¹ Baadaye Jeso wanena na lukwili na anafunzi a kwakwe. ² Achi-amba, "aandishi na mafarisayo anasagarira chihi cha Musa. ³ Kwa vivyo chochosi andicho muamuru mwimwi kuchihenda, chihendeni kuno muna-achunguza. Ela musidze muka-gaiga mahendo ga kwao, kwa kukala ao ananena mautu asigo gahenda. ⁴ Ujeri, ao anafunga mizigo miziho iriyo ni vikomu kuitsukula, na chisha anatsukuzya atu vituroni mwao. Ela Ao enyee kasengeza hata angaa chala kuitsukula. ⁵ Mahendo ga kwao gosini anagahenda ili aonewe ni Atu. Kwa kukala ana-anamula masanduku ga kwao, na kouonjeza mikunzo ya nguo za kwao. ⁶ Ao anahenza kusagala vhatu vha atu abomu kahiza nyambura na kusagala vihi vya heshima kahiza masinagogi, ⁷ na kulamuswa kwa heshima sokoni, na kwihiwa 'Alimu' ni Atu ⁸ Ela mwimwi kamufaha kwihiwa 'Alimu,' kwa-kukala munaye mwalimuj mumwenga hacheye, na mwimwi mosini mundugu. ⁹ Musimwihe mutu yoyosi vhavha duniani kukala ni abeyenu kwa kukala munaye abeyenu ni mumwenga iye yumulunguni. ¹⁰ Wala musidze mukai-hiwa 'Alimu,' kwa kukala munaye mwalimu mumwenga, Krisito. ¹¹ Ela ariye mubomu kahikahi yenu yundakala mutumishi wa kwenu. ¹² Yoyosi adziunulaye yundatserezwa na yoyosi adzitserezaye yundaunulwa.

¹³ Ela ni shauri yenu aandishi na mafarisayo, anafiki! Muna-afungira atu ufalime wa mulunguni. Na mwimwi kamuweza kuinjira, na kamuaricha ainjirao kuhenda vivyo. ¹⁴ Shauri yenu, aandishi na mafarisayo, anafiki! Kwa kukala muna-amiza ajane.

¹⁵ Shauri yenu aandishi na mafarisayo, anafiki! Munavuka nyambu ya bahari na kumuhenda mutu mumwenga aamini garahu mugafundishago, na akalavho ngadza here mwimwi, munahendya mara mbiri mwana wa jehanamu ngadza here mwimwi enyee murivyo.

¹⁶ Shauri yenu vilongozi vipofu, mwimwi munenao, 'yoyosi a-apaye kahiza hekalu, si chitu. Ela a-apye kahiza dhahabu ya hekalu yudzifungwa ni chicho riravho cha kwakwe.' ¹⁷ Mwino vipofu apumbavu ni chivhicho chiricho nichibomu, dhahabu hebu hekalu ridziro ika dhahubu wakfu kwa Mulungu? ¹⁸ Na, 'a-apaye kwa madhabahu, si rorosi. Ela a-apaye kahiza sadaka iriyo dzulu ya kwakwe, yudzifungwa ni chiravho cha kwakwe. ¹⁹ Mwino atu murio- muvipofu! Nichivhicho chiricho nichibomu, sadaka hebu madhabahu iriyo inaika dzulu ya sadaka ziombozwazo kwa Mulungu? ²⁰ Kwa vivyo iye a-apaye kahiza madhabahu yuna- apa kahiuza iyo na kwa vitu vyosini virivyo vidzuluze. ²¹ Iye a-apaye kahiza hekalu yuna- apa kahiza riro na kwa iye asagalaye mumo ndani. ²² Na iye a-apaye kahiza mbingu, yuna apa kahiza chihi cha enzi cha Mulungu na kahiza iye asagalaye dzulu ze.

²³ Ni shoriyenu, aandishi na mafarisayo, anafiki! Kwa kukala munalavya zaka za munanaa na bizari na jira, ela munagaricha mautu maziho gachisheriya - hachi na mbazi na imani. Ela gaga kamufaa kukala muna gahenda na sikuricha manjine gasihendeke. ²⁴ Mwino vilongozi vipofu, mwimwi munatsudza mududu mutite ela munamiza ngamira!

²⁵ Shoriyenu, aandishi na mafarisayo, anafiki! Kwa kukala munatsukutsa vikombe na sahani konze, ela mumo ndani mudziudzala dhuluma na kutsakala na chasi. ²⁶ Mwino mafarisayo murio mu vipofu! Tsukutsani ndani ya vikombe na sahani kwanza, ili upande wa konze nao ukale musafi.

²⁷ Shoriyenu aandishi na mafarisayo, anafiki! Kwa kukala mudzi halana na mbira zirizo vhakwa chokaa, zirizo kwa konze zinaonekana ni mbidzo, ela kwa mumo ndani zidziudzala misoza ya ario-fa na chila chitu chiricho ni chichafu. ²⁸ Vivyo-vivyo mwmwi kwa ko-nze munaonekana muna mu-enye- hachi mbere za atu, ela kwa chiundani mudziudzala unafiki na uasi.

²⁹ Shauriyenu, aandishi na mafarisayo, anafiki! Kwa kukala munazijenga mbira za manabii na kuzipamba mbira za enye hachi. ³⁰ Na mwimwi muna-amba, 'kala haishi tsiku za bezehu, kahunga shiriki vhamwenga nao kuumwaga mulatso wa manabii.' ³¹ Kwa vivyo munadzishuhudia enye vyakukala mwimwi mu- ana -a- ao ario aaulaga manabii. ³² Chisha mwimwi muna marigiza ku-udzariza sehemu ifaayo dambi za bezenu. ³³ Mwinoo nyoka, ana -a madzoka, mundaichimbira hukumu ya jehanamu chidzedzedze? ³⁴ Kwa vivyo, lola, Nina ahuna manabii kwenu atu ario na hekima na aandishi. Kahiza ao munda aulaga na kuasulubisha, na kahiza ao munda achapa ndani ya masinagogi genu na kuazola aombole mudzi mumwenga muhadi munjine. ³⁵ Gandigo omborera ni kwamba dzulu yenu vhanda- omborera mulatso wa wosini wa enye hachi urio mwagwa duniani, kwanzira mulatso Habili mwenye hachi, muhadi mulatso wa zakaria mwana wa Barakia, muriye muulaga kahiza vhatakatifu na madhabahu. ³⁶ Ujeri nina nwambira, mautu gaga gosini gandachipata chivyazi chichi.

³⁷ "Jerusalemu, Jerusalemu, uwe uriye una-aulaga manabii na kuapiga mawe arahu ahumwao kwako! Ni maranyingavhi nidzi akusanya ahoho a kwako vhamwenga, ngadza virahu kuku aikavyo vhamwenga vidzanavye tsini ya makwavhage, ela kudzahenza! ³⁸ Lola, lola nyumba ya kwako idzikala ganzo. ³⁹ Nami ninakwambira kwanzira vivi na kwenderera kundaniona muhadi undivho amba, 'yudzihaswa iye adzaye kwa dzina ra Bwana."