuhudumila.

¹⁶ Na paisokiti jioni wantu wamjegeliti Yesu wavuayawalawaliwa na mapepo, kawa wingiti mapepu na yawaweliti waluwala kawaponaziiti. ¹⁷ Kwa ntambu ayi gatimiiti gali ya gatakulitwi na nabii Isaya, “Yomberi mweni katoriti magonju getu na kuritwika udhaifu wa twenga.”

¹⁸ Su Yesu paka oniti kusnyiku limzinga, kalaviiti maelezu ga kugenda upandi wamonga wa kugenda bahari ya Galilaya. ¹⁹ Su yakalemba kiziti kwakuyi na kumgambira, “Mfundwa, anikufati poseli.”

²⁰ Yesu kamgambira, “Mbweha wana maridi, na wambongu wa anga wana viota, viraa mwana gwa Adamu kahela sehemu ya kugonjeka mtuwi gwakuyi.”

²¹ Mfunda yumu kamgambira “Mtua, gunupi ruska kwanja ng'endi na kamzikiti tati gwangu.”

²² Viraa Yesu gamgambira, “gufati, naguwareki wafu waziki wafu waziki wafu wau.”

²³ Yesu paki ngiriti mu mtumbwi, wafundwa wakuyi wmfatiti mu mtumbwi. ²⁴ Guloli, igorokiti dhoruba nkuru kumpindi mwa bahari, shiasi sha mtubwi ugubikwa na mawimbi. Viraa Yesu kaweliti kogonja. ²⁵ Wanafunzi wiziti kwa kuyi na kumwimsia pawa zumba, “Mtua, gutulipoli twenga, iwakuelekea kufua!”

²⁶ Yesu kawagambiriti, “kwa ntambu ga mtira, mwenga yamu wera na imani ndidini?” ndipu kimkiti na kuukali pila upepu na bahari su kuweliti na uturuvu mkuru.

²⁷ Wapalu wabatitwi na mshangau na kutakula, “Ayu muntu ni gwa ntambu gaa? kuwela handa pepu na bahari vimjimiri yomberi?”

²⁸ Lishaka Yesu pakaweliti kamkwiza upandi wamonga wa nchi ya magadala, wapalu wawili yawatalilwa na mapepu na walioniti na yombeli. Pawaweliti pawa lawila makaburini na pawatenda vuugu sana, shiasi sha kwamba kwahera mfasiri yakaweziti kupita njila ili. ²⁹ Guloli, pawaziti sauti na kuzumba, “Twanashii sha kutenda kwaku, mwana gwa Mlungu? gwiza panu kututesa kabla yalishaka kusoka?” ³⁰ Vinu kundi kuru la wantumbi liliti pawalichunga, waweliti niri kutari sana na pawaweliti,

³¹ pepu wendereiti kurala mika kwa Yesu na kuzumba. “Paiwela pa guamurukulawa, kutupeleki mu likundi la wamtumbi.

³² Yesu kawa gambira, “mgendi!” pepo walawiti na kugenda kwa wantumbi. Na guloli, kundi kuru loseli lisurukiti kulawa kurugongu kuselela baharini na loseli lifuiriti mumashi. ³³ Waparu yawaeliti pawachunga wantumbi watugiti. Na pawagenditi kumjini welezeiti kira shintu, sha hiweriti shirawira kwa waparu ya waparu a watawaliwitwi na mapepu. ³⁴ Guloli, muji goseli gwiziti kuriwona na Yesu. Pawa mwoniti, wamsii kaaki mu mkoa gwau.