¹ Yesu niyamala huibulwa mu Bethlehemu sialo siobuyudaya munyanga chiomuruki Herode, Abamakesi hurula ebukwe bola mu Yerusalemi nibareba, ² "Ariena owebulwa mwami wabayaudi? Hwalolire ing'ining'ini yaye ebukwe, hwahecha omwinamira.

³ Omuruki Herode niyaulira kano, omwoyo kwamusandia alala nende Yerusalemu inamba. ⁴ Yabusia makuhani bahongo nende abandiki ba bandu, nabareba ari "Niena a Yesu yebulwe? ⁵ Bamukalusia bari, mu Bethlehemu ye buyudea, ne kano niekandikwa nende omunabii. ⁶ "Ne ewe, Bethlehemu, musialo sia Yuda orariho mulala hubaruki ba Yuda, omuruki yarule muewe, owaharuke bandu bange Israeli.

⁷ Ne Herode yalanga Abakesi abo mubwekisi niyenya omanya siha sieing'ining'ini yabalolohanira. ⁸ Yabaruma bachie Bethlehemu nabola ari muchie mukonye omwanoyo, ne nimumunyola, mumbolere siosi njie mwinamire.

⁹ Nibamala oulira omwami babwao ne ing'ining'ini yabemerera. Ne yaliyula omwama yari niyema. ¹⁰ Nibalola ing'ining'ini, basangala muno, muno. ¹¹ Bengira munyumba mani balola omwana nende Maria ng'ina. Bakwa asi bamwinamira. Bekula chindai chiabu mani bamuberesia ebianwa bieimula, ubani nende manemane, ekiri musala kindi ekiunya sing'ari. ¹² Nyasaye yabakania mu maloro, barafunya hu Herode, mani bafunya mu sialo siabu nibalonda ingira indi.

¹³ Nibamala obwao, malaika wa Nyasaye yabolera Yusufu mumaloro ari "Singira obukule omwana omuyere nende ng'ina, iruha ochie musialo sia Misiri. Mudong'eyo ohula inyanga ya ndahubolere ohubera Herode yenya okonya mwana oyo amwire". ¹⁴ Ngayasumuha, yabukula omwana muyere nende ng'ina mani bachia Misiri. ¹⁵ Bamenyayo ohuula hufwa hwa Herode. Bino biosia chimbosi echiaabolwa nende omwami hubirira humunabii nabola ari "Hurula Misiri nangire omusiani wange." ¹⁶ Herode niyalola mbu bamubeyire, ririma riamuamba yarumana bere abana basiani bosi abari mu Bethlehemu nende mulukongo ololuosi abari nende miaka kibiri huiha asi, hulondohana nende biha biabakesi bamuekesia. ¹⁷ Chiola chimbosi echiabolwa nende Yeremia omunabii nabola ari ¹⁹ Herode niyamala ofwa, malaika wa Nyasaye yalolohera Yusufu mu maloro nari Misiri ²⁰ Nabola ari "Singira obukule omwana muyere nende ng'ina ochie mu sialo sia Israeli, hubera bamalire ofwa bosi abenyanga omalao bulamu bwomwanoyo. ²¹ Yusufu yasumuha yabukula omwana muyere nende ng'ina bafunya mu sialo sia israeli.

²² Ne niyaurira ari Achelausi niomuruki wa Yudaya abundu wa Herode samwana, yaria ochiayo. Nyasaye namala omukania mu maloro, yarulao yachia muchi mali chia Galilaya. ²³ Yachia yamenya mu lukongo lulangwa mbu Nasareti. Bino biechusia imbosi eyabolwa nende banabii mbwe yahalangwe omunasareti.