¹ Mu lishaka ali Yesu kaukiti na kulikala pambekun pa bahari. ² Umati mkulu ulikusanyika na kumzinga, kingiriti mkati mwa mtubwi na kulikala munkati mwakuyi. Umati woseli ugolokiti pambeku pa bahari. ³ Su kazumbiti manenu gavua kwa mifanu, kazumbiti,” Guloli mpanzi kagenditi kuyala. ⁴ Pakaweliti kamukuyala zimu mbeyu ziguiti pambeku pa njila n awambongu wiziti pawazisonta. ⁵ Mbeyu zimonga ziguiliti mu mwamba, ambapu zipatitindiri udongu utanagara. Ghafla zimeliti kwa ntrambu ya udongu uweliti ndiri na kina. ⁶ Viraa mshenji pa gulawiti kuzisomiti kwa kuwela kwaheriti na mishigira, na ziyumiti. ⁷ Mbeyu zimonga ziturukiti pakuti kwa mitera ya misontu. mitera ya misontu itaripiti kumbindi na kuisonga. ⁸ Mbeyu zimonga ziturukiti mu udongu guherepa na kulela mbeyu, zamonga mara mia yimu zamonga sitini na zamonga thelathini. ⁹ Yakawela na makutu kapikanili.

¹⁰ Wafundwa wankuliti na kumgambirav Yesu,” Kwa ndambu gaaa guyowela na makutanuv kwa mifanu?”

¹¹ Yesu kankula kuwagambazia,” Mpananwa upendeleu wa kuvimana siri za ufalme wa kumbingu, bali yombeli wapananwa ndiri. ¹² Viraa yoseli yakawela nashi kwakuyi yomberi awamwongeri zaidi, na akapati faida nkulu. Ila yakahela ata shakanashi awampoki. ¹³ Hangu yowela nau kwa mifanu kwa kuwela waona, waonandiri nakaka. Na iwela wapakanila ndiri wala kuvimana. ¹⁴ Unabii wa Isaya utimilika kwau, uli uzumbau,” Mpikanirapo mpakaniri, viraa kwa namna yoseli apo mwelewi; lishaka pamuona muweza kuwona, viraa kwa mana yoseli mvimana ndiri.

¹⁵ Na mioyuya wantu awa iwela mu giza, ni vikamara kupikanila na wafumba masu gau, su nawaweza kuwona masu gau, ama kupikanana kwa makutu gau, au kuvimana kwa muyoyu yau, hangu ewagarambukili kayi, na eniwaponazii.'

¹⁶ Su masu genu gabarikiwa, kwa kuwela gaona, gaona na makutu genu kwa kuwela gapikanila. ¹⁷ Nakaka niwagambila manabii wavua na wantu wanahaki waweliti na hamu ya kuwona mabu galii yamgaona, na wawezitindiri kugaona. Watamaniti kupikanila mambu galii yampikana, wagapikanila ndili.

¹⁸ Vinu mpakaniri mfanu gwa mpanzi. ¹⁹ lishaka loseli yakapikanila visoweru vya ufalme na kupavimanandiri, su movu kwiza na kushinyasula sha wayaliti mnkati mwa moyo gwakuyi. Ayi ni mbeyu ili ya iyaritwi pambeku pa njila. ²⁰ Yomberi ya kayariti pa miambu ni uli yakapika na shisoweru na kwanka kalongoru kwa kuvimana. ²¹ Badu kahera mishigira munkati mwakuyi, ila kavumilia kwa shitambu shifupi. Lishaka matatizo ama matesu pagalawila kwa ndambu ya visowelu hulikwala ghafla. ²² Yakalitwi pakati pa mtera gwa misontu, ayu ni yulii yakapikanila shisowelu viraa kunyoganyoga kwa ulimwengu na uzyangaji wa utajiri hulisonga lili linenu naliza kulela matunda. ²³ Yakayaritwi mu udongu guherepa, ayu ni yulii yakapikanila shisoweru na kuvimana. Ayu ni yulii yakalela matunda na kwendelea kulela limu zaidi ya mara mia, yamonga sitini, yamonga thelathini.”

²⁴ Yesu kawapiti mfanu gwamonga. Pakazumba,” Ufalme wa kumbingu hulifanana na muntu yakayaliti mbeyu iherepoa mu lilambu lakuyi. ²⁵ Viraa wantu pa wasinziliti, adui gwakuyi kiziti viraa pakayala magugu nganu su kagenda zakuyi. ²⁶ Baadaye nganu paimeiriti na kulavia mazau gakuyi, su magugu galawiti vilaa. ²⁷ Na wantumintumi wakana lilambu wiziti na kumgambira, 'Mtua, guyalitindiri mbeyu iherepa mu lilambu klaku? Iwela ashi vinu lana magugu?

²⁸ Kawagambazia, Aadui katenda ali. 'Wantumintumi wamgambazia, “Vinu gufira tugendi twakatupuli?”

²⁹ Yakana lilambu kazumba, 'Hangundiri, lishaka pamtula magugu amtupuli pamuhela na nganu. ³⁰ Mugaleki gakuli pamuhela mpaka lishaka la kubenanga anzumbi kwa yawabenanga.' Kwanja mgatupuli magugu na mgatawi matita matita na kugapambira, viraa mkusanyi nganu mu ghala langu.'”

³¹ Su Yesu kawalaviiti mfanu gwamonga. Pakazumba,” Ufalme wa kumbingu urifana na mbeyu ya haradalai ambayi muntu katoliti na kuyala mu lilambu lakuyi. ³² Mbeyu ayi kwa nakaka ndidini kuliku mbeyu zamonga. Viraa yapakuwela mkuru kuliku mimea yoseli ya kubustani, iwela mtela, shiashi sha kwamba wambongu wa anga wiza na kunyawa viota mu ntambi zakuyi.”

³³ Kawagambira mfanu gwamonga kayi,” Ufalme wa kumbingu ni gambila shiboga shilii sha shitwaliwa na mwana mdala na kuihangira mu vipimu vitatu kwa ubaga mpaka viwumuki.

³⁴ Aga goseli kazumbiti mu umati kwa mifanu. Na poti mifanu kazumbandiri shoseli kwau. ³⁵ Ashi shiweliti kwamba shirii shishatakulitwi kupitila kwa nabii shiwezi kutimilika, palii pakazumbiti,” Afunguli mromu gwangu mu mifanu. Anzumbi mambu galii yagawela galififa tangu misingi ya ulimwengu.”

³⁶ Su Yesu kawalekiti makutanu na kugenda ukaya. Wafundwa wakuyi wamgenderiti na kuzuimba,” Gutufafanulili mfanu gwa magugu ga kulilambu.”

³⁷ Yesu kankula na kuzumba,” Yaka yala mbeyu iherepa ni mwana gwa Adamu. ³⁸ Lilambu ni ulimwwengu; na mbeyu iherepa, huwela ni wana wa ufalme. Magugu ni wana wa uliya muovu, na adui ya kayaliti ni Ibilisi. ³⁹ Na kabenanga ni kumwishu kwa ulimwengu, na yawabenanga ni wamahoka. ⁴⁰ Gambila magugu pagakusanya na kugapamba motu, hangu ndo aiweli kumwishu kwa ulimwengu. ⁴¹ Mwana gwa Adamu akalagalili mahoka wakuyi, na kukusanya kulawa mu ufalme wakuyi mabu goseli yagasababishiti na dhambi na walii yawatenditi maasi. ⁴² Awa wasi woseli mu tanuri la motu, ambaku akuweli na kuguta na kusaga menu. ⁴³ Vinu wantu yawawela haki pawang'ala gambira kumpindi mu ufalme wa tati gwau. Yomberi yakawela na makutu kapikanili.

⁴⁴ Ufalme wa kumbingu ni gambira hazina na kulififa mu lilambu. Muntu kaioniti na kififa. Mu furaha yakui kugenda kuuza vyoseli vyakawela navi, na kuhemela lilambu.

⁴⁵ Kayi, ufalme wa kumbingu ni gambira muntu yakatenda biashara kasakula lulu yaiwera na thamani. ⁴⁶ Lishaka pakaliona ilii yaiwela na thamani, kagendiki pakauza kila shintu shakaweliti nashi na kuhemela.

⁴⁷ Ufalme wa kumbingu ni gambira nyavu yaiwela mkati mwa bahari, na kukusanyaviumbi vya kila aina. ⁴⁸ Paimemiti wavuvi wagunikiti pa ufukwe. Su walivagiti pasi na kukusanya vintu viheri mnkati mwa vyombu, viraa vyaviwela na thamani avyasiti kutali. ⁴⁹ Aiweli ndambu ayi kumwishu kwa dunia. Mahoka awizi na kuwabagula wantu waovu kulawa mu wamu wa neni haki. ⁵⁰ Na kuwasili munumba mwa tanuru la motu, ambaku akuwqeli na maombolezu na kusaga menu.

⁵¹ Muvimana mabu goseli aga? Wafundwa wankula,” Yina.”

⁵² Su Yesu kawagambizia,” Kila mwandishi yakawela mfundwa gwa ufalme kalifana na kawela na numba yakalavi mu hazina yakuyi vintu vya syayi na vyanamakashu.”

⁵³ Paiweliti Yesu pakamalititu mifanu yoseli ayi, kaukiti mu sehemu ayi. ⁵⁴ Su Yesu kafikiti mu mkoa gwakuyi na kuwafunda wantu mu masinagogi. Matokeu gakuyi waweliti walishangaa na kuzumba,” Ni koshi ayu kakapatitiu hekima ayi na miujiza hii? ⁵⁵ Muntu ayu si mwana gwa seremala? Mariamu siyu mau gwakuyi? Na walongu wakuyi siyu Yakobo, Yusuphu, Simoni na Yuda? ⁵⁶ Na dada zakuyi twanawa apapetu? su muntu ayu kagapata aga goseli?”

⁵⁷ Kawakalazia. Viraa Yesu kawagambazia,” Nabii apa kakosi unanagala aipoti kwau na mu nchi yau. ⁵⁸ Na kawezitindiri kutenda miujiza ivua kwa kuwela waheriti na imani na yomberi.