¹ Na kil dias Djon Batista parsi na disertu di Judeia i na fala. ² Bo ripindi di bo pekadu pabia reinu di Deus pertu. ³ Pabia es i kil ku anunsiadur Isaias fala vos ku na girta na disertu purpara kaminhu di Sinhor, bo ndireta si kaminhu.

⁴ Djon ta bista ba kuru di kamelu i ta mara kuru na rabadasi bianda i ganfanhoti ku mel di matu. ⁵ Tudu Jeruzalen, ku tudu Judeia, ku tudu ku boltia riu djurdon e bai pa el. ⁶ Djon ta batiza elis na riu Djurdon e ta konfesa se pekadu ⁷ Otcha i odja manga di Farizeus, ku Saduseus na bin pa e batisadu, i fala elis. Djorson di kobras kin ku fala bos pa bo fusi di raiba ku sta pa bin. ⁸ Bo pruduzi frutus ku ta mostra aripendimentu. ⁹ Ka Bo pensa na bo metadi kuma Abrao i no pape, na fala bos Deus pudi lantada fidjus pa Abrao ne pedras propi ¹⁰ Mantchadu pudu dja na rais di arvuri. Tudu arvuri ku ka ta padi bon frutu i na kortadu i bota du na fugu. ¹¹ Ami nta batisa bos ku yagu pa aripindimentu, ma kil ku na bin dipus di mi i mas tene puderosu di ki mi, nin nka mersi dismantcha si sandalia. El i na batisa bos ku Spiritu Santu ku fugu. ¹² Pa sta dja na si mon, pa feki trigu ku Ndaure, pa djunta trigu na bemba, ma i na kema padja ku fugu ku ka ta paga''.

¹³ Jesus sai di Galileia pa riu Djurdon pa i batisadupa Djon. ¹⁴ Djon misti nega i fala abo ku dibi di batisan, bu ta bin pan batisau. ¹⁵ Jesus fala disa sin, asin no ta fasi ke ki sertu, Djon batisal. ¹⁶ Dipus ki batisadu, otcha i sai di yagu na kil ora seu yabri riba del, oe odja Spiritu Santu na ria riba del suma pumba. Un vos sai di seu i fala. ¹⁷ Es i nha fidju kun ama. Nta kontenti ku el.