¹ De kitab ta asami ta juduud ta Yesua al Masih jena ta Dawuud jena ta Abraham.

² Abraham abu ta Ishaka wa Ishakha abu ta Yaakhuub wa Yaakhuub abu ta Yahuuza wa akhwanu.

³ Wa Yahuuza abu ta Faaris wa Zarah min Taamaar. Wa Faaris abu ta Hasruun. Wa Hasruun abu ta Raam.

⁴ Ram kan abu ta Amminadaab. Amminadaab abu ta Nahshon. Wa Nahshonn abu ta Salmon.

⁵ Salmon abu ta Boaz min Raahaab. Wa Boaz abu ta Obed min Ruth. Obed abu Jesse.

⁶ Jesse abu Daud al-melik. Wa Daud abu ta Suliman Daud abu ta Suliman min mara ta Uriah.

⁷ Suliman kan bu ta Rahoboam, Rahoboam Abu ta Abijah. Abijah abu ta Asa.

⁸ Asa Abu ta Jehoshaphat, Jehoshapat abu ta Joram. Wa Joram jidi ta Uzziah.

⁹ Uzziah kan abu ta Jotham. Jotham bu ta Ahaz. Ahaz abu ta Hezekiah.

¹⁰ Hezekiah abu ta Manasseh. Manasseh abu ta Amon. Wa Amon abu Josiah.

¹¹ Josiah kan jidi ta Jechoniah wa akwanu fi zaman shilu umon le Babylon.

¹² Ba’ad shilu umon le Babylonl, Jechoniah kan abu ta Sheatiel, Sheatiel kan jidi ta Zerubbabel.

¹³ Zerubbabel kan abu ta Abiud. Wa Abiud abu ta Aliakim. wa Aliakim abu ta Azor.

¹⁴ Azor kan abu ta Zadok. Zadok abu Achim. Wa Achim abu ta Aliud.

¹⁵ Aliud kan abu ta Aleazar, Eleazar abu ta Matthan, Wa Matthan abu ta Yacob.

¹⁶ yakub kan abu ta Yusif rajil ta Mariam min hiya Yesua kan weledu. al bi nadu Al Mesih.

¹⁷ Kulu al ajial min Ibrahim le Daud kan arbatasiar ajial, min Daud le shilu umon fi Babylon arbatasar ajial, wa min wodi umon le Babylon le arbatasiar alial le Al Mesih.

¹⁸ Weleda bita Yesua Al Mesih hasal be teriga de. Uma tou Mariam endu alaka ta zuwaj ma Yusif, Lakin gubal umon ma ja sawa, ligo hiya hamlan be Roho Al Kudus. ¹⁹ Rajil tou Yusif kan rojul adil, wa huwo madeir ashan aba hiya gidam nas. huwo fekiru ashan bi gata alaka be siri. ²⁰ Ze huwo bi fekir an hajat del, Malaika ta Rabana zahar le huwo fi hilim, kelimu," Yusif, weled bita Daud, mata kafu ashan bi shilu Mariam ze mara taki, le-anu hiya hamilan be wasat Roho Al Kudus. ²¹ Hiya bi weledu jena, wa inta bi seme Yesua, fa huwo bi kalisu nas tou min Khatiya tomon." ²² Kulu del hasil ashan bi kamilu kalam al wonusu be Rabuna be wasat anbiya, kelimu, ²³ Asma, Azra bi hamil wa bi weledu jena, wa umon bi nadi isim Immanuel"- mana bitou "Allah ma nina." ²⁴ Yusif gam fok min al num wa amulu ze malaika ta Rabuna wasi huwo wa huwo shalu mara bitou. ²⁵ Lakin huwo ma amulu alaka jinsia ma hiya lahadi hiya weledu jena. bad dak huwo seme isim bitou Yesua.