¹ Ekitabho cho ruganda rwa Yesu kristo omwana wa Daudi, Omwana wa ibrahimu. ² Ibrahimu ariga rata wa Isaka, Isaka rata wa Yakobo, na Yakobo rata wa Yuda na Yuda na abhamura bhabho. ³ Yuda aliga rata wa Peresi na Sera wa Tamari, Peresi rata wa Hezeroni na Hezironi rata wa Ramu. ⁴ Ramu aliga esemwene Aminadabu, Aminadabu Rata wa Nashoni, na Nashoni rata wa Salimoni. ⁵ Salimoni aliga rata wa Boazi kwa Rahabu, Boazi rata wa Obedi ku Ruth, Obedi rata wa Yese, ⁶ Yese ariga rata wa Mkama Daudi, Daudi ariga rata wa Selemani wo mugasi wa Uria. ⁷ Selemani ariga rata wa Rehoboamu, Rehoboamu rata wa Abiya, Abiya rata wa Asa. ⁸ Asa ariga rata wa Yehoshafati, Yeoshafati rata wa Yiramu, na Yoramu rata wa Uzia. ⁹ Uzia ariga rata wa Yothamu, Yothamu rata wa Ahazi, Ahazi rata wa Hezekia. ¹⁰ Hezekia riga rata wa Manase, Manase rata wa Amoni na Amoni rata wa Yosia. ¹¹ Yosia aliga rata wa Yekonia na abhamura bhabho bhagegerwe okugenda Babeli.

¹² Eire agegwa Okuja babeli, Yekonia ariga rata wa Shatieli, Shatieli ariga jaji wabho na Zerubabeli. ¹³ Zerubabeli ariga rata wa Abiudi, Abiudi rata wa Eliakimu, na Eliakimu rata wa Azori. ¹⁴ Azori ariga rat wa Zadoki, Zadoki rata wa Akimu, na Akimu rata wa Eliudi. ¹⁵ Eliudi ariga rata wa Elieza, Elieza rata wa Matani na Matani rata wa Yakobo. ¹⁶ Yakobo ariga rata wa Yusufu omurume wa Mariamu, unu kuhuyo Yesu ebhuwe nabhilikirwa Kristo.

¹⁷ Jinyibhuro jone kusoka ku Ibrahimu mpaka ku Daudi jariga ekumi nena, okusoka ku Daudi mpaka kugegwa kugenda Babeli ni nyibhuro kumi nena, nokusoka okugegwa okugenda Babeli mpaka kristo ni nyibhuroekumi nena.

¹⁸ Okwibhurwa kwa Yesu kristo kwabhee kutya. Nyiramwene Mariamu abhusibhwe okubhoko na Yusufu bhachari kubhamwi arorerwe anainda kwo bhuturo bhwo omoyo mweru. ¹⁹ Omurume waye Yusufu abheye mwitongesi atendere kumuswasha. Aramuye okurema obhuko kwa mbisike. ²⁰ Ariga neganilisha inguru ya amang'ana ganu, Malaika wa Mukama namwijira mukiroto, naika, “Yusufu mwana wa Daudi, usuge kubhaya kugega Mariamu abhe mukao, kwokubha inda inu alinayo niyo bhuturo bhwa omoyo mweru. ²¹ Kaja okwibhura omwana wa kimura ukamubhirikire lisina lyaye Yesu, kwokubha kaja okuturya abhanu bhabheye ne ebhikayo bhyebhwe.” ²² Gone ganu gatokee okumalisha ganu gaikirwe no Mukama kwa njira yo obhuroti, naika, ²³ “Ringira omuyara kagega inda no kwibhura omwana we chirume, na abhamubhilikira risina ryae Imanueli”--maana yendemo, “Nyamuwanga amwi neswe.” ²⁴ Yusufu ejire alamuka mutiro nakora kutyo Malaika amulagiriye namugega rwa mukaye. ²⁵ Kutyo one bhata fugererene paka anu abhuye omwana we kirume na mubhilikira risina ryae Yesu.