1
E matungo, Yesu weta mw'ishwa ra mbuto mwotu rw' einga. E bhafuku bhae, bhabhesanga nti bhari na rwaka, bhabhuch' ikora mu byuma n'erisa.
2
E bhafarisayo, moresunga mbyo, bhamushisha: sunga, e bhafuku bhabhe bhakiyange e nti bhyanwa ikorwa motu rw'einga.
24 E bhafasarisayo, bharikiya bhorukira mbo, bhebha: e wabume uno uhensange e bhifuasi, mu maa a Bheresebhuri, mwami w'ebhifasi,
25 Isunga mbo Yesu e bhwabhesenga bhusiwe e myanikiri yabho, w'ire bho: E bhubhake bhwamabhaana ibho bhwesine, nti bhwashambukara, na ibho bhwesine bhutamusimana. 26 Kuti nyamurairi wamuhensa umpe nyamurairi, wibhanya iwe wesine, bhuni bhwamusimana ebhubhake bhwae? 27 Na kuti ani, nihesange e bifasi mu bhukangwe bhwa Bheresebhuri, e bhana bhinu, mu bhukangwe 'nki ngi bhwabhesenga bhumuhensanga mo'bho? Bhushwa na'ncho, ibho bhesine bhasebhukereyo e rubhansa. 28 Ina nti mo mutima wa Ongo ng'uhesange ani mo bhifasi, ebhubhake bwa Ongo wasiya kuri bhanu.
29 Bhuni bhwa mukiya mwea wamukime mu numba ya bhume munkangwe n'ishuma. e bhehe bhyae e bhiti, na wafund' imumina? na nge bhumbo useshumayo mu numba.
30 Ingu nturi n'ani iwe nt'wambaa, na'ngu eutangasonja hima n'ani, iwe nt' unsansabhanyange.
31 Ngi bhumbo ni bhuerengi: kinsi bhubhi na kinsi bhukwemi bhusesasirwayo n'e bhea ina e bhukwemi bhweritina e mutima bhutasasirwiyo. 32 Kinsimweya usebhayo bhubhi kuri emwana we mwea use sasirwayo, ina e usebhayo bhubhi kuria emutima mushasha, utasasiriyo mukino kiranga na bhiranga bhisiyayo.
33 Bhuni bwamwebha Ongo mbwe muti wakoma ne byuma byae bhyakoma, ari iyebha e muti wema ne bhyuma bhyae bhyema, bhushwa e muti usibhwange mo bhyuma bhyao. 34 Uwanda rwansonka, bhuni wa mwebha bhanu bhinwa bhyakoma na bhanu musuwa? bhushwe ebhyarisia e mutima ngi bhwebhanga e bhunu. 35 E mweya koma ukutongi bhikayi bhya koma mo 'nku yae, n'emwea wasua ukutongi bhikayi bhyema monku yae yema. 36 Nibhwerengi: er'otu rw'erubhasa e bheya bhansansayo e bhinwa bhiti bhyema e bhyebhanga bho. 37 Bhushwe mo bhunu bhwabhe ukoshukarayo, na mo bhinwa bhyabhe ukukererwayo ubhansa.
38 Na mbu bhima mu bhandiki n'ebhafarisayo bhatinge kinwa, bhebha: emuhani tusondi kusunga mwikora kishisharo.
39 Yesu wa subhiye bho e kiranga chasuma chosingirwa kihemange bhishisharo, kitamuninkwa wakindanga kishisharo irengwa kwe mutahwa Yona. 40 Bhushwe mu bhumbo Yona warikanga matu ashatu mutu na mu mwishi mo bhura bhwe kikuro kiri, na bhumbo musiky'a Ongo wabhese matu ashatu mutu na mwishi mu kino chuo. 41 Bhisa ku Ninawi bhasimana mo r'otu rwe rw'erobhansa hima n'ekiranga nchi ne riminwa mw'esiye e bhibhi bhushe n'e mahano a Yona; sunga hano hari bhingi irenga bya Yona. 42 E mumbo w'eroharo rwa kuruma wasesungwayo e r'otu rw'erikerwa e r'obhansa na kino kiranga; bhushwa weyanga etuka wendende Chuo, sunga hari bhingi irenga Soromono.
43 E kifasi chamatuka kumunda n'e mwea, chendanga kakiya-kiya mw'isonda ehaseruhuke cho. Ina chamaruka bhumpe bhuari bhweuhuke mo. 44 Nti ch'ebha nsekuruke mo numba y'ani e mwakutukanga 'ni. Chameya nti chakumana mo kikai, kumunda kwahairwa n'itonda mo. 45 Wendanga karisha impe mitima irinda yasuma imurengi. E kifasi ncho chamakime tu, e mikorere y'e mwea ngo ya kuruma ntyanyara irenga e yaroso.
46 Yesu wabhesanga webhange n'e bhae. Nina na bhasike bha'bho bhari ha bhutara bhasond'iebha n'ae. 47 Mwea uma wamwire: sunga nsoko na bhasike bhinu bhari habhutara na bhasondi kushisha
48 Ina Yesu wasubhie 'ngu wabhesangaumushishange: inye ngi koyo na? bhanye ngi bhasike bhitu? 49 Hiha washea e minwe kuri e santumwa sae, w'ebha: sunga koyo na bhasike bhitu. 50 Bhushwa uti'ngu ukorange er'isasa ra Tita ingu'ri e kwiyo, ngi musik'itu, ngi mwis'itu, ngi koyo.