¹ Mumasiku galia Yohana mbatizaji kiziti pa kabwela mu nyika ya Yuda pakazumba, ² “Mtumba kwa wana ufalme wa kumbingu wapakwegela.” ³ Kwa wana ayu ndo yakatakulitwi na mbuyi Isaya pakazumbu, “Sautiya muntu ya kashema kulawa mu jangwa; 'Mturi kala njira ya mtua maga nyoshi mapitu gakuyi.”

⁴ Vinu Yohana kavaliti mibahira ya ngamia na mkanda, gwa ngozi mushiunu mwakuyi. Shoboga shakuyi shiweriti nzige na asali ya mwituni. ⁵ Viraa Yerusalemu, Yuda yoseli, na lieneu loseli lalizunguka rushemba yorodani wagenditi kwauyi. ⁶ Waweriti pa wabatizaq pamuhela na yomberi mu lishemba Yorodani viraa pawa tubu madoda gau.

⁷ Viraa paka waoniti wavua wa Mfarisayona masaduka ya pawiza kwa kuyi kubatiza, kawa gambira, “mwenga mwa uzau wa njoka na weni sumu ya iaonyiti kuitaga ⁸ ghMreri matunda yagapasa toba na ⁹ murihora na kulitakuzia mu wamu. Twanayi Ibahimu gambira tati gwela: kwa kuwela iwagambila Mlungu kaweza kumgolosia Ibrahimu wana hata kulawa mu mabuhi aga. ¹⁰ Kala tayari liwagu kulula mu mushingira mwa mtera. Kwa ndambu ayi kila mtera yagulela ndiri hudumulwa na kugwasila mu lishemba.

¹¹ Nakuwabatiza kwa mashi kwa ajili ya toba. Viraa yomberi yana kizi badala yaneni i mkulu kuliku neni na neni apo nistahili hata kujega viatu vyakuyi. Yomberi akabatizi kwa rohu mnana gala na kwa motu. ¹² N pepeto lakuyi la mumawoku mwakuyi kujrga kabisa uwanda wakuyi na kuikusanya nganu yakuyi mu ghala. Viraaakashii makapi kwa motu gwa guzima ndiri.

¹³ Su Yesu kiziti kulawa Galilaya mpaka rushemba Yorodani kubatizwa na Yohana. ¹⁴ Viraa Yohana kafiriti kumlewelela pakazumba, “Neni fira kubatizwa na gwenga, nagwe gwiza kwangu?” ¹⁵ Yesu kankula paka zumba, “Guruhusu iweli hangu vinu, kwa kuwela ndo itapasa kutimiza haki yoseli.” Su Yohana kamruhusu.

¹⁶ Baada ya kuwa batiza, mara Yesu kalawiti mu mashi, na guloli, Mingu zivuguka kwakuyi. Na kamwiniti Rohu wa Mlungu paka suluka kwa mfanu gwa njiwa na kutulia kumpindi kwakuyi. ¹⁷ Gurori, sauti ilawiti kumpindi na paitakula, “Ayu ndo mwana gwangu mfiruziwa yaka pendezewa sana yombeli.”