¹ Na ki tempu Jesus pasa na nude ku e sumuia ba arus, i foi nun sabadu. Si disipulus esta ba ku fomi e kunsa na tira arus ku mon e na kumel. ² Ma otcha farieus odja ki kus, e fala Jesus djubi so bu disipulus na fasi kusa ku ka pirmitidu fasi na sabadu.

³ Jesus fala elis de manera nunka bo ka lei ke ku Davi ku si kumpanheris fasi otcha e tene ba fomi. ⁴ Entra na kasa di Deus e kume pon sagradus ke ka pudi ba kume, nin kilis ku sta ba ku el, ma so saserdotis ku pudi ba kumel. ⁵ Bo ka lei kuma na dia di sabadu, kuma saserdotis viola templu, kuntudu e ke kulpadu. ⁶ Tudu manera na fala bos: Kil ku sta li i mas garandi di ke templu. ⁷ Si bo sibi ke ki signifa: Ami mas disdja miserikordia di ke sakrifisiu, ka bo konsidera bo kabesa inosenti, ⁸ pabia fidju di omi i Sinhor di Sabadu.

⁹ Jesus sai di la i yentra na sinagoga. ¹⁰ I ten ba un omi ku mon tursidu. Fariseus punta Jesus: I pirmitidu pa kura na dia di sabadu. Pa e pudi akusasl di pekadu.

¹¹ Jesus fala elis: Kal omi na bo metadi, ku tene un karnel, si e karnel kai na un koba fundu na dia di sabadu, i kana bai tiral la. ¹² Ku fadi e omi ku mas ten balur di ke karnel, anta i pirmitidu fasi ben na dia sabadu. ¹³ Jesus fala ki omi: Distindi bu mon. I distindi mon i kuradu, I fika suma kil utru mon. ¹⁴ Ma fariseus sai e tchutchi djintis kontra el, e na djubi manera di tiral vida.

¹⁵ Jesus dipus ki ntindi kila i afasta di la. Manga di djintis sigil, i kura elis tudu. ^16-17 I da elis ordi pa e ka konta utrus, pa mostra kuma kil ku prufeta Isaias fala i bardadi. ²² E lebal un omi ku segu, ku mudu ku dimoniu yentra ba, i Jesus kural. Rusultadi omi mudu kumsa papia. ²³ Tudu multidons fika dimiradu e fala: E omi i pudi sedu fidju di Davi.

²⁴ Ma kontra fariseus obi des milagri e fala: E omi kata serka dimoniu si ka pabia di Belsebu, ku xefi di dimonius.

²⁵ Jesus, i ntindi ke ku e na pensa i fala elis: Tudu reinu ku dividi i kata izisti, tudu sidadi o kasa ku dividi i kata kontinua. ²⁶ Si satanas, na serka satanas, i sta dividu ku si propi kabesa, kuma ku si reinu na kontinua. ²⁷ Sin ta serka dimonius ku puder di Belsebu, anta bo fidjus e ta serka ku puder di kin. Pabia ki dika ke na sedu bo djuis. ²⁸ Ma sin ta serka dimonius ku puder di Spiritu di Deus, anta reinu di Deus tchiga pa bos. ²⁹ Kuma kun algin ta yentra na kasa di un omi forti pa furta kusas ki tene sin i maral purmeru. Dipus i ta furta ke ki tene na si kasa. ³⁰ Kil ku ka sta ku mi i kontra mi, kil ku kata djunta ku mi i ta spadja. ³¹ Pa kila, na fala bos: Kualker pekadu di lebsimenti ku omi fasi kontra Deus i na purdadu, ma pekadu di lebsimenti pa Spiritu Santu i kana purdadu. ³² Kualker ku papia mal kontra fidju di omi, i na purdadu kil pekadu, ma kil ku papaia mal di Spiritu Santu, i kana purdadu nes mundu, nin na mundu ku na bin. ³³ Si un arvori i bon, si fruta ta bon, ma si arvori i mau, si fruta ta mau, pabia arvori ta kunsidu pa si fruta. ³⁴ Djorson di kobra si abos maus, kuma ku bo pudi papia bon kusas. Pabia boka ta papia ke ku intchi na korson. ³⁵ Omi bon ta tira kusa bon na si tisoru ku bon, omi mau ta tira mau kusas na si tisoru ki mau. ³⁶ Na konta bos kuma na dia di juizu, djintis na konta di kada palavra ku ka bal ke papia. ³⁷ Pa kila pa bu palavras bu na djustifikadi, ma pa bu palavra sbu na kondenadu.

³⁸ Sertus skribas ku fariseus fala Jesus: Mestri no misti odja bu sinal.

³⁹ Kuntudu Jesus ruspundi elis: Mau djorsonku kaiduris di tchai bo na buska sinal, ma nin un sinal e kana dau, fora di sinal di Jonas purfeta. ⁴⁰ Pabia suma Jonas fika na bariga di pis pa tris dias ku tris noiti, asin ku fidju di omi na fika tris dias, ku tris noiti na korson di tchon. ⁴¹ Na dia di juizu djintis di Ninivi na lanta pa kondena djintis do aos, pabia e rinpindi ku pregason do Jonas, ma i sta li kim ku mas Jonas. ⁴² Ma Rainha di sul na lanta kontra djintis di aos, pabia i sai lundju di si tera pa bin obi djiresa di Salumon, ma i sta li kin ku mas Salumon. ⁴³ Ora ku spiritu mau sai na un0 omi i ta, i ta bai pa lugaris sekus pa buska diskansu, ma si ka otcha. ⁴⁴ I ta fala: Na riba pa nha kasa, nunde kun sai. Si riba, i odja kasa baridu i rumadu diritu. ⁴⁵ I ta leba djuntu ku el seti spiritus pioris di ki el propi, tudu elis e ta pa mora la. Kondison di omi i ta sta pior ki ke purmeru. Asin ki na sedu ku e djorson mau.

⁴⁶ Tementi Jesus na papia ku multidons, si mame ku si ermons e staba na fora, e misti papia ke el. ⁴⁷ Algin falal: Djubi bu mame ku bu ermons e sta fora e na buskau e misti papia ku bo.

⁴⁸ Ma Jesus fala kil ku kontal: Ki ki nha mame, kin ki nha ermons. ⁴⁹ I distindi si mon pa si disipulu i fala: Bo djubi ali nha mame ku nha ermons, ⁵⁰ kil ku ta fasi vontadi di nha pape ku sta na seu, i algin i nha ermon ku nha mame.