¹ ۱۔ ابراہیم دی اولاد وچوں داؤد دے پُتر یسوع مسیح دا پِیڑھی نانواں۔ ² ۲۔ ابراہیم توں اسحاق جمیا۔ اتے اسحاق توں یعقوب جمیا۔ اتے یعقوب توں یہوداہ اتے اوہدے بھرا جمے۔ ³ ۳۔ اتے یہوداہ توں فارص اتے زارح تامار وچوں جمے۔ اتے فارص توں حصرون جمیا۔ اتے حصرون توں ارام جمیا۔ ⁴ ۴۔ اتے ارام توں عمی ناداب جمیا۔ اتے عمی ناداب توں نحشون جمیا۔ اتے نحشون توں سلمون جمیا۔ ⁵ ۵۔ اتے سلمون توں بوعز راحاب وچوں جمیا۔ اتے بوعز توں عوبید راعوت وچوں جمیا۔ اتے عوبید توں یسی جمیا۔ اتے یسی توں داؤد بادشاہ جمیا۔ ⁶ ۶۔ اتے داؤدتوں سلیمان اوس بی بی وچوں جمیا، جہڑی کدی اوری یاہ دی ووہٹی سی۔ ⁷ ۷۔ اتے سلیمان توں رحبعام جمیا۔ اتے رحببعام توں ابی یاہ جمیا۔ اتے ابی یاہ توں آسا جمیا۔ ⁸ ۸۔ اتے آسا توں یوشافاط جمیا۔ اتے یوشافاط توں یورام جمیا۔ اتے یورام توں عزی یاہ جمیا۔ ⁹ ۹۔ اتے عزی یاہ توں یوتام جمیا۔ اتے یوتام توں آحاز جمیا۔ اتے آحاز توں حزقی یاہ جمیا۔ ¹⁰ ۱۰۔ اتے حزقی یاہ توں منسے جمیا۔ اتے منسے توں آمون جمیا۔ اتے آمون توں یوشی یاہ جمیا۔ ¹¹ ۱۱۔ اتے یوشی یاہ توں یکن یاہ اتے اوہدے بھرا بابل ول پردیسی ہؤن ویلے جمے۔

¹² ۱۲۔ اتے بابل ول پردیسی ہؤن مگروں یکن یاہ توں شالتی ایل جمیا۔ اتے شالتی ایل توں زروب بابل جمیا۔ ¹³ ۱۳۔ اتے زروب بابل توں ابی ہود جمیا۔ اتے ابی ہود توں الیاقیم جمیا۔ اتے الیاقیم توں عازور جمیا۔ ¹⁴ ۱۴۔ اتے عازور توں صادوق جمیا۔ اتے صادوق توں احیم جمیا۔ اتے احیم توں الی ہود جمیا۔ ¹⁵ ۱۵۔ اتے الی ہود توں الی عازار جمیا۔ اتے الی عازار توں متان جمیا۔ اتے متان توں یعقوب جمیا۔ ¹⁶ ۱۶۔ اتے یعقوب توں یوسف جمیا، جہڑا اوس مریم دا خاؤند سی، جہدے وچوں یسوع جمیا، جہڑا مسیح اکھواؤندا اے۔

¹⁷ ۱۷۔ مکدی گل ایھ پئی سبھے پیڑھیاں ابراہیم توں داؤد تیکر چؤداں پیڑھیاں نیں اتے داؤد توں بابل وچ پردیسی ہو کے جاؤن توں مسیح تیکر چؤداں پیڑھیاں نیں۔

¹⁸ ۱۸۔ ہؤن یسوع مسیح دا جنم انج ہؤیا پئی جدوں اوہدی ماں مریم یوسف نال ویاہی گئی تاں اوہناں دے کٹھے ہؤن توں اگیترے ای اوہ پاک روح دی راہِیں امید نال سی۔ ¹⁹ ۱۹۔ تد اوہدے خاؤند یوسف نے، جہڑا راستباز سی اتے اوہدی رسوائی نئیں سی چاہؤندا، متا پکایا پئی اوہنوں چُپ چپیتے چھڈ دیوے۔ ²⁰ ۲۰۔ اوہ ایہناں گلاں نوں سوچ ای رہیا سی پئی ویکھو رب دے فرشتے نے سُفنے وچ آن کے آکھیا؛ اے یوسف! داؤد دے پُتر! اپنی ووہٹی مریم نوں اپنے گھر لیاؤن توں نا ڈر۔ کیؤں جو، جہڑا اوہدی کُکھ وچ اے، اوہ پاک روح نال اے۔ ²¹ ۲۱۔ اتے اوہدا پُتر ہووے گا، اتے تُوں اوہدا ناں یسوع رکھیں۔ کیوں جو اوہ اپنی اُمت نُوں اوہناں دے گناہواں توں بچاوے گا۔ ²² ۲۲۔ ایھ سبھو کجھ ہؤیا تانجو جو کجھ رب نے نبی دی راہِیں آکھیا سی، پورا ہووے پئی۔ ²³ ۲۳۔ ویکھو! اِک کؤاری اُمید نال ہووے گی اتے اِک پُتر جمے گی۔ اتے اوہدا ناں عمانوایل رکھن گے۔ جہدا مطلب اے "رب اساڈے نال ہے"۔ ²⁴ ۲۴۔ تد یوسف نے جاگ کے اُنج ای کیتا، جِنج رب دے فرشتے نے اوہنوں حکم دِتا سی۔ اتے اپنی ووہٹی نوں اپنے گھر لے آیا۔ ²⁵ ۲۵۔ اتے اوہدے نیڑے نا گئیا، جدوں تیک پئی اوہنے پُتر نا جم لئیا اتے اوہدا ناں یسوع رکھیا۔