¹ Apa ndi akamafarisayu na ahandishi baika kwaka Yesu kuuma kuyerusalemu. Nukupwaga, ² Ndaba jaki banafunzi bagahalabana mapokeu ga azee? Kwasabu ngaseasamba masi akiba akula sakula.

³ Yesu jaabua nakapwaji, Nanamu-ndaba ja chiche mwijiharabana sheria jaka Bambu kwajili ja mapokeu Gino? ⁴ Kwa kuba Sapanga japwaga, aeshimua atati baku na amabaku, na jojupwaga uovu gwa atati baki na amabaki hakika jitenda kuwa.

⁵ Lakine mwanganya mpwaga, kila jojaapwaji atati baki na amabaki, kila nsaada ambau jakapata kuuma kwane enu ndi zawadi kuuma kwaka Sapanga. ⁶ Mundu we hoju ngasejubi na haja jakaeshimu atati baki katika namna eji mwilitengwi linenu laku Sapanga kwaajili ja mapokeu ginu. ⁷ Mwanafiki, kwabya sapi Isaya pajatabilia kuhusu mwe pajapwaga. ⁸ Bandu aba aheshimu ne kwimilomu jabu, Lakine myoju jabu jibi kutali nanenga. ⁹ Ahabudu pabwaka, kwasabu apundisa mapundisu gagabi na maagisu gaka binadamu.

¹⁰ Ndi jilikema likundi la bandu nakaapwagi, nzowanya nuumanya- ¹¹ Ngasekibi sekijinga mundomu jaka mundu nukumfanya najise, Lakine sekiuma mundomu jaka mundu sela ndi sesumfanya mundu kuba najise.

¹² Ndi banapunzi paanzendila nukulonge na Yesu, Bo! Umanyiki akamafalisayu pabajogwana lilobi lela bayomiki kwele? ¹³ Yesu jaajibua nukupwaga, kila mmea ambau Atati bane bukumbingune ngasebuupandiki bitenda kutupu. ¹⁴ Mwaleka kanzika, akiviongozi akaipofu, Anamundu kipofu andongua kipofu nzake, boti abeli biabukya mwilibomba.

¹⁵ Petro jajibua nukumpwaji Yesu, tuelisa mfanu ago kwitu.

¹⁶ Yesu jajibua, Nanamu mwakonga ngasehaelewa? ¹⁷ Mwe ngaseumbona kuba kila sekijenda kundomu kipete mulutumbu nukujenda kukyelo? ¹⁸ Lakine hindu yoti yeyiuma kundomu iuma nkati ja mwoju, Ndi hindu yeyutia mundu unajise. ¹⁹ Kwakuba katika myoju gapita mawasu giliyaa, uuaji, uzinze, uasherati, gwii, ushuhuda gwi isoli, na matendu. ²⁰ Aga ndi mambu gagunjeje mundu unajisi Lakine kula bila kusamba masi kuhenga mundu kuba najise.

²¹ Ndi Yesu jaboka mahali pe pale nukujitenga kujenda upandi guku miji jaka Tiro na Sidone. ²² Linga jaika mumbomba nkanani kuuma katika pandi ye eyi, Japasa sauti japwaga, Nhurumia, Bambu, mwana jwaka Daudi, mwanajwa juteseka na mapepu sana.

²³ Lakine Yesu ngapaanzibua linenu. Banapunzi baki baika kusihi nukupwaga, Mumboa jubokaje, maana juttupeje chelele.

²⁴ Yesu jaabua nukupwaga, Ngasebanduma kwaka mundu jokapi isipokuwa kwaka likondoo babaobiki bunyumba jaka Israeli.

²⁵ Lakine jaika nukujema palonji jaki, japwaga, Bambu nyangate.

²⁶ Anzibua nukupwaga, Ngasapi kujukuu sakula sa bana nukulekale jimbwa.

²⁷ Jwapwaga, Bambu, hata henu jimbwa isoku ikula sakula sekiabuka pamesa jaka Bambu jwabo.

²⁸ Ndipu Yesu jajibua nukupwaga, Mbomba, imani jaku ngolongu, Na jitendeka Kama egupahi. Na mwanajwaki ejabya emponyiki katika wakati gwe hogu.

²⁹ Yesu jaboka mahali pala nukujenda kalibu na bahale jukugalilaya. Alafu jajenda kunani ju ndema nukutama hoku. ³⁰ Likundi likolongu laika kwachi, nukundete kiweti, kipofu, bubu, kilema, na bangi bingi, bababihi agonzo. Babei katika magolu gaka Yesu jatenda kwaponya. ³¹ Nu umati gwasnjia, egwabona akabubu bakalonjia, akailema Batavia asiama, akaiweti bakajenda na akiipofu bakalinga. Ansifua Sapanga jwaka Israeli.

³² Yesu jachema wanafunzi baki nukupwaga, Nuubonii Huruma umati kwasabu babi nane kwa masoba gatatu bila kula saokapi. Nganaagi ajenda kwabu bila kula, biinduka Mwindela.

³³ Banapunzi baki ampwajila, kwa kotuwesa kupata mikati jukutosa pambaa jukuwesa kutupi umati nkolongu anana? ³⁴ Yesu jaapwajila, mbi ni mikati jilenga? Bapwaga, saba na homba isoku isoku kidogu.

³⁵ Yesu juuamulua umati utama pahi. ³⁶ Japia mikati Saba na homba, na baada ju kushukulu, janukua na kapyekye banapunzi. Banapunzi buupekya umati. ³⁷ Bandu boti bakula nukutoseka. Na bakusanya mabaki go ipandi ga yakula yeyaigali ipandi ipandi, yetwelala ikapu Saba. ³⁸ Bote babakuliki babii elfu nsesi bila akambomba na bana.

³⁹ Alafu Yesu juguaga umati gujenda na jajingala nkati ja bwatu nukujenda sehemu yukumagadane.