¹ Yesu jachema wanapunzi bachi kumi na mbile pamu nakapeche mamlaka juu ja mapepu machafu, kugakeme nukugabenga nukuponya aina joha ja malazi na aina joha ja magonzu. ² Maina gaki mitumi kumi na mbile ganga la kwanza Simoni (ambapu jobuchema Petro), na Andrea kaka jwaka Yakobu mwana jwaka Zebedayo na Yohana kaka jwaki. ³ Pilipu na Bartelemayo, Thomasu, na Mathayo ntoza ushuru, Yakobu mwana jwaka Alfayu na Tadeo. ⁴ Simoni nkananayu, na Yuda iskarioti, jobusalitia.

⁵ Komi na abeli ba Yesu bajatuma. Na jombi jaelikisa kupwaga “Mwijenda koaishi bandu bamataipa na mwijingaa mumiji ja asamalia. ⁶ Badala jake je nzenda kwaka kondoo baaobiki bunyumba jaka Israeli. ⁷ Na enzenda, uhubiria nukupwaga, upalume guku mbingune guegalie. ⁸ Mwaponxa agonzu, kwa fufu bawie, kwatakasa baabi nu ukoma nukubenga mapepu, nzopiki bwaka, mboa bwaka. ⁹ Mwichua dhahabu, almasi au shaba umpochi yino. ¹⁰ Mwijukuu nkoba katika safari jinu, au ingobu ya ziada, ilatu au iboku, kwa kuba jojihenga kasi jwisitaili kilebi sache. ¹¹ Musi gwaokapi au kijiji semwijingaka, mwakatafuta jojwistahili na mwakatama pala mbaka emwiboka. ¹² Emwakajingaka katika nyumba mwakalamukya. ¹³ Endapu nyumba jistahili, amani ji jakaigala pala, lakine kama nyumba ngasejistaili, amani ji jakaboka pamu na mwe. ¹⁴ Na ba asindike kunzepa mwe na kwagajogwane malobi gi wakati emwiboka mnyumba au pa musi gwe ogu, mwajipangusa luhombi lwa yaji yi sehemu je eji. ¹⁵ Sakaka nupwaji, jibwa jukustahimili zaidi miji ja sodoma na Gomora lisoba la hukumu kuliku musi gwe ogu.

¹⁶ Ndingalya, nuntuma kama lingoi katikati ja jumbwa jimwikinyai, kwaiyu mbya mwaelepu kama majoka na mwapoli kama inzeba. ¹⁷ Mbya mwaangalipu na bandu, bampelika kwamabarasa, na bandapula kwa Masinagogi. ¹⁸ Na bandeta mbeli ja akuu na afalme kwaajili jangune, kama ushuhuda kwabu bombi na mataifa. ¹⁹ Kipindi ebanchutumua, mwikuba na wasiwasi jinsi bo au chi sukulonge, kwa kuba sindu sukupwaga bampekya wakati gogo. ²⁰ Kwa kuba ngamwe mwemwilongila, lakine roho ja Atati bijilongila nkati jinu. ²¹ Ndongu aanzumke ndongu waki kunkoma na atati kwaka mwana jwake. Bana bijumka zidi ja azazi na kasababishi kifo. ²² Namwe jansukila kila mundu kwa sabu ja lina lane. Lakine jokapi jojwivumilia mpaka kumwiso mundu oju ndi jojwiokuliwa. ²³ Kipindi ebantesa katika mji gongo, mwitilila mji gogupuata, kwa sakaka nupwaji, ngamwikubi mpiti ku musi goa gwa Israeli kabla jaka mwana jwaka Adamu ngasejuchelabwiche.

²⁴ Mwanapunzi nga ukolongu kuliku mwalimu jwache, wala ntumwa jojubi panani kaka bambu jwake. ²⁵ Jitosiki kwaka mwanapunzi kwamba jubya kama mwalimu jwake, nu untumishi kama Bambu jwake, kwa kuba nunkemiki Bambu jwa nyumba Belzabuli, kwi kiasi bo ebanjashifua jwa nyumba jake.

²⁶ Kwahiyu mwaajogopa bombi, kwakuba nga sindu sukusindwa kufunuliwa, na nga sekijobiki sekisindwa kumanyikana. ²⁷ Sokapi senuwpwaji palwi, mwipwaga pamwanga, na senzogwana kuulaini mwamakutu gi, mwikitangasa koni umbi kunani ja nyumba. ²⁸ Mwajogopa babunkoma yega lakine abi nu uwesu gu kukoma roho kuzimu kula. ²⁹ Bo akakasuku abeli ngasebalombesa kwa sendi nzoko? Hata hivi nga jojuwesa kuabuka pahi bila Atati binu kumanya. ³⁰ Lakine hata idadi ja majunzu ginu atei kubalanga. ³¹ Mwikuba na hofu kwasabu mbi na samani zaidi kuliku aka kasuku binji. ³² Kwahiyu kila mundu jojwingilia palonji ja bandu, nane nankiria palonji ja Atati bango baabi kumbingune. ³³ Lakine jombi jojwingana mbeli ja bandu nane nakana mbeli ja Atati ba baabi kumbingune.

³⁴ Mwiwasalia kubanga ne ichichi kuleta amani pundema pane. Ngaseikiki kuleta amane lakine upanga. ³⁵ Kwa kuba ikiki kumbeka mundu mjupengana na atati baki na binti zidi ja amabake, na mkwe zidi jukunkamwana jwake. ³⁶ Adui jwaka mundu jubya junyumba Jake. ³⁷ Jombi jojwapahi sana amabu au atati kuliku nenga hoju ngasejwistaili kwangu nenga. ³⁸ Jombi jojwisinda kutogo nsalaba kumpwata nenga hoju mgasejwistaili kwangu nenga. ³⁹ Jombi jojwitaputa maisha jwagatenda kwagaowa. Lakine jojwiowa maisha kwa ajili jangunenga kojwagapata.

⁴⁰ Jombi jojwankaribisha jungaribisha nenga, na jojwingaribisa nenga ankaribishi jojundumiki nenga. ⁴¹ Najombi jobakaribisa nabii kwasabu juunabihi gwache jwijopa sawabu jaka nabihe. Na jobankaribisa jojubihi na hake kwasabu ndo mundujwa hake jwijopa sawabu jaka mundu jwa hake. ⁴² Jokapi jobapekya jumu kati ja asokopi bamba, hata kikombi sa masi ga kunywa mahimu, kwa sabu jombi mwanapunzi, kweli nupwaji, jombi nhgajwiwesi kukosa kwindera jaokapi sawabu jache.