¹ Omubiro ebyo Yohaana omubatizi akeza nayegeza omwiyamba rya Buyudaaya, ² ati: mwetese, abwokuba obukama bwomw'iguru bwiriire ayeyi, ³ Mumanye ngu ogu niwe nabi Isaaya yagamberewo, obu yagira ati: Eiraka eryakugambira omwiyamba ati: muboneze omuhanda gwa Mukama, mugore otuhanda twewe.

⁴ Kandi yohaana akaba nazwara ekizwaro kyebyoya byengamira, nayebwaha orukoba rworuwu omu nda; ebyokurya bwewe bikaba biri enzige nobwoki bwomwiyamba ⁵ Awonawo aba Yerusaalemu naba Buyudaaya nabomu bicweka ebyayeyi na yorudani boona beeza baamusangayo; ⁶ Yaabatiriza omugera yorudaani nibagamba, ebibi byabo.

⁷ Kwonka kayarebire Abafarisaayo n'abasadukaayo beengi nibeeza kubatizibwa, yaababuuza ati: Imwe baana benzoka mwe nowa abahabwire kwirukanga ekiniga ekirikwenda kwiza. ⁸ Mbwenu mwaane ebyana ebisemerere abeteseze, ⁹ mutesima nimugira omu mitima yeenyu muti: Twiine Abrahamu, niwe tenkuru weetu; abwokuba nyowe nimbagambira nti: Ruhanga nabaaza amabare aga kugahinduramu Abrahamu abezukuru. ¹⁰ Nambwenu empasa eteerwe aha kikongi kyomuti; buri muti ogutarikwana byana birungi guritemebwa gunagwe omuro.

¹¹ Nyowe nimbabatiza na'meezi ahabwokwegarikamu kwonka arikwiza enyima yange nankiza obusoborozi; kandi tinsemerere kumukwatira enketo; we aribabatiza nomwoyo orikwera nomuro. ¹² Orugari rwewe ruri omu ngaro zewe, aryayeyera kurungi embuga yewe, awunuke oburo omu kigina kyewe, kwonka ebisusu arabyoca omu nuriro ogutarizima.

¹³ Omubiro ebyo yesu akaruga Galilaaya, yeeza Yorudani, yaasangayo Yohaana ngu amubatize. ¹⁴ Koonka Yohaana yayenda kwanga, nagira ati: Ninyowe ndikwenda ngu ombatize; kandi nayowe weeza aharinyowe? ¹⁵ Yesu yamugarukamu ati: mbwenu ikiiriza tutwaze tutyo! akauba kitusemerere kuhikiriza ebyokuhikirira byona. Atyo yaamwikiriza;

¹⁶ Yesu kuyaamazire kubatizibwa, yaaruga ati omu meezi, reeba, iguru ryakingurwa, yareba omwoyo wa Ruhanga namugonokaho nkenkombe, ¹⁷ Yaahura iraka niriruga omu iguru, nirigira riti; ogu n'omwana wange ou nkunda, kandi ou nsemererwa munonga