¹ Alguns Fariseus ku Eskribas bin di Jerusalém pa Jesus e fala: ² "Pa bia di ke ku bu disipulus gosta di kebra kustumus di no papes? Pabia e kata laba mons ora ku e na kume" ³ Jesus ruspundi elis i fala:" I abos, pabia di ke ku manda bota kebra mandamentu di Deus pabia di bo wus i kustumu? ⁴ Pabia Deus fala:'Rispita bu pape ku bu mame,'i' alguin ku papia mal di si pape ku mame, sertamenti ina muri'. ⁵ Ma abos bo fala: 'kil ku fala si pape o si mame: 'Diskisi di kualker ajuda di n'ha parti pabia m'pati dja kila, pa Deus', ⁶ es alguin ka ten ku rispita si pape'. De manera, abos bo anula palabra di Deus pabia di bo kustumu. ⁷ Findjiduris! Profesia di Isaias i sertu odja ki i fala:

¹⁰ Asin i thoma un grupu di djintis pa el i fala elis: "Bo sukuta pa bo n´tindi: ¹¹ I ka kusas ku ta entra ma boka di un alguin ku ta susal. Ma a kontrariu, ku ta sai na boka di alguin el kuta susal dianti di Deus.

¹² N'ton disipulus bin pa Jesus e falal: Bu djubi me kuma Fariseus ka kontentiku bo odja ke obi bu palabra?"

¹³ Jesus ruspundi i fala: "tudu po ku n'ha pape di seu ka sumia i na rinkadu. ¹⁴ Bo disa elis la anti delis; elis i giaduris di segus si un segu gia utru segu, tudu dus na kai dentru di koba".

¹⁵ Pedro ruspundi i fala Jesus: "Isplikanu de sobre e ditu li diritu".

¹⁶ Jesus fala: "Bo ka n'tindi inda nada? ¹⁷ Abos bo ka odja kuma tudu ku entra n boka di alguin i ta bai pa stomagu, i dipus i ta sai pa fora? ¹⁸ Ma kusas ku ta sai na boka ta bin di korason. Kila gora ki pudi susa alguin dianti di Deus. ¹⁹ Pabia i dentru di korson ki ta sai nel tudu mau pensamentu, (suma esis:) matansas, kai tchai, manera di ten na puku borgonha, ladrondadi, n'venta mintida kontra utru, koba maliss. ²⁰ Esis i kusas ku ta susa vida di un alguin. Ma kume kunmon ka ta susa vida di un alguin".

²¹ N'ton Jesus sai dila i bai ba pa região di sidadis di Tiro ku di Sidom. ²² I ten ba un mindjer kananita ku bin di região, i na grita ba: "Ten pena di mi, sinhor, fidju di Davi; n'ha fidju femia foronta ku un dimoniu kuta turmental muitu mal".

²³ Ma ka ruspundil nim un palabra. Si disipulus bin e pidil nan ku rogu, e na falal: "Dispidil, pabia i sta na grita no tras".

²⁴ Ma Jesus ruspundi i fala: "ami n'ka mandadu kualker manera ma son pa kanelis di kasa di Israel".

²⁵ Ma intema toki i bin juelha si dint, i na fala: "sinhor djudam".

²⁶ I ruspundi i fala: "I ka sertu pa toma kil ki kumida di fidjus pa fertcha pa katchurinhus".

²⁷ Mindjer fala: "sin, sinhor, ma katchursinhus tambi ta kume garansinhus kuta konkonhi bas di mesa di se dunus".

²⁸ Asin Jesus ruspundil i fala:" Mindjer, bu fé i garandi dimas! I na sedu ku bo na manera ku bu misti pa i sedu". Asin si filha san kil ora djanan.

²⁹ Guir Jesus sai di ki kau i ba pertu si mar di Galileia. Dipus i sibi riba di un monti isinta la. ³⁰ Manga di djintis bai pa el; djistis kunsa tisil kilis ku tene purbulemas na pes, segus, mudus ku mankus, ku manga di utrus duentis. Elis tudu e tisidu ba bas di Jesus, el i kuraba elis. ³¹ Asin tudu ki djintis ku staba la e kontenti tchiu odja ku e obi i e odja mudus na papia, mankus kuradu, paralitikus na ianda i segus na odja. Elis tudu e na n'gaba ba Deus di Israel.

³² Jesus tchoma si disipulus pa el i fala: "N´ten pena di e manga di djintis, pabia e sta ku mi dja tris dias sin kume nada. N´ka misti disa elis pa e bai sin ku fomi, n´medi pa ka e bai dimadja na kaminhu".

³³ Ma disipulus falal: "Nunde ku nona otcha pon sufisienti pa fartanda e djintis ku tchiu sin li na e lala?"

³⁴ Jesus fala elis: "Kantu pon ku bo tene?" E fala: "Seti pon ku un pisinhu". ³⁵ N´ton Jesus manda ki djintis pa e sinta na tchon. ³⁶ El i toma ki seti pons ku ki pisinhu, dipus di igardisi Deus, i kebra pon i da si disipulus; I si disipulus dal pa tudu kil manga di djintis. ³⁷ Tudu ki djintis kume i e fika konteti. I e rukudji seti kufu intchidu ku padasis di kil ku e sobra. ³⁸ Kilis ki kume ba e sedu kuatru mil omis, sin konta ku minjeris ku mininus. ³⁹ Asin Jesus dispidi ki manga di djinti, i m´barka na barku pa kamba pa utru banda di região di Magadã.