Chunda 28
1
Ituka ikinda e sabhato, murangaranga, utu rwa roso rwe kasembe, Maria Magidalena nompe Maria b'enda kakae e kwesinda.
2
Bhasunga, nti kwa kweta karingiri kakiri, bhushwa Maraika uma we mwami wahitanga ko kwiyo, wiya kabunduranya e rikoi, na wasaa kumunda.
3
E bhususe bwae nti bhuri bhuri kimpenya, ne ngombe yae yasana bhuri mahungu.
4
E bharangi bhakake na koha nibha bhuri bhakwi.
5
Ina e Maraika w'ire e bhomina: bhanu, kiro musubhaha, bhushwa nosi mbu bhanu musondange yesu ewakuiririsiwanga.
6
Nturi hano, wamafuka, bhuri e bwebhangae, mwiye mukai e hakumukindishanga bho.
7
Na mwendi kature e bhomisa bhae mbwa mafuka munkati ne bhakwi, na mukai, wabhusondore ku Gariraya, nanko ngi kusemusungire bhanu nampo, namabw'ire.
8
Bhetunda kore ne risinda, na koha na ngoa sikiri na bhabhucha ikanyaha ienda kature e mwasi kuri e santumwa sae.
9
Nikae, Yesu wasaire bho, webha: nabhukea: bhasheere muritinge e bhisando byae, na bhehicha mumakako ae.
10
Yesu were bho; kiro musubhaha: mwendi kere bhasike bhitu mbu bhendi ku Gariraya, nanko ngi kusensungire bho.
11
E ntambi yabhesanga bho mu munse, bhabhume bhima mumbo e bharangi bhakime mo murungu, na bhature e bhashe bhakungu bhakakare e mwasi we bhiti e bya kusairenga bho.
12
Bhano ikindi'kwerikira e mwasi, bhatumana hima ne bhashe bhakungu nimina kinwa, bhaninka e basura kikanda cha behe bingi.
13
Bhire bho: mwebanga mbu e santumwa sae bhakwiyanga mo mutu nimushuma nabhate nti twametinge toro.
14
Ne mukakare wamerikira, bhate tusi e bhusemwere bhate, na twaabhoshukaya mo r'ubhansa rwa muninkwange bhanu.
15
E bhashirikani bhatinge e bhehe, na bhomisa e myomba yakwerirwanga bho. E bhurunga bwa nsansabhana e kuti kuri e bhayahudi iya na runotu.
16
E santumwa sae ikumi n'uma b'enda ku Gariraya, mo ntata njo e ya shishiwanga bho na Yesu.
17
Bharekiya bhamusunga bhehicha mu makako ae. ina bhima bhabhesa na koha.
18
Yesu warekiya wamiya kwihi nabho webha bhuno; e bhuhime bhuti bwe kwiyo ne kwansi namaninkwa bho.
19
Mwendi mu byuo e bhiti mubundure esanganda bhabhunduki bhafuku bhani, na murubhike bho murina ra Tita, re mwana na re Mutima mushasha.
20
Na muhane bho iyemisa e bhiti bya bwerenga ani, na ngi bhumbo: niri ninu e matu ati iya na mungendero ya hende e chuo.