¹ Amanini na n’amukok nafuhunerek Yesu Kristo, lolonyi ho Davide, lolonyi h’Abramo.

² Abramo nya lomonye ho Isako, Isako lomonye ho Yakobo, Yakobo lomonye ho Juhah, karik olarok honyong.

³ Judah nya lomonye ho Perez karik Zerah tho Tamar, Perez lomonye ho Hezron, Hezron lomonye ho Ram.

⁴ Ram lomonye ho Amminabad, Amminabad lomonye ho Nahshon, karik Nahshon lomonye ho Salmon.

⁵ Salmon lomonye ho Boaz tho Raham, Boaz lomonye ho Obed tho Ruth, Obed lomonye ho Jesse.

⁶ Jesse nya lomonye h’ohobu Davide. Davide nya lomonye ho Solomone tho Uriah.

⁷ Solomone nya lomonye ho Rehoboam, Rehoboam lomonye ho Abijah, Abijah lomonye ho Aza.

⁸ Aza nya lomonye ho Johoshaphat, Johoshaphat lomonye ho Joram, karik Joram nya lohohony ho Uzziah.

⁹ Uzziah nya lomonye ho Jotham, Jotham lomonye ho Ahaz, Ahaz lomonye ho Hezekiah.

¹⁰ Hezekiah nya lomonye ho Manassek, Manasseh lomonye ho Amon, Amon lomonye ho Josiah.

¹¹ Josiah nya lohohonyi ho Jechoniah karik olarok d’omiru h’eyaru nasong di Babylonia.

¹² Diholu h’eyaru nasong di Babylonia, Jechoniah nya lomonye ho Sheahtiel, Sheahtiel nya lohohonyi ho Zerubabbel.

¹³ Zerubabbel nya lomonye ho Abiud, Abiud nya lomonye ho Eliakim, karik Eliakin nya lomonye ho Azor.

¹⁴ Azor nya lomonye ho Zadok, Zadok lomonye ho Achim, Achim lomonye ho Eliud.

¹⁵ Eliud nya lomonye ho Eleazar, Eleazar lomonye ho Mattham, Mattham lomonye ho Yakobo.

¹⁶ Yakobo nya lomonye ho Yosefo, londe ho Maria, nayisu Yesu, loilongoi ara Kristo.

¹⁷ Inyong na, owoni nyana operi tomon larangwan (14) th’Abramo do Davide, karik tomon larangwan (14) tho Davide tok d’esuka nasong di Babilonia, karik tomon larangwan (14) th’esuka nasong di Babilonia tok do Kristo.

¹⁸ Ahana inyana ofuk ayisuna no Yesu Kristo; ethafithahini nya Maria do Yosefo, ti, dihithemi h’amutha nasong, arimahini Maria h’ahohye th’Ohoile tho Lodwa. ¹⁹ Yosefo nyana othulo lobis, ti, aang nya owak ethajuhina Maria ahu, th’anyahina arami hune dindak. Thiya, awak inyong lo edara amutha ho Maria ohwai dee. ²⁰ Dihide hegigilo nanyong arami hune, aindu anjelo l’Ohobu donyong ditha etharika, ajyo donyong, “Yosefo, onyakwarit lo Davide, hoibang endafaitho Maria ara afure nahoi, anyo, owejik inyong na oitho th’adwaran thon’Ohoile Lodwa. ²¹ Owon de hoitho leindu iye ilongo ara Yesu – anyo, oindu de ithalwahuna ohothing honyong th’eyatha hasong.” ²² Ofuhi arami hune theene, dofunerek asang hanya athuk Ohobu ajaran thol’ohocoroni iwonan ara hadiri, ²³ “Oindu de athulo abothor imoho, karik awon h’olonyi, karik afuni de ilongo inyong ara Emmanuele” najo, “Ojok hohothai”. ²⁴ Thene, ahenyuna no Yosefo, amuthayo Maria, iring nanyahinerek inyong anjelo thoihandye. ²⁵ Ti, kabong orwangarik inyong dihithemi h’athamana nanyong olonyi. Thiya elongo ofure lonyong Yesu.