¹ Na mafarisayo na baandishi baisi kwa Yesu buka Yerusalemu, no baya, ² "Mwanja namani wanapunzi bako babomwa makowe ga apendo? Mana bauluwa kwa maboko gabe mana kaba lyaa chakulya."

³ Yesu kaayangwa na kwabakiya, "Na mwenga kwanamani mwibomwa saliya ya Ngwana kwa mwanja ya apendo winu? ⁴ Mana Nnongo atibaya, 'Mwaeshimu tate bako na mao bako, na ywalongela ngananyata kwa tate bako na mao bako, alowa waa.' ⁵ Lakini mwenga mubaya, 'Kila ywaammakiya tate bake na mao bake,' "Kila msaada walowa kupata uboka kachango sayeno zawadi buka kwa Nnongo,'" ⁶ "Mundu yo ntopo sababu ya kwamuishimu tate bake. Kwa aina yee mwitekwaniye likowe lya Nnongo kwa sababu ya masilai ginu. ⁷ Mwe mwalau, kweli kati Isaya mwabaite husu mwenga pabaite, ⁸ 'Bandu baa baniheshimu kwaa nenga kwa mikano yabe, lakini mioyo yabe ibii kutalu na nee. ¹⁰ Nga likema likundi na kwabakiya, "mubekani na mutange- ¹¹ Ntopo klebe chakiyingya munkano wa mundu chakinyeya mundu uchapu. Ila chakipita munkano, hacho gakinyenya mundu uchapu."

¹² Nga wanapunzi bake ngabayendelya no baya, ngabalongela na Yesu, "Je! Utangite mafarisayo pabayowine lelo likowe litikwalumiya?"

¹³ Yesu kayangwa na kwabakiya, "Kila mtombo wa kotwike panda lalebango ba mbinguni aupandike kwaa walowa luputwa. ¹⁴ Mwaleke kichabe, bembe viongozi bange minyo, Na mundu ngeminyo mana kampeka ngeminyo aupandike nyine bote abele batumbukya mulembwa."

¹⁵ Petro kayangwa na kummakiya Yesu, "Utubakiye twenga maana ya mfano goo.

¹⁶ Yesu kayangwa, "Na mwenga mnelewite kwaa?" ¹⁷ Mwenga mwabona kwaa kila chakiyenda mukano kipetya nndumbo na yenda kulindi? ¹⁸ Lakini ilebe yoti yaipita mukano ipita nkati ya mwoyo. Ngainyenya uchapu. ¹⁹ Kwa mwanja mumwoyo ipita mawazo mabaya, bulaga, umalaya, usalati, bwii, umbeya, ubocho na matukangano. ²⁰ Aga nga makowe gaganyenya mundu uchapu lakini lya bila uluwa maboko kumpanga kwaa mundu uchapu."

²¹ Yesu ngaboka pandu palo kayenda kutalu yenda upande wa Tiro na Sidoni. ²² Linga aichi nnwawa ywakanani buka upande woo ngakemelya kabaya, Unihurumiye, Ngwana, Wa mwana wa Daudi, mwinja wango ateswa muno na nchela."

²³ Lakini Yesu anyangwi kwaa kikowe, anapunzi bake kabaisa na kunnoba, kakabaya, "Mumoye ayende kachake, mana atupangyandoti."

²⁴ Yesu kayangwa na kuabakiya, Nitumilwe kwaa kwamundu ywoywoti ila kwa ngondolo babaobite ba munyumba ya Israel."

²⁵ Lakini atiicha no lita nnonge yake, ngabaya "Ngwana uniyangatiye" ²⁶ Ati kunyangwa no baya, "Inogite kwa tola chakulya cha bana na kwataikulya mabwa," ²⁷ Ngabaya, "sawa, Ngwana, hata nyoo mabwaa achene lyaa chakulya chakitomboka pameza ya ngwana wabe."

²⁸ Nga Yesu kayangwa no baya, "Nwawa, imani yako ngolo. Naipangilwe kachako kati ya ywapala." Na mwinja wake ngapona kwa muda wo.

²⁹ Yesu atiboka mahali palo na yenda karibu na bahari ya Galilaya. Boaka po ayei pakitombe no tama kwoo. ³⁰ Kipenga kikolo sa bandu chayei kachake, na kunelya iwete, bangeminyo, mabubu, babalemile na benge, bababile atamwe baabekete pama ngologa Yesu lenga aponeye. ³¹ Na kipenga satisangala pabamweni mabubu kabalongela, ilema kababa akoto, iwete kabayenda na bangeminyo kabalola. Batikumsifu Nnongo wa Israel.

³² Yesu ngaakema anapunzi bake kaakokeya, "Nikiboni huuruma chelo kipenga cha bandu, kwa mana chabile na nenga masoba gatatu bila lya kilebe chochoti. Niwesa kwaa kwalaga bayende bila lyaa, bakana induka mundela."

³³ Anapunzi bake, kabammakiya, "Kwaako kwatuweza pata mikate yanyansima na pano papongote yo yukuta umati nkolo kiasi cheno?

³⁴ Yesu kaakokeya, "Mubile na mikate ilenga? Kabayanywa, "saba ni omba achene." ³⁵ Yesu ngabakiya mwabakiye bandu batame pae. ³⁶ Atweti yelo mikate saba na balo omba achene na baada ya shukuru, ngaimetwana na kwapeya anapunzi bake. Anapunzi bake ngabapeya bandu. ³⁷ Bandu boti kabalya na yukuta, ngaba kusanya ipande ya kulya yai igalile ipande ipande, yalweli itondo saba. ³⁸ Boti bababile analome elfu ncheche bila alwawa na bana. ³⁹ Boka po Yesu kaalangya bayende kachabe na kujingya mungalaba na yenda sehemu ya Magadani.